EZRA 6:3 - Jinghpaw Common Language Bible 2009

³ “Hkawseng Kuru hkaw dung hpang ai shaning hta, shagu hkungga hte wan nat hkungga ni hpe nat nawng ai shara hta Yerusalem Nawku Htingnu bai gaw gap na matu hkang dat wu ai. Dai Nawku Htingnu gaw tsaw de pe jahku shi, nda de pe jahku shi rai na rai nga ai.

Jinghpaw Hanson Version Bible

³ “Kuru hkawhkam hkaw dung ai shaning hta e ning ngu hkang dat wu ai: ‘Yerusalem mare na, shanhte shagu hkungga nawng ya ai shara hta, Karai Kasang a nta hpe bai de da mu ga; de a npawt nhpang ni ngang ngang hkang hkang gaw da mu ga: de a tsaw de dawng kru shi, nda de dawng kru shi rai nna,

EZRA 6:3 ပူးပေါင်းရင်းမြစ်များ

2 HKAWHKAM LABAU 2:3

Shawlumon gaw Turu Hkawhkam Hiram hpang de ning ngu nna shana dat wu ai: “Nye wa a hkawhkam htingnu galaw na matu arit mailung tawng ni hpe dut ya nit dai zawn ngai hte mung galaw ga.

2 HKAWHKAM LABAU 2:6

Sumsing lamu a dam lada ai lam yawng mayawng pyi shi hpe n rawng da lu nga ai majaw kadai mung Karai Kasang a matu Nawku Htingnu langai hpe teng teng gap lu na n rai nga ai. Dai re ai mi, Karai Kasang hpe manam pyaw ai baw nat nawng na hta kaga, Nawku Htingnu hpe ngai kaning di gap lu na rai nga a ta?

2 HKAWHKAM LABAU 36:22

Persi Hkawseng Kuru hkaw dung ai shawng shaning hta myihtoi Yeremia a ga hku tsun nu ai Madu a ga gaw dik wa nga sai. Dai rai nna shi gaw ndai hkang da ai ga hpe ka shapraw nna shi up ai mungdan shara shagu hkan ja ja hti ndau na matu Kuru hpe shadut galaw shangun wu ai. Dai aming gaw ndai hku rai nga ai:

EZRA 1:1

Persi hkawseng Kuru hkaw dung ai shawng shaning hta e, myihtoi Yeremia hku tsun nu ai dai Madu a mungga gaw dik wa nga sai. Shi gaw ndai hkang da ai ga hpe ning ngu ka shapraw nhtawm shi up ai mungdan shara shagu hkan hproi hkra ja ja hti ndau na matu Kuru hpe kalang lata galaw shangun wu ai:

EZRA 1:2

“Ndai gaw Persi Hkawseng Kuru a hkang da ai ga rai nga ai. Dai Madu sumsing lamu a Karai Kasang gaw mungkan ga ting ngai hpe up hkang shangun ni ai hte Yuda mung Yerusalem hta shi a matu Nawku Htingnu langai gap na lit ngai hpe jaw da ni ai.

EZRA 3:7

Amyu masha ni gaw wut gaw ai ni hte lasama ni hpe gumhpraw jaw ma ai; Lebanon bum na arit hpun ni shaw ya nna panglai hkin-gau e nga ai Yopa mare de la yu wa ya ai Turu hte Sidon mare masha ni hpang de malu masha, lu hka ntsin hte tsanlun sau ni hpe shagun jaw ma ai. Ndai amu mahkra hpe Persi Hkawseng Turu a ahkang hte maren hkan galaw ma ai.

EZRA 6:14

Yuda ningbaw ni mung myihtoi Hagi hte Zehkaria yan n-gun jaw ya ma ai majaw dai Nawku Htingnu hpe kaja rawt jat galu kaba ai hku galaw da nga ma ai. Shanhte gaw dai Nawku Htingnu hpe Israela Karai Kasang hkang da ai ga hte mung, Persi Hkawseng Kuru, Dari hte Artazazi ni hkang dat ai hte mung galaw shangut da lu manu ai.

SHAKAWN KUNGDAWN 122:4

Ndai mare gaw shi a hkang da ai mungga nga ai hte maren, dai Madu hpe chyeju shakawn kungdawn na matu, amyu baw ni, Israela amyu bawsang ni sa zup ai shara rai nga ai.

SHINGRAN 21:16

Dai mare gaw jut mali rai nga nna, de a dingdung maga hte dingda maga maren sha rai nga ai. Lamu kasa gaw shadawn ningren hte dai mare hpe shadawn wu yang, dam de, galu de, tsaw de mai hkying mi manga tsa rai nga ai.