EZRA 6:14 - Jinghpaw Common Language Bible 2009

¹⁴ Yuda ningbaw ni mung myihtoi Hagi hte Zehkaria yan n-gun jaw ya ma ai majaw dai Nawku Htingnu hpe kaja rawt jat galu kaba ai hku galaw da nga ma ai. Shanhte gaw dai Nawku Htingnu hpe Israela Karai Kasang hkang da ai ga hte mung, Persi Hkawseng Kuru, Dari hte Artazazi ni hkang dat ai hte mung galaw shangut da lu manu ai.

Jinghpaw Hanson Version Bible

¹⁴ Yuda agyi salang ni mung, myihtoi Hagi yan Yido a kasha Zehkaria hkaw tsun ai ga majaw, dai nta hpe galaw nna awng wa ma ai. Shanhte gaw, Israela Karai Kasang a htet da ai ga majaw mung, Persi hkawhkam Kuru, Dari, Artahkere hkang dat ai ga majaw mung, dai nta hpe galaw shangut mu ai.

EZRA 6:14 ပူးပေါင်းရင်းမြစ်များ

EZRA 3:8

Dai rai nna, Yerusalem mare na Nawku Htingnu shara de shanhte bai nhtang wa ai lahkawng ning a shata lahkawng hta shanhte amu galaw hpang wa nga masai. Zerubabela, Yawshu hte naw ngam nga ai shanhte a hpu nau ni, hkinjawng ni hte Lewi masha ni, dik dik Yerusalem mare de nhtang wa ai bawng dung masha ni yawng du hkra shang galaw karum ma ai. Asak hkun ning hte dai hta kaba sai Lewi masha ni yawng gaw dai Nawku Htingnu bai gaw gap ai amu hpe woi hpareng na matu san tawn da hkrum ma ai.

EZRA 4:24

Persi Hkawseng Dari hkaw dung ai lahkawng ning du hkra Nawku Htingnu gaw gap ai amu hpe dai hku naw jahkring tawn da ma ai.

EZRA 4:3

Zerubabela, Yawshu hte amyu lakung ni a ningbaw ni chyawm gaw shanhte hpe, “Anhte gaw dai Madu anhte a Karai Kasang a matu Nawku Htingnu gaw gap ai amu hta nanhte a karum la lam n ra nga ga ai. Persi Hkawseng Kuru anhte hpe hkang da mi ai hte maren, anhte hkum nan dai hpe gap na ga ai,” ngu nna tsun mu ai.

EZRA 5:1

Dai aten hta, myihtoi lahkawng rai nga ai Hagi