EZRA 6:18 - Jinghpaw Common Language Bible 2009

¹⁸ Mawshe a laika hta rawng ai sharin shaga ga ni hte maren, Yerusalem e nga ai Nawku Htingnu hta daw jau amu gun hpai na matu, shanhte mung hkinjawng ni hte Lewi masha ni hpe hpaw ninghtan tawn da ma ai.

Jinghpaw Hanson Version Bible

¹⁸ Mawshe a laika hta ka da nga ai hte maren, Yerusalem e nga ai Karai Kasang hpe daw jau na matu, shanhte gaw hkinjawng ni hpe pang mi hte pang mi, Lewi masha ni hpe tinang a hpung ni hta tawn da mu ai.

EZRA 6:18 ပူးပေါင်းရင်းမြစ်များ

1 HKAWHKAM LABAU 24:1

Ndai gaw Arun hte seng ai amyu matu ni a hpung rai nga ai. Arun gaw shadang sha mali lu ai; dai ni gaw Nadab, Abihu, Eleaza, hte Ihtama ni rai nga ai.

1 HKAWHKAM LABAU 24:24

Shamira gaw Uziela a amyu matu langai mi rai nna Mihka hku nna pra sa wa ai wa rai nga ai.

1 HKAWHKAM LABAU 25:1

Hkawhkam Dawi hte Lewi ningbaw ni gaw nawku daw jau ai amu hpe woi awn na Lewi lakung lama ni hpe lata san da ma ai; dai ni gaw Asap, Heman hte Yeduhtun ni rai ma ai. Shanhte gaw tingse sumpyi hte shupsheng ni hte hkan dum nang let Karai Kasang a mungga hpe htawn tsun ma ai. Ndai gaw nawku woi na matu hte hpung shagu na daw jau amu baw hpan gun hpai na matu lata san da hkrum ai masha ni a mying jahpan rai nga ai.

2 HKAWHKAM LABAU 35:10

Shalai Wa Ai Poi a matu lam magup lajang shajin da ngut jang, hkawhkam wa hkang da sai hte maren, hkinjawng ni hte Lewi masha ni tinang nang a shara ni la shajang nga ma ai.

2 HKAWHKAM LABAU 7:6

Hkinjawng ni gaw shanhte a matu masat da ya ai shara ni hta Lewi masha ni gaw hkinjawng ni maga de myi man hkrum rai tsap nga nhtawm Hkawhkam Dawi tawn da sai htung hte maren, “Shi a tsaw ra myit htani htana agrin nga ai!,” nga nna mahkawn mangoi ai mahkawn ga hpe madum sumpyi ni hte dai Madu hpe shakawn kungdawn ma ai. Hkinjawng ni gaw amyu masha ni yawng tsap nga yang pahtau dum ma ai.

BU HKAWM 3:6

Arun a hkinjawng amu gun hpai na shangun ma hku shanhte hpe san da na rai ndai.

BU HKAWM 3:9

Lewi masha ni a magam lit gaw Arun hte shi a shadang sha ni hpe daw jau na amu chyu sha rai nga malu ai.