EZRA 7:16 - Jinghpaw Common Language Bible 2009

¹⁶ Nang gaw Babelon mungdaw ting na lahkawn la lu ai aja, gumhpraw yawng hpe mung, Israela amyu masha ni hte Yerusalem mare na shanhte a Karai Kasang a Nawku Htingnu a matu shanhte a hkinjawng ni sak jaw ai hkungga kumhpa ni hpe mung la wa na rai ndai.

Jinghpaw Hanson Version Bible

¹⁶ Israela masha ni hte hkinjawng ni gaw, Yerusalem mare e nga ai shanhte a Karai Kasang a nta matu, dingsa myit hte jaw ai kumhpaw kumhpa hte hpawn, Babelon mungdaw ni mahkra hta, nang lu la ai aja gumhpraw mahkra hpe mung, nang gun na ahkang lu ndai majaw,

EZRA 7:16 ပူးပေါင်းရင်းမြစ်များ

1 HKAWHKAM LABAU 29:17

Nang gaw masha shagu hte a myit masin hpe chyam dinglik yu nna ding hpring ai myit rawng ai masha ni hpe ra sharawng nga ndai hpe ngai chye nngai. Teng man ding man ai hte ndai arai ni yawng hpe awng sharawng ai myit hte nang hpe ngai jaw ya de ai. Ndai yang e hpawng nga ai na a amyu masha ni mung na a man de hkungga ni sak jaw ai lam gade sha kabu gara nga ma ai hpe ngai mu ni ai.

1 HKAWHKAM LABAU 29:6

Dai hpang amyu lakung ni a ningbaw ni, amyu bawsang ni a du salang ni, hpyen luksuk hpe up hkang ai ni, madu myit hte jaw ya ai hkawhkam sut gan ni hpe up hkang hpareng ai ni gaw

1 HKAWHKAM LABAU 29:9

Amyu masha ni gaw dai Madu hpe awng sharawng ai myit hte grau jaw ya lu manu ai majaw shanhte kabu gara shajang nga ma ai. Hkawhkam Dawi mung nachying kabu gara nga ai.

2 HKAWHKAM LABAU 31:14

Nawku Htingnu a Sinpraw Chyinghka sin ai du Lewi masha Imna a kasha Kore gaw dai Madu a matu sak jaw ai kumhpa ni hkap la nna bai garan jaw ya ai hpareng wa rai nga ai.

2 HKAWHKAM LABAU 6:2

Ya chyawm gaw ngai gaw na a matu htani htana shanu nga na shara hte na a matu hkik hkam ai Nawku Htingnu langai gap ya se ai,” ngu nna akyu hpyi wu ai.

2 HKAWHKAM LABAU 6:5

‘Egutu mung kaw nna nye a amyu masha ni hpe ngai woi shapraw wa ai shani kaw nna ngai hpe nawku na Htingnu gaw gap na shara hpe Israela mung ting na kaning re ai mare hpe mung ngai n lata la nngai. Nye a amyu masha Israela hpe woi awn na masha kadai hpe mung ngai n lata la nngai.

2 HKAWHKAM LABAU 6:6

Rai ti mung, ya chyawm gaw ngai nawku daw jau hkam na matu, Yerusalem hpe mung, nye a amyu masha ni hpe up hkang na matu nang Dawi hpe mung ngai lata la ni ai,” ngu nna tsun wu ai.

EZRA 1:4

Shi a amyu masha bawng dung hkrum nga ai ni kadai rai tim nhtang wa na matu karum la ra ai rai yang, shanhte a htingbu ni ndai karum la lam shanhte hpe jaw ya mu ga. Shanhte gaw dai masha ni hpe aja hte gumhpraw, arung arai ni, yam nga hpung ni hte shagu hkungga ni hpe Yerusalem na Karai Kasang a Nawku Htingnu hta sa sak jaw na rai ma ai.”

EZRA 1:6

Shanhte hte ni nawn ai htingbu ni yawng mung Nawku Htingnu a matu, aja gumhpraw hte lang na hkinghku ni, arung arai ni, yam nga u hpung ni, kaga manu dan ai arai ni hte hkungga arai law law shanhte hpe jaw ya let karum ya ma ai.

SHAKAWN KUNGDAWN 135:21

Ziun ntsa e mung, shi shanu nga ai Yerusalem hta mung, dai Madu hpe shakawn mu. Dai Madu hpe shakawn mu.

2 KORINHTU 8:12

Nanhte hta jaw ya mayu ai shawang myit rawng ai rai yang, Karai Kasang gaw nanhte a rai lu ai made jaw ya ai kumhpa hpe hkap la na ra ai. Nanhte n rai lu ai hpe Karai Kasang hpyi na n rai.

2 KORINHTU 9:7

Lahpawt ai myit hte mung n rai, jaw ra ai lit a majaw sha mung n re ai sha, langai hte langai gaw tinang a kraw lawang e myit da ai hte maren jaw u ga; hpa majaw nga yang, Karai Kasang gaw kabu gara ai myit hte jaw ya ai wa hpe tsaw ra nga ai.