EZRA 7:25 - Jinghpaw Common Language Bible 2009

²⁵ “Ezra e, nang gaw na a Karai Kasang nang hpe jaw ya sai hpaji byeng-ya lang nna, na a Karai kasang a tara hpe hkan ai, Uhprat a Sinna maga de nga ai masha ni yawng hpe up hkang na du ni hte tara agyi ni hpe san tawn u. Shing rai Tara a lam n chye ai ni kadai hpe mung dai lam nang sharin ya lu na rai ndai.

Jinghpaw Hanson Version Bible

²⁵ Nang Ezra mung, na a Karai Kasang a nyan hpaji nang hta rawng nga ai hte maren, na a Karai Kasang a tara hpe chye na ai, Hka sinna hkran de nga ai ni mahkra hpe, tara dawdan ya na matu mung, dai hpe garai n chye ai ni hpe, sharin achyin ya na matu mung, du ni hte tara agyi ni hpe san da mu.

EZRA 7:25 ပူးပေါင်းရင်းမြစ်များ

NINGPAWT NINGHPANG 41:38

shi gaw shanhte hpe, “Karai Kasang a Wenyi rawng ai ndai Yosep hta grau kaja ai masha anhte galoi mung mu tam na ga ai n rai,” ngu nna tsun mu ai.

NINGPAWT NINGHPANG 41:39

Hkawhkam wa gaw Yosep hpe, “Karai Kasang nang hpe ndai amu yawng madun dan nit dai majaw kaga kadai hta mung grau kaba ai hpaji byeng-ya hte myit kraw hpaji hpe nang lu la nga ndai gaw asan sha rai nga sai.

1 HKAWHKAM 3:28

Shawlumon a daw dan hparan ai hpe Israela masha ni na ma yang, Karai Kasang shi hpe jaw ya ai hpaji byeng-ya hta amu rawng ai lam hpe rap ra ai hku daw dan hparan ya nga ai hpe shanhte chye mu ai majaw shanhte yawng shi hpe grai hkrit hkungga nga ma ai.

2 HKAWHKAM 17:27

Dai rai nna hkawseng wa gaw ning ngu nna hkang dat wu ai: “Anhte rim woi wa ai bawng masha hkinjawng ni hta na langai mi hpe nhtang wa shangun dat mu; shing rai dai yang e, shi sa nga nga nna dai mung na karai a tara dai masha ni hpe sharin ya u ga.”

1 HKAWHKAM LABAU 22:12

Shi a Tara hte maren, Israela mungdan hpe nang up hkang lu hkra, dai Madu na a Karai Kasang gaw nang hpe myit kraw hpaji hte hpaji byeng-ya jaw ya nga u ga law.

1 HKAWHKAM LABAU 23:4

Hkawhkam wa gaw Nawku Htingnu amu galaw ai lam hpe yu hpajang na masha mun lahkawng hkying mali hpe mung, labau gawn nna ka matsing na hte ga li ga law amu ni hpe hparan daw dan ya na masha hkying kru hpe mung,

EZRA 10:4

Dai amu galaw na, na a lit rai nga ai. Anhte gaw na a hpang hkan ai ni rai nga ga ai, dai majaw nang shawng sa nhtawm dai amu hpe galaw u,” ngu nna tsun wu ai.

EZRA 6:6

Dai hpang, Dari gaw ning ngu nna bai htang shana dat wu ai. “De, Uhprat a Sinna maga na munggyi Tateni yan Shehta Bozenai hte Uhprat a Sinna maga de na, nan a du salang manang ni. “Nawku Htingnu hte tsan tsan rai nga myit; dai gaw gap ai amu hta

EZRA 7:10

Ezra chyawm gaw dai Madu a Tara hpe sharin achyin ya let dai hpe ta tut hkan sa nna, Israela amyu masha ni hpe de a tara hte hkan sa na matsun maroi ga ni hpe sharin achyin ya na, shi a asak ap nawng da nu ai.

