EZRA 7:6 - Jinghpaw Common Language Bible 2009

^6-7 Ezra gaw dai Madu Israela Karai Kasang Mawshe hpe jaw ya ai Tara hpe azin ayang chye chyang ai hpaji ninghkrin wa rai nga ai. Ezra gaw dai Madu shi a Karai Kasang a shaman chyeju hkam la nu ai majaw hkawseng wa mung shi hpyi mahpyi lam magup jaw ya wu ai. Artazazi hkaw dung ai sanit ning hta Ezra gaw Israela masha ni hta hkinjawng ni, Lewi masha ni, htingnu mahkawn mangoi masha ni, Nawku Htingnu sin ai ni hte amu galaw masha ni lawm ai hpung mi hte Babelon mung kaw nna Yerusalem mare de wa ma ai.

Jinghpaw Hanson Version Bible

⁶ Dai wa gaw Israela Karai Kasang Yehowa jaw ai, Mawshe a tara laika hta chyare kaba rai nga ai; shi a Karai Kasang Yehowa gaw, shi a matu shadut wu ai hte maren, hkawhkam wa gaw shi hpe hpyi mahpyi jaw wu ai.

EZRA 7:6 ပူးပေါင်းရင်းမြစ်များ

NINGPAWT NINGHPANG 32:28

Dai masha wa gaw, “Na a mying Yaku ngu lu sana n rai. Nang gaw Karai Kasang hte mung, masha ni hte mung malan da ting hkat ai hte dang kau nit dai; dai rai nna na a amying Israela rai na lit dai,” ngu nna tsun wu ai.

EZRA 5:5

Rai ti mung, Karai Kasang gaw Yuda ningbaw ni hpe mada yu nga ai rai nna, Dari hpang de laika ka dat ai hte shi kaw na htang ai laika bai lu la ai aten du hkra, shanhte n hkum da na matu Persi du salang ni amu n shapraw na matu daw dan da ma ai.

EZRA 6:22

Shanhte gaw Matsi N Rawng ai Muk Sha Poi hpe mung kabu gara ai myit hte sanit ya tup galaw ma ai. Dai rai nna shanhte kabu gara ai myit hte hpring nga ma ai; hpa majaw nga yang, dai Madu gaw Asuri hkawseng wa hpe shanhte hpang de myi man kayin shangun nga ai rai nna Israela Karai Kasang a Nawku Htingnu bai gaw gap ai amu hta shanhte hpe karum ya nga ai.

EZRA 7:21

Sumsing Lamu a Karai Kasang a Tara hta hpaji ninghkrin rai nga ai hkinjawng Ezra a matu shi nanhte kaw hpyi ai arai magup sumhpa hpe Uhprat a Sinna maga nga ai sut dek up hkang ai du ni yawng hpe,

EZRA 7:28

Karai Kasang a chyeju gawp e, hkawseng wa, shi a hpaji jaw ni, daru magam atsam hte hpring ai du salang ni yawng a man e ngai hpe myi man pa shangun nga sai. Dai Madu nye a Karai Kasang ngai hpe nden marai jaw ya ni ai majaw ngai hte rau nhtang wa na Israela amyu lakung ni a ningbaw law law ni hpe ngai alau la lu nngai.”

EZRA 7:5

Buki gaw Abishua a kasha, Abishua gaw Hpineha a kasha, Hpineha gaw Eleaza a kasha, Eleaza gaw Arun a kasha rai nga ai.

EZRA 8:1

Ndai gaw Artazazi hkaw dung nga yang, Babelon mung hta bawng dung hkrum nna Ezra hte rau Yerusalem mare de nhtang wa ai amyu lakung ni a ningbaw ni a jahpan rai nga ai:

EZRA 8:18

Shanhte mung Karai Kasang a chyeju hte Sherebia, marai rawng ai masha langai, Mali amyu lakung na Lewi masha langai hte rau shi a kasha ni hte kahpu kanau ni marai shi matsat hte hpe shangun dat ma ai.

EZRA 8:22

Anhte a Karai Kasang gaw shi hpe kam sham ai masha shagu hte hpe shaman ya nga ti mung, shi kaw na kayin mat wa ai kadai hpe mung shi n ra sharawng ai hte ari jaw nga ai ngu shi hpe ngai tsun kau ni ai majaw, anhte hkrun lam hkawm nga yang, anhte hpe gumlau hpyen a lata kaw nna mung, bau sin makawp maga ya na matu gumra dap hpyen hpung mi hkawseng wa kaw hpyi na, ngai kaya mat ni ai.

