EZRA 7:13 - Jinghpaw Common Language Bible 2009

¹³ “Nye a hkawseng mungdan ting na Israela amyu masha ni yawng, hkinjawng ni hte Lewi masha ni nang hte rau Yerusalem mare de wa na grai sharawng ma yang, ahkang jaw ya na matu ngai hkang da nngai.

Jinghpaw Hanson Version Bible

¹³ Ngai nan ning nga hkang dat nngai: nye a mungdan hta nga ai Israela masha hte, shanhte a hkinjawng, Lewi masha kadai mung, Yerusalem mare de bai wa na myit rawng yang, nang hte rau wa u ga.

EZRA 7:13 ပူးပေါင်းရင်းမြစ်များ

2 HKAWHKAM LABAU 30:5

shanhte gaw dingdung maga Dan mare kaw nna dingda maga Berasheba du hkra nga ai Israela masha ni yawng Yerusalem mare de sa zup nna shawng de na hta grau law ai masha wunawng wuwa gaw Tara hte maren, Shalai Wa Ai Poi galaw na matu saw shaga dat ma ai.

EZRA 1:3

Karai Kasang gaw amyu masha ni rai nga ai nanhte yawng hte rau nga nga u ga. Nanhte gaw Yerusalem de wa nhtawm Karai Kasang hpe nawku na matu, dai Madu Israela a Karai kasang a Nawku Htingnu hpe bai gaw gap na rai myit dai.

EZRA 5:13

Dai hpang, Babelon a hkawseng Hkawhkam Kuru hkaw dung ai shawng shaning hta Nawku Htingnu hpe bai gaw gap da na matu hkang da wu ai.

EZRA 6:1

Dai rai nna hkawseng Dari hkang dat ai hte maren, Babelon mare hta kyem mazing da ai hkawhkam labau gawn ka matsing hta tam sawk yu ma ai.

ESHTA 3:15

Hkawhkam wa hkang dat ai hte maren dai aming hpe Susa mare daju hta ndau shana ai hpang, shiga sa ai ni mungdaw shagu de dai shiga gun sa mat wa ma ai. Susa mare kashuk kashak kaming kamawng byin hkrum nga yang, hkawhkam wa hte Haman yan chyawm gaw dung let sabyi lu nga ma ai.

ESHTA 9:14

Dai lam galaw na matu hkawhkam wa hkang dat ai hte Susa mare hta ndau laika shapraw nhtawm Haman a shadang sha shi a moi mang ni hpe shawa man e madun da nga ma ai.

SHAKAWN KUNGDAWN 110:3

Na gumlau hpyen ni hpe nang htim gasat ai shani e, na a amyu masha ni gaw madu myit hte shang karum wa na mara ai. Jahpawt manap jau jau e, hkrat ai mari zawn, na a brang ram ni nang shanu nga ai chyoi pra ai bum ni de du sa wa na mara ai.

SHAKAWN KUNGDAWN 148:6

na a hkang da ai mungga hte maren, shanhte a shara ni hta htani htana agrin nga ma ai, dai ni gaw hkang da ai mungga hpe n lai lu nga ma ai.

Daniela 6:26

Nye a mungdan ting hta nga nga ai masha shagu hte gaw Daniela a Karai Kasang hpe hkrit kamyin ai hte hkungga lara ang nga ai ngu, ngai hkang da nngai. “Shi gaw ahkrung nga ai Karai Kasang rai nga ai, shi gaw htani htana up hkang na ra ai. Shi a mungdan galoi mung hten run mat na ra ai n rai, shi a daru magam n-gun galoi mung htum mat na ra ai n rai.

HPILIPI 2:13

Hpa majaw nga yang Karai Kasang gaw shi a myit ra yaw shada ai lam hta madat mara hkan sa mayu ai myit hte hkan sa shangun lu ai atsam nanhte lu la mu ga Karai Kasang gaw nanhte hta e shachyen shaja nga ai.

SHINGRAN 22:17

Dai Wenyi hte Num Ningnan gaw, “Sa rit!,” nga ma ai. Dai hpe na la ai wa kadai mung, “Sa rit!,” nga lu na rai nga ai. Hpang gara ai wa kadai mung sa ru ga; Asak ntsin hpe ra ai wa kadai mung, manu jahpu n hkrat ai kumhpa hku hkap la u ga.