EZRA 7:14

Nang kamhpa nna madat mara hkan sa nga ai na a Karai Kasang a Tara kade daram kaja nga ai hpe mu lu hkra, Yerusalem hte Yuda mung na mabyin lam ni hpe san sagawn yu na matu nye a hpaji jaw masha sanit hte rau, nang hpe ngai shangun dat nngai.

NEHEMIA 9:3

Shanhte gaw dai Madu shanhte a Karai Kasang a Tara hpe nayi hkum masum hti nna, ngam ai nayi hkum masum hta shanhte a yubak mara ni hpe hpyi nem ai hte dai Madu shanhte a Karai Kasang hpe nawku ma ai.

SHAKAWN KUNGDAWN 19:7

Madu a tara gaw hkum tsup nga ai; dai gaw n-gun atsam ningnan jaw ya nga ai. Madu a hkang da ai ga ni teng man kam ging nga ai majaw, dai tara n lu ai ni hpe hpaji byeng-ya jaw ya nga ai.

GA SHAGAWP 2:6

Dai gaw hpaji byeng-ya hpe jaw ya ai Madu rai nga nna, machye machyang hpaji hte chye na hkawn hkrang ai nyan shi kaw na lu la nga ai.

GA SHAGAWP 6:23

Shanhte a sharin shaga ai ga ni gaw htoi tu ai nhtoi rai nga ai, shanhte a shading sharai ya ai lam mung nang gara hku asak hkrung na lam hpe sharin ya lu nga ai.

MALAHKI 2:7

Karai Kasang a teng man ai machye machyang hpe sharin ya na gaw hkinjawng ni a lit rai nga ai. Nye a myit ra ai lam hpe sharin la na matu, masha gaw shanhte hpang de sa ang nga ma ai, hpa majaw nga yang, shanhte gaw Chyahtum Chyalai N-gun rawng ai dai Madu a kasa ni rai ma ai.

MAHTE 13:52

Bai shi gaw, “Dai rai nna sumsing lamu a Mungdan hta e sape langai mi tai wa sai tara sara shagu gaw, tinang a sut dek hta na nnan baw mung, dingsa baw mung shapraw ai nta madu wa hte bung nga ai,” ngu nna shanhte hpe htan mu ai.

MARKU 6:34

Yesu li kaw na pru lung wa yang, masha wunawng kaba hpe shi mu mada wu ai shaloi shanhte gaw sagu rem ai wa n lawm ai sagu ni zawn rai nga ma ai majaw shi a myit masin hta shanhte hpe matsan dum ai myit hte hpring nga lu ai; dai rai nna shi shanhte hpe lam law law sharin shaga hpang wu ai.

TARA JAHPRANG 16:18

“Dai Madu nanhte a Karai Kasang nanhte hpe jaw ai mare shagu hta tara agyi ni hte kaga du salang ni hpe san tawn na rai myit dai. Dai masha ni gaw amyu masha ni hpe myi man n lata ai sha, tara jeyang na rai ma ai.

KOLOSE 1:28

Dai majaw anhte gaw masha shagu hpe Hkristu a lam hkaw dan ga ai. Masha shagu hpe Hkristu hta myit su kunghpan ai Hkristan masha langai hkrai hku nna Karai Kasang a man de shashawn lu u ga, anhte gaw hpaji byeng-ya nga manga hte shanhte hpe sadi jaw, sharin achyin nga ga ai.

YAKU 1:5

Rai ti mung, nanhte hta na langai ngai hpaji ra kadawn nga a yang gaw, shi Karai Kasang kaw akyu hpyi nga u ga, Karai Kasang gaw shi hpe dai lam jaw ya na ru ai; hpa majaw nga yang, shi gaw yawng mayawng hpe n daw n hta chyeju hku nna jaw ya ai wa rai nga ai.