EZRA 7:27 - Jinghpaw Common Language Bible 200927 Ezra gaw, “Dai Madu anhte a kaji kawa ni a Karai Kasang hpe shakawn mu! Shi gaw Yerusalem na dai Madu a Nawku Htingnu hpe ndai hku nna shagrau sha-a na matu hkawseng wa hpe myit lawm shangun nu ai. အခန်းကိုကြည့်ပါ။Jinghpaw Hanson Version Bible27 Yerusalem mare e nga ai Yehowa nta hpe shatsawm na matu, hkawhkam wa a myit shadut ya ai hte, hkawhkam wa, shi a agyi salang ni hte daru magam rawng ai hkringmang ni mahkra a man e ngai hpe myi man pa shangun ai, ji wa ni a Karai Kasang Yehowa gaw a nga u ga law. အခန်းကိုကြည့်ပါ။ |
Shanhte gaw Matsi N Rawng ai Muk Sha Poi hpe mung kabu gara ai myit hte sanit ya tup galaw ma ai. Dai rai nna shanhte kabu gara ai myit hte hpring nga ma ai; hpa majaw nga yang, dai Madu gaw Asuri hkawseng wa hpe shanhte hpang de myi man kayin shangun nga ai rai nna Israela Karai Kasang a Nawku Htingnu bai gaw gap ai amu hta shanhte hpe karum ya nga ai.
Ngai gaw hkawhkam wa a maling ni hpe up ai Asap hpang de, Nawku Htingnu sin ai hpyen dap chyinghka ni a matu mung, mare bunghku ni a matu mung, ngai rawng na dum nta a matu mung hpunpyen jaw lu na matu shi hpe matsun dat ai laika langai hpyi we ai. Karai Kasang gaw ngai hte rau nga nga ai majaw dai hkawseng wa mung ngai hpyi ai lam yawng jaw ya nga ai.
Karai Kasang gaw ngai hpe amyu masha ni hte shanhte a ningbaw ni hte du salang ni hpe jahpawng da na matu mung, shanhte a dinghku labau ni gawn na matu mung, bawng dung ai kaw nna shawng nhtang wa ai ni a labau ka matsing da na matu mung, ngai hpe wenyi n-gun shadut ya nga ai. Da ndai gaw ngai mu tam da sai shiga rai nga ai:
Mawshe gaw, “Ngai mung kabu gara ai hte na a matu hpyi nem ya na nngai. Na a matu mung, na a du salang ni hte na a mung masha ni a matu hte hpawn hpyi nem ya na aten hpe sha masat ya e. Dai hpang nang gaw shu ni hpe seng kau lu na rai ndai, Nila hka hta kaga, dai yang hkan na shu ni langai mi mung ngam nga na ra ai n rai.
Ndai daram wa aten na mat wa ai hpang nanhte a tsaw ra myit ngai hpe kalang bai madun myit dai majaw ngai dai Madu hta nachying kabu nga nngai; shing nga yang, nanhte ngai hpe yu gawn lajang ai lam jahkring kau myit dai n ngu mayu nngai. Dai tsaw ra myit hpe madun dan na ahkaw ahkang ginwan n lu myit dai ngu mayu ai sha re.
Ya ndai ga shaka gaw du na ra ai nhtoi ni a hpang e Israela amyu masha ni hte ngai tawn da na ga shaka rai nga ai. Shanhte a myit masin kata hta nye a tara hpe ngai bang da ya na mawe ai, shanhte a kraw lawang hta ka da na we ai: Shanhte a Karai Kasang ngai tai na nngai rai nna, shanhte gaw nye a amyu masha ni tai na mara ai.