EZRA 8:31

Anhte gaw Yerusalem de sa wa na matu, Ahawa hka shi makau kaw na, shata langai a shi lahkawng ya shani e pru wa ga ai. Anhte a Karai Kasang gaw anhte hte rau nga nga ai rai nna anhte bu hkawm wa yang, gumlau hpyen ni makoi gyem let htim gasat ai kaw na mung anhte hpe makawp maga la mi ai.

NEHEMIA 12:26

Ndai amyu masha ni gaw Yehozadak a kashu, Yawshu a kasha Yoiakim a prat e mung, munggyi Nehemia a prat e mung, Tara sara ninghkrin hkinjawng Ezra a prat e mung nga nga ma ai.

NEHEMIA 12:36

Shi a hpang e shi a amyu lakung na Shemaia, Azarela, Milalai, Gilalai, Maai, Nehtanela, Yuda, Hanani ngu na yawng hte gaw Karai Kasang a masha Hkawhkam Dawi dum ai madum sumpyi baw lang let hkan nang ma ai. Ndai zawn kanawng hkawm ai hpung hpe Sara kaba Ezra woi awn nga ai.

NEHEMIA 2:12

Ngai gaw Yerusalem a matu galaw na amu Karai Kasang ngai hpe kaning rai shatsam da sai lam kadai hpe mung n tsun dan nngai. Dai hpang ngai gaw shana yup tung e rawt nna, ngai hte rau nye a manaw manang nkau mi hpe woi nna pru mat wa nngai. Ngai jawn ai lawze hpe chyu sha anhte woi mat wa ga ai.

NEHEMIA 2:18

Karai Kasang gaw ngai hte rau nga nga nna kaning rai karum la ai lam hpe mung, hkawseng wa ngai hpe kaning nga tsun ai lam mung, shanhte hpe ngai tsun dan we ai. Shanhte gaw, “Bai de da saga law!,” ngu nna tsun htang shajang ma ai. Shing rai shanhte gaw bungli galaw hpang na matu jin jin rai ma ai.

NEHEMIA 2:8

Ngai gaw hkawhkam wa a maling ni hpe up ai Asap hpang de, Nawku Htingnu sin ai hpyen dap chyinghka ni a matu mung, mare bunghku ni a matu mung, ngai rawng na dum nta a matu mung hpunpyen jaw lu na matu shi hpe matsun dat ai laika langai hpyi we ai. Karai Kasang gaw ngai hte rau nga nga ai majaw dai hkawseng wa mung ngai hpyi ai lam yawng jaw ya nga ai.

NEHEMIA 4:15

Anhte a gumlau hpyen ni mahtang shanhte hpaji daw maw mawn nga ma ai amu hpe anhte mu chye kau ya sai lam na mu yang Karai Kasang gaw shanhte a maw mawn ai lam hpe dang kau nu ai lam shanhte dum chye wa ma ai. Dai hpang anhte yawng mung bunghku bai gaw gap ai shara de bai wa ga ai.

NEHEMIA 8:1

Shata sanit ngu na hta, Israela amyu masha ni yawng shanhte a mare ni hkan nga nga ma ai. Dai shata a shawng shani e, shanhte yawng gaw Yerusalem mare na Hka Chyinghka kata maga de na dam lada shara hta sa hpawng nga ma ai. Shanhte gaw dai Madu gaw Israela hpe Mawshe a lata hku jaw da sai Tara Laika buk hpe Tara sara ninghkrin hkinjawng Ezra kaw hpyi ma ai.

NEHEMIA 8:13

Hpang shani e, amyu lakung ni a ningbaw ni hte hkinjawng ni, Lewi masha ni gaw Tara a sharin shaga ga ni hpe sharin achyin la na nga, Ezra hpang de sa ma ai.

NEHEMIA 8:4

Ezra mung lak san galaw shachyaw da ai hpun pinra ntsa e rawt tsap nga ai. Ndai masha ni gaw shi a hkra maga de tsap ma ai; dai ni gaw Matihtia, Shema, Anaia, Uria, Hilkia hte Masea hte rai ma ai. Pai maga de mahtang Pedaia, Mishaela, Malhkiya, Hashum, Hashbadana, Zehkaria hte Meshulam ni rai ma ai.

NEHEMIA 8:9

Ya amyu masha ni Tara laika ga hpa rai nga ai lam na jang, shanhte grau sit sa nna hkrap ngu hkrap ngoi hpang wa ma ai. Dai rai nna munggyi Nehemia, hkinjawng Ezra ngu ai tara sara ninghkrin hte amyu masha ni yawng hpe Tara a lam tsun shaleng dan ai Lewi masha ni gaw, “Dai ni na nhtoi gaw dai Madu nanhte a Karai Kasang a matu chyoi pra nga ai shani rai nga ai, dai rai nna nanhte gaw yawn hkyen ai hte hkrap ngu hkrap ngoi na myit dai n rai.

