EZRA 7:15 - Jinghpaw Common Language Bible 2009

¹⁵ Yerusalem e nga ai Nawku Htingnu na Israela a Karai Kasang a matu ngai hte nye a hpaji jaw masha ni sharawng awng ai myit hte jaw ya ai aja gumhpraw hkungga ni hpe nang hte rau la wa lu na rai ndai.

Jinghpaw Hanson Version Bible

¹⁵ Yerusalem mare shanu nga ai Israela Karai Kasang a matu, hkawhkam wa hte shi a agyi salang ni dingsa myit hte jaw da ai aja gumhpraw hpe mung;

EZRA 7:15 ပူးပေါင်းရင်းမြစ်များ

1 HKAWHKAM LABAU 29:6

Dai hpang amyu lakung ni a ningbaw ni, amyu bawsang ni a du salang ni, hpyen luksuk hpe up hkang ai ni, madu myit hte jaw ya ai hkawhkam sut gan ni hpe up hkang hpareng ai ni gaw

2 HKAWHKAM LABAU 2:6

Sumsing lamu a dam lada ai lam yawng mayawng pyi shi hpe n rawng da lu nga ai majaw kadai mung Karai Kasang a matu Nawku Htingnu langai hpe teng teng gap lu na n rai nga ai. Dai re ai mi, Karai Kasang hpe manam pyaw ai baw nat nawng na hta kaga, Nawku Htingnu hpe ngai kaning di gap lu na rai nga a ta?

2 HKAWHKAM LABAU 32:23

Amyu masha law law hte gaw Yerusalem de sa nna dai Madu a matu hkungga ni, Hezekia hpe kumhpa ni sa ya shajang ma ai; dai aten kaw nna amyu baw ni yawng Hezekia hpe shagrau sha-a nga ma ai.

2 HKAWHKAM LABAU 6:2

Ya chyawm gaw ngai gaw na a matu htani htana shanu nga na shara hte na a matu hkik hkam ai Nawku Htingnu langai gap ya se ai,” ngu nna akyu hpyi wu ai.

2 HKAWHKAM LABAU 6:6

Rai ti mung, ya chyawm gaw ngai nawku daw jau hkam na matu, Yerusalem hpe mung, nye a amyu masha ni hpe up hkang na matu nang Dawi hpe mung ngai lata la ni ai,” ngu nna tsun wu ai.

EZRA 1:6

Shanhte hte ni nawn ai htingbu ni yawng mung Nawku Htingnu a matu, aja gumhpraw hte lang na hkinghku ni, arung arai ni, yam nga u hpung ni, kaga manu dan ai arai ni hte hkungga arai law law shanhte hpe jaw ya let karum ya ma ai.

EZRA 6:12

Shi nawku daw jau hkam la na nga nna, Karai Kasang lata la sai Yerusalem mare hte seng ai ndai hkang da ai ga hpe ninghkap nna dai yang na Nawku Htingnu hpe jahten sharun kau mayu ai hkawhkam shing n rai masha amyu baw kadai hpe mung jahten kau u ga. Ngai Dari nan ndai ga hpe hkang dat ni ai. Dai hpe teng tup madat mara hkan sa na rai myit dai.”

EZRA 6:4

Nlung lam masum shagu a ntsa e hpunngau langai ngai bang nhtawm shakum ni hpe gaw na rai nga ai. Hkrat ang ai yawng hpe hkawhkam sut dek kaw na jaw na rai nga ai.

EZRA 7:14

Nang kamhpa nna madat mara hkan sa nga ai na a Karai Kasang a Tara kade daram kaja nga ai hpe mu lu hkra, Yerusalem hte Yuda mung na mabyin lam ni hpe san sagawn yu na matu nye a hpaji jaw masha sanit hte rau, nang hpe ngai shangun dat nngai.

EZRA 8:25

Dai hpang, ngai gaw Nawku Htingnu hta lang na matu hkawseng hte shi hpe hpaji jaw ai ni, du salang ni hte Israela amyu masha ni jaw ya ai aja, gumhpraw hte gawm, wan hkinghku ni hpe shen nna hkinjawng ni hpe ap ya ni ai.

SHAKAWN KUNGDAWN 135:21

Ziun ntsa e mung, shi shanu nga ai Yerusalem hta mung, dai Madu hpe shakawn mu. Dai Madu hpe shakawn mu.

SHAKAWN KUNGDAWN 26:8

O Madu e, nang nga ai nta hte, na a hpung shingkang shanu nga ai shara hpe ngai tsaw ra nga nngai.

SHAKAWN KUNGDAWN 72:10

Spain mung hte zunlawng ni a hkawhkam ni gaw, shi hpe kumhpaw kumhpa ni, sa sak jaw na mara ai; Arabi hte Ehtiopi mung na hkawhkam ni mung, shi hpe hkungga kumhpa la sa ya na mara ai.

SHAKAWN KUNGDAWN 76:11

Dai Madu na a Karai Kasang hpe nang jaw da ai ga sadi hte maren jaw ya u; makau grup yin hta nga nga ai masha amyu baw ni yawng hte e, shi hpe kumhpaw kumhpa sak jaw mu. Karai Kasang gaw masha ni, hpe hkrit kamyin shangun nga ai;

SHAKAWN KUNGDAWN 76:2

Shi gaw Yerusalem mare hpe shi a nta shatai nna, Ziun Bum ntsa hta e, shi shanu nga ai.

SHAKAWN KUNGDAWN 9:11

Ziun e up nga ai Madu hpe mahkawn shakawn mu! Shi hpa galaw sai amu, amyu baw shagu hte hpe htawn tsun dan mu!