EZRA 6:8 - Jinghpaw Common Language Bible 2009

⁸ Dai hpe bai gaw gap ai amu hta shanhte hpe karum na matu mung ngai nanhte hpe hkang dat made ai. Magam bungli galaw dingyang rai nga lu mu ga, shanhte jai lang ra ai gumhpraw kalang lata jaw lu hkra, Uhprat a Sinna maga de na hkanse ngu ai hkawhkam sut rai hpe lahkawn la lu na rai myit dai.

Jinghpaw Hanson Version Bible

⁸ Dai hta n-ga, ndai Karai Kasang a nta hpe galaw da ai Yuda agyi salang ni hpe nanhte kaning rai karum lu na lam, ngai naw hkang da made ga: shanhte hkum da ai n hkrum mu ga, Hka sinna hkran lahkawn la ai hkanse ngu ai hkawhkam a arung arai hta na, shanhte hpe n taw n tsang jaw ya mu ga.

EZRA 6:8 ပူးပေါင်းရင်းမြစ်များ

EZRA 4:16

Dai re ai majaw, ndai mare bai de nna, mare bunghku ni hpe gaw sharawt da ngut da ai rai yang, anhte a madu hkawhkam gaw Uhprat mungdaw a sinna maga na shara hpe up lu na ahkang n lu mat na ra ai hpe anhte myit hkrang ga ai.”

EZRA 4:23

Hkawseng Artazazi kaw na ndai laika lu la jang, Rehum, Shimshai hte shan a manaw manang ni a man e hti nhtawm, Yerusalem mare de shanhte tin tin sa wa nna, mare bai de ai amu jahkring da na matu Yuda masha ni hpe shadut ma ai.

EZRA 5:5

Rai ti mung, Karai Kasang gaw Yuda ningbaw ni hpe mada yu nga ai rai nna, Dari hpang de laika ka dat ai hte shi kaw na htang ai laika bai lu la ai aten du hkra, shanhte n hkum da na matu Persi du salang ni amu n shapraw na matu daw dan da ma ai.

EZRA 6:14

Yuda ningbaw ni mung myihtoi Hagi hte Zehkaria yan n-gun jaw ya ma ai majaw dai Nawku Htingnu hpe kaja rawt jat galu kaba ai hku galaw da nga ma ai. Shanhte gaw dai Nawku Htingnu hpe Israela Karai Kasang hkang da ai ga hte mung, Persi Hkawseng Kuru, Dari hte Artazazi ni hkang dat ai hte mung galaw shangut da lu manu ai.

EZRA 6:4

Nlung lam masum shagu a ntsa e hpunngau langai ngai bang nhtawm shakum ni hpe gaw na rai nga ai. Hkrat ang ai yawng hpe hkawhkam sut dek kaw na jaw na rai nga ai.

EZRA 6:7

hkum hkan shalau myit. Yuda munggyi hte Yuda ningbaw ni mahtang Karai Kasang a Nawku Htingnu hpe shawng de na htingra hta nan bai gaw gap mu ga.

EZRA 6:9

Sumsing Lamu a Karai Kasang a matu wan nat hkungga shatai na usu uram, sagu, sagu kasha ni hte hkaulan mam, jum, sabyi ntsin hte tsanlun sau re ai ra mara nanhte hpe tsun dan mu yang, dai lit ni hpe n hprai ai sha, Yerusalem mare de shani shagu sa sak jaw na rai myit dai.

EZRA 7:14

Nang kamhpa nna madat mara hkan sa nga ai na a Karai Kasang a Tara kade daram kaja nga ai hpe mu lu hkra, Yerusalem hte Yuda mung na mabyin lam ni hpe san sagawn yu na matu nye a hpaji jaw masha sanit hte rau, nang hpe ngai shangun dat nngai.

NEHEMIA 11:23

Shani shagu Nawku Htingnu mahkawn mangoi amu woi awn ai hta amyu lakung ni kaning rai amu kayin hprai gun na lam hkawhkam wa hkang da ai tara ni nga nga ai.

NEHEMIA 2:8

Ngai gaw hkawhkam wa a maling ni hpe up ai Asap hpang de, Nawku Htingnu sin ai hpyen dap chyinghka ni a matu mung, mare bunghku ni a matu mung, ngai rawng na dum nta a matu mung hpunpyen jaw lu na matu shi hpe matsun dat ai laika langai hpyi we ai. Karai Kasang gaw ngai hte rau nga nga ai majaw dai hkawseng wa mung ngai hpyi ai lam yawng jaw ya nga ai.

Daniela 6:26

Nye a mungdan ting hta nga nga ai masha shagu hte gaw Daniela a Karai Kasang hpe hkrit kamyin ai hte hkungga lara ang nga ai ngu, ngai hkang da nngai. “Shi gaw ahkrung nga ai Karai Kasang rai nga ai, shi gaw htani htana up hkang na ra ai. Shi a mungdan galoi mung hten run mat na ra ai n rai, shi a daru magam n-gun galoi mung htum mat na ra ai n rai.

HAGI 2:8

Mungkan ga na ja gumhpraw mahkra nye a rai nga li ai.