NEHEMIA 9:13

Nang gaw sumsing lamu kaw nna Sina Bum de yu sa nhtawm; na a amyu masha ni hpe nang ga shaga ai hte mai kaja ai tara ni hte jaw ai sharin achyin ga ni hpe jaw ya nga ndai.

SHAKAWN KUNGDAWN 109:27

Ngai hpe hkye hkrang la ai wa gaw nang rai nga ndai hpe nye a gumlau hpyen ni hpe chye shangun e law.

SHAKAWN KUNGDAWN 147:19

Shi gaw shi a amyu masha ni hpang de, shi a mungga hte shi a sharin achyin ai matsun mungga hte tara ni hpe Israela amyu masha ni hpang de jaw ya nga ai.

SHAKAWN KUNGDAWN 45:1

Hkawhkam wa a matu, ndai mahkawn hpe ngai jahtuk ai majaw; nye a myit masin hta tsawm htap ai ga ni hte hpring nga li ai. Kungkyang ai laika ka shara wa lang ai pen zawn, nye a shinglet gaw ga shagawp tsun na jin jin rai nga nngai.

SHAKAWN KUNGDAWN 80:18

Anhte galoi mung, nang kaw na htak mat wa na ga ai n rai; anhte hpe jahkrung la mi, anhte nang hpe shakawn nga na ga ai.

GA SHAGAWP 3:6

Nang galaw ai lam shagu hte hta, dai Madu hpe dum nga u; shing rai yang, shi gaw ding man ai lam, nang hpe madun dan na ra ai.

ESAIA 50:2

“Shanhte hpe hkye hkrang la na matu ngai shanhte hpang de sa ai shaloi, nye a amyu masha ni atsin sha nga ma ni? Ngai shaga yang hpa majaw shanhte n htan ma ni? Ngai gaw shanhte hpe hkye la na matu n-gun nau kya la nga a ni? Ngai gaw nye a ga hte panglai hpe hkun hkraw shangun lu ai hte hka nu ni hpe zaibru jang shatai lu nngai, shaloi dai hta rawng ai nga ni gaw hka n lu ai majaw si mat nga ai.

ESAIA 59:1

Dai Madu gaw nang hpe hkye la na matu nau wa n-gun kya ai hte karum la na matu na a shaga ai nsen na la na nau wa na lahpang nga ai ngu, hkum myit nawn myit!

YEREMIA 8:8

Nang gaw hpaji rawng ai wa hte nye a tara lam ni hpe chye nga ndai ngu nna kaning rai tsun lu na rai ta? Yu u, tara lam ni gaw n ding n man ai laika ka sara ni a majaw shai mat nga sai.

MAHTE 13:52

Bai shi gaw, “Dai rai nna sumsing lamu a Mungdan hta e sape langai mi tai wa sai tara sara shagu gaw, tinang a sut dek hta na nnan baw mung, dingsa baw mung shapraw ai nta madu wa hte bung nga ai,” ngu nna shanhte hpe htan mu ai.

MAHTE 23:2

“Tara sara ni hte Hparishe ni gaw Mawshe a jep ai Tara hpe lachyum htai dan na ahkaw ahkang lu da ai ni rai ma ai.

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, lamu ga aprat htum hkra ngai nanhte hte rau dinggrin anga nga na nngai law,” ngu nna shanhte hpe matsun dat mu ai.

1 KORINHTU 1:20

Dai re ai majaw, hpaji byeng-ya rawng ai wa kanang nga a ta? Laika ka ai sara kanang nga a ta? Ndai mungkan ga na ga tsun shingjawng lu ai ni kanang nga a ta? Karai Kasang gaw ndai mungkan ga a hpaji byeng-ya hpe angawk angak kaman lila shatai kau ya manu ai n rai ni?

1 KORINHTU 15:1

Hpu nau ni e, ngai nanhte hpe hkaw tsun dan nna nanhte mung hkap la ai hte, dai hta nanhte a makam masham ngang ngang kang kang rai nga sai dai Kabu Gara Shiga a lam ngai nanhte hpe bai shadum mayu made ai.

TARA JAHPRANG 28:1

“Dai ni, ngai nanhte hpe jaw ai shi a hkang da ai ga ni yawng hpe sadi sahka let shadik shatup nhtawm dai Madu nanhte a Karai Kasang a ga hpe madat mara hkan sa myit yang gaw, ndai ginding aga ntsa na masha amyu gale yawng hta nanhte hpe shagrau sha-a na marin dai.

TARA JAHPRANG 4:5

“Dai Madu nye a Karai Kasang ngai hpe tsun ai tara ni yawng ngai nanhte hpe sharin achyin ya mani ai. Nanhte shang madu la hkyen nga ai mungdan hta dai matsun maroi ga hte hkang da ai tara ni hpe madat mara nga mu.