EZRA 7:12 - Jinghpaw Common Language Bible 2009

¹² “Hkawseng Artazazi kaw nna Sumsing Lamu a Karai Kasang a Tara hpe chye chyang ai hpaji ninghkrin hkinjawng Ezra hpang de,

Jinghpaw Hanson Version Bible

¹² Hkawhkam ni a hkawhkam Artahkere gaw, sumsing lamu a Karai Kasang a tara chyare wa rai nga ai, hkinjawng Ezra kaw, hkam kaja nga u ga law,

EZRA 7:12 ပူးပေါင်းရင်းမြစ်များ

1 HKAWHKAM 20:1

Suri Hkawhkam Benhadad gaw shi a hpyen hpung ni yawng hpe shaga hpawng da nga ai; kaga up hkang mung du sumshi lahkawng mung shanhte a gumra ni hte hpyen leng ni hte karum ma ai rai nna, shi rawt sa wa nhtawm Samari mare hpe wang da let, dai mare hpe maja htim gasat wu ai.

1 HKAWHKAM 4:24

Shawlumon gaw Uhprat hka nu a sinna maga de na lamu ga yawng, Uhprat hka nu makau nga ai Tipsa mare kaw nna sinna maga Gaza mare du hkra up hkang nga ai. Uhprat hka nu a sinna de na hkawhkam ni yawng shi up hkang ai npu hta taw mat ma ai rai nna, htingbu mungdan ni yawng hte ngwi pyaw sim sa ai hte nga nga wu ai.

EZRA 1:2

“Ndai gaw Persi Hkawseng Kuru a hkang da ai ga rai nga ai. Dai Madu sumsing lamu a Karai Kasang gaw mungkan ga ting ngai hpe up hkang shangun ni ai hte Yuda mung Yerusalem hta shi a matu Nawku Htingnu langai gap na lit ngai hpe jaw da ni ai.

EZRA 4:17

Hkawseng wa gaw ndai mahtai jaw wu ai: “De, munggyi Rehum, mungdaw amu madu Shimshai hte Samari mare, Uhprat a Sinna maga de naw nga nga ai shan a manaw manang ni hpang de shakram let htang dat ai.

EZRA 7:1

Shaning ram ram na mat wa ai hpang, Persi Hkawseng Artazazi hkaw dung nga yang, Ezra mying ai masha langai nga nga ai. Shi a kaji kawa ni a labau lasang hpe nhtang gawn yu yang, Hkinjawng Agyi Arun kaw nna ning rai gawn da nga ai. Ezra gaw Seraia a kasha, Seraia gaw Azaria a kasha, Azaria gaw Hilkia a kasha,

EZRA 7:11

Artazazi gaw dai Madu Israela hpe jaw ya sai tara hte hkang da ai ga ni hpe azin ayang chye chyang ai hpaji ninghkrin hkinjawng Ezra hpang de ndai laika jaw dat wu ai:

EZRA 7:6

Ezra gaw dai Madu Israela Karai Kasang Mawshe hpe jaw ya ai Tara hpe azin ayang chye chyang ai hpaji ninghkrin wa rai nga ai. Ezra gaw dai Madu shi a Karai Kasang a shaman chyeju hkam la nu ai majaw hkawseng wa mung shi hpyi mahpyi lam magup jaw ya wu ai. Artazazi hkaw dung ai sanit ning hta Ezra gaw Israela masha ni hta hkinjawng ni, Lewi masha ni, htingnu mahkawn mangoi masha ni, Nawku Htingnu sin ai ni hte amu galaw masha ni lawm ai hpung mi hte Babelon mung kaw nna Yerusalem mare de wa ma ai.

ESAIA 10:8

Shi gaw, “Nye a hpyen du shagu hte gaw hkawhkam rai masai!

EZEKELA 26:7

Tsaw Htum ai dai Madu gaw, “Turu mare hpe gasat na matu, galu kaba htum ai hkawhkam ngu ai Babelon Hkawhkam Nebuhkadneza hpe ngai woi sa wa na nngai. Shi gaw hpyen gumra ni, hpyen leng ni, gumra jawn ai ni ngu ai hpyen luksuk kaba hte hpawn dingdung maga kaw nna yu sa wa na ra ai.

Daniela 2:37

Madu hkawhkam wa e, nang gaw hkawhkam ni yawng hta galu kaba htum ai wa rai nga ndai. Sumsing lamu a Karai Kasang gaw nang hpe hkawseng shatai nna daru magam n-gun, hpung dagu hte arawng sadang jaw nit dai.

Daniela 2:47

Hkawhkam wa gaw, “Na a Karai Kasang gaw karai ni yawng hta galu kaba htum ai wa rai nna, hkawhkam ni a madu, makoi magap da ai amu ni hpe shadan dan ai wa rai nga ai. Ndai makoi magap ai amu hpe nang tsun shaleng dan lu nit dai majaw ndai lam ngai chye ni ai,” ngu nna tsun wu ai.

1 TIMOHTI 6:15

Langai sha rai nga ai daru magam hpung shingkang rawng nna up hkang ai wa, hkawhkam ni a Hkawhkam Madu ni a Madu, Karai Kasang gaw, aten ladaw du jang Madu Yesu hpe kalang mi bai dan pru shangun na ru ai.

SHINGRAN 17:14

Shanhte gaw Sagu Kasha hpe hpyen gasat na mara ai; rai ti mung dai Sagu Kasha gaw, shi shaga la nna lata la hkrum ai, kangka re ai shi a hpang hkan nang ai ni hte rau awng padang lu na ra ai. Hpa majaw nga yang, shi gaw Madu ni a Madu, Hkawhkam ni a Hkawhkam rai nga ai,” nga nna ngai hpe tsun ai.

SHINGRAN 19:16

Shi a hpun palawng hte magyi hta, “Hkawhkam ni a Hkawhkam, madu ni a Madu,” nga nna ka kap da nga ai.