EZRA 6:16 - Jinghpaw Common Language Bible 2009

¹⁶ Dai hpang Israela amyu masha ni, hkinjawng ni, Lewi masha ni hte bawng dung ai kaw nna nhtang wa ai kaga ni yawng hte gaw kabu gara ai myit hte dai Nawku Htingnu hpe ap nawng ma ai.

Jinghpaw Hanson Version Bible

¹⁶ Dai rai nna, Israela kashu kasha ni, hkinjawng Lewi masha ni hte kaga naw rai nga ai bawng lawt ai kashu kasha ni gaw, kabu gara ai myit hte Karai Kasang a nta hpe dingshawn shang ma ai.

EZRA 6:16 ပူးပေါင်းရင်းမြစ်များ

1 HKAWHKAM 8:62

Dai hpang hkawhkam Shawlumon hte amyu masha ni yawng dai yang e, dai Madu hpe hkungga nawng ya ma ai.

1 HKAWHKAM 8:63

Shi gaw mahku hkungga a matu dumsu 822,000 hte sagu 120,000 hpe sak nawng ya wu ai; shing rai hkawhkam wa hte amyu masha ni yawng dai Nawku Htingnu hpe ap nawng ai hte dingshawn shang ma ai.

1 HKAWHKAM LABAU 15:28

Dai rai nna Israela masha ni yawng kabu gara jahtau garu let pahke, pahtau hte shupsheng ni dum ai hte tingse, doria ni hpe shangoi nhtawm Ga Shaka Sumpu a hpang hkan gumbawm nang let Yerusalem mare de hpai lung wa ma ai.

1 HKAWHKAM LABAU 9:2

Shanhte a sut gan arung arai nga ai mare ni de shawng nhtang wa ai ni hta Israela masha ni, hkinjawng ni, Lewi ni hte Nawku Htingnu gaw ai masha ni lawm ma ai.

2 HKAWHKAM LABAU 29:30

Hkawhkam wa hte amyu baw a ningbaw ni gaw Dawi hte myihtoi Asap ka jahtuk da sai shakawn mahkawn ga hte dai Madu hpe mahkawn shakawn na matu Lewi masha ni hpe tsun mu ai. Dai rai nna masha shagu hte gaw nachying kabu gara ai hte mahkawn let Karai Kasang hpe lahput hput di ai hte nawku ma ai.

2 HKAWHKAM LABAU 30:23

shanhte yawng gaw kaga sanit ya poi bai de na lam bawng ban jahkrup da ma ai. Dai re ai majaw shanhte gaw kabu gara ai hte poi galaw ma ai.

2 HKAWHKAM LABAU 30:26

Dawi a kasha Hkawhkam Shawlumon a prat kaw nna ndai zawn re ai hpa mung n byin yu nga ai majaw Yerusalem mare hta kabu gara ai lam hte hpring nga ai.

2 HKAWHKAM LABAU 7:5

Shi gaw mahku hkungga a matu dumsu 22,000 hte sagu 120,000 hpe sat nawng ya wu ai; shing rai shi hte amyu masha ni yawng dai Nawku Htingnu hpe ap nawng da ma ai.

EZRA 4:1

Yuda hte Benyamin amyu masha ni a gumlau hpyen ni gaw bawng dung ai kaw nna bai nhtang wa sai ni dai Madu Israela a Karai Kasang a Nawku Htingnu hpe bai gaw gap da nga masai shiga na ma ai.

EZRA 6:22

Shanhte gaw Matsi N Rawng ai Muk Sha Poi hpe mung kabu gara ai myit hte sanit ya tup galaw ma ai. Dai rai nna shanhte kabu gara ai myit hte hpring nga ma ai; hpa majaw nga yang, dai Madu gaw Asuri hkawseng wa hpe shanhte hpang de myi man kayin shangun nga ai rai nna Israela Karai Kasang a Nawku Htingnu bai gaw gap ai amu hta shanhte hpe karum ya nga ai.

NEHEMIA 12:27

Yerusalem mare bunghku ap nawng ya ai shaloi, Lewi masha ni nga nga ai shara kaw nna shanhte hpe jashawn la ma ai shaloi shanhte gaw ap nawng ya ai poi hta chyeju dum ai mahkawn mangoi ni hte rau, shup sheng, tingse ni dum let shang lawm lu ma ai.

NEHEMIA 12:43

Dai shani e, shagu hkungga law law nawng ya ma ai rai nna Karai Kasang gaw shanhte hpe kabu shangun wu ai majaw, amyu masha ni hta kabu gara ai myit hpring nga ai. Numsha ni hte ma kaji ni mung dai poi hta shang lawm nga ma ai rai nna shanhte jahtau ai nsen hpe tsan tsan kaw nna na lu nga ai.

NEHEMIA 7:73

Hkinjawng ni, Lewi masha ni, Nawku Htingnu sin ai ni, mahkawn chye mahkawn ai ni, yu maya masha law law hte Nawku Htingnu amu galaw masha ni ngu na Israela amyu masha ni yawng Yuda mung na mare kahtawng ni hkan nga nga ma ai.

NEHEMIA 8:10

Ya chyawm gaw, dum nta de nhtang wa nna mu mai ai lusha sha manu. Alaw alam n lu ai ni hpe nanhte a malu masha hte sabyi ntsin ni karan jaw mu. Dai ni gaw anhte a Madu a matu chyoi pra ai shani rai nga ai, dai rai nna hkum yawn nga myit. Dai Madu nanhte hpe jaw ai kabu gara lam gaw nanhte hpe n-gun ja shangun na ra ai,” ngu nna tsun ma ai.

SHAKAWN KUNGDAWN 122:1

Shanhte gaw, “Dai Madu a nta de anhte lung wa saga,” nga nna ngai hpe tsun ma ai shaloi, ngai kabu gara nga nngai.

Daniela 5:13

Daniela gaw hkawhkam wa a man de kalang lata jashawn la hkrum ai hte hkawhkam wa gaw shi hpe, “Nang gaw nye wa hkawhkam wa e Yuda mung kaw nna ndai ga de woi wa ai Yuda bawng masha Daniela rai nga a ni?

YAWHAN 10:22

Ya nshung ta rai nna, Yerusalem mare e Nawku Htingnu ap nawng poi galaw nga ma ai.

TARA JAHPRANG 12:7

Dai yang e, dai Madu nanhte a Karai Kasang a hpung shingkang hte nanhte hpe shaman ya manit dai majaw nanhte galaw ai mai kaja lam ni hta nanhte hte nanhte a dinghku masha ni lu sha nna kabu gara nga na rai myit dai.

HPILIPI 4:4

Dai Madu hta nanhte tut nawng e kabu gara nga myit ga, bai ngai tsun nngai, kabu gara nga mu.