EZRA 7:28 - Jinghpaw Common Language Bible 2009

²⁸ Karai Kasang a chyeju gawp e, hkawseng wa, shi a hpaji jaw ni, daru magam atsam hte hpring ai du salang ni yawng a man e ngai hpe myi man pa shangun nga sai. Dai Madu nye a Karai Kasang ngai hpe nden marai jaw ya ni ai majaw ngai hte rau nhtang wa na Israela amyu lakung ni a ningbaw law law ni hpe ngai alau la lu nngai.”

Jinghpaw Hanson Version Bible

²⁸ Nye a Karai Kasang Yehowa lata gaw nye a ntsa e nga nga ai majaw, ngai n-gun rawng nga ai rai nna, ngai hte rau lung wa na matu, Israela agyi salang ni hpe hpawng shangun mu ai.

EZRA 7:28 ပူးပေါင်းရင်းမြစ်များ

NINGPAWT NINGHPANG 32:28

Dai masha wa gaw, “Na a mying Yaku ngu lu sana n rai. Nang gaw Karai Kasang hte mung, masha ni hte mung malan da ting hkat ai hte dang kau nit dai; dai rai nna na a amying Israela rai na lit dai,” ngu nna tsun wu ai.

NINGPAWT NINGHPANG 43:14

Chyahtum Chyalai N-gun Rawng Ai Karai Kasang gaw dai wa a jaw e, nanhte hpe matsan dum la shangun nga u ga; Benyamin hta kaga nanhte a hpu nau langai mi hpe ngai hpang de bai woi nhtang wa na shi dat dat ya na ru ai. Nye a matu chyawm gaw, kasha ni sum mat ai rai yang mung sum mat sanu ga,” ngu nna shanhte hpe tsun wu ai.

EZRA 5:5

Rai ti mung, Karai Kasang gaw Yuda ningbaw ni hpe mada yu nga ai rai nna, Dari hpang de laika ka dat ai hte shi kaw na htang ai laika bai lu la ai aten du hkra, shanhte n hkum da na matu Persi du salang ni amu n shapraw na matu daw dan da ma ai.

EZRA 7:14

Nang kamhpa nna madat mara hkan sa nga ai na a Karai Kasang a Tara kade daram kaja nga ai hpe mu lu hkra, Yerusalem hte Yuda mung na mabyin lam ni hpe san sagawn yu na matu nye a hpaji jaw masha sanit hte rau, nang hpe ngai shangun dat nngai.

EZRA 7:6

Ezra gaw dai Madu Israela Karai Kasang Mawshe hpe jaw ya ai Tara hpe azin ayang chye chyang ai hpaji ninghkrin wa rai nga ai. Ezra gaw dai Madu shi a Karai Kasang a shaman chyeju hkam la nu ai majaw hkawseng wa mung shi hpyi mahpyi lam magup jaw ya wu ai. Artazazi hkaw dung ai sanit ning hta Ezra gaw Israela masha ni hta hkinjawng ni, Lewi masha ni, htingnu mahkawn mangoi masha ni, Nawku Htingnu sin ai ni hte amu galaw masha ni lawm ai hpung mi hte Babelon mung kaw nna Yerusalem mare de wa ma ai.

EZRA 8:1

Ndai gaw Artazazi hkaw dung nga yang, Babelon mung hta bawng dung hkrum nna Ezra hte rau Yerusalem mare de nhtang wa ai amyu lakung ni a ningbaw ni a jahpan rai nga ai:

EZRA 8:15

Ngai gaw Ahawa mare de lwi hkrat wa ai hka hkawng makau e hpung ting hpe jahpawng da nna, dai yang e masum ya tup anhte dap jung nga ga ai. Dai hpung hta hkinjawng ni nga nga ma tim, Lewi masha langai mi mung n lawm nga ai hpe ngai mu nngai.

EZRA 8:18

Shanhte mung Karai Kasang a chyeju hte Sherebia, marai rawng ai masha langai, Mali amyu lakung na Lewi masha langai hte rau shi a kasha ni hte kahpu kanau ni marai shi matsat hte hpe shangun dat ma ai.

EZRA 9:9

Anhte gaw mayam ni rai nga ga tim, nang gaw anhte hpe mayam amu hta kau da nga ndai n rai. Yuda mung hte Yerusalem mare hta shim lum ai lam mu tam la nhtawm matut nna shanu nga lu na ahkang mung, hten run mat sai na a Nawku Htingnu hpe bai gaw gap na matu mung, Persi hkawseng a jaw e nang anhte hpe myi man pa shangun nga nit dai.

NEHEMIA 1:11

Nye a akyu hpyi ga hte nang hpe shagrau sha-a mayu ai kaga na a shangun ma ni yawng a akyu hpyi ga ni hpe ya jang madat ya mi. Dai ni jang ngai hpe awng dang ai lam jaw ya let hkawseng wa anhte hpe yu matsan dum shangun mi law.” Ngai chyawm gaw dai aten e hkawseng wa a sabyi jau ai wa rai nga nngai.

NEHEMIA 2:8

Ngai gaw hkawhkam wa a maling ni hpe up ai Asap hpang de, Nawku Htingnu sin ai hpyen dap chyinghka ni a matu mung, mare bunghku ni a matu mung, ngai rawng na dum nta a matu mung hpunpyen jaw lu na matu shi hpe matsun dat ai laika langai hpyi we ai. Karai Kasang gaw ngai hte rau nga nga ai majaw dai hkawseng wa mung ngai hpyi ai lam yawng jaw ya nga ai.

SHAKAWN KUNGDAWN 109:12

Shi hpe matsan yu dum ai masha kadai mung n nga u ga; shi kau da ai jahkrai nmai ni hpe kadai mung n lanu lahku nga u ga.

YONA 3:7

Shi gaw Ninewe mare masha ni hpang de ning ngu tsun shana ndau dat wu ai: “Ndai gaw hkawhkam wa hte shi a du salang ni kaw na aming rai nga ai: Kadai mung hpa n sha lu na rai nga ai; masha yawng mung, dumsu hte sagu ni mung n lu n sha lu na rai nga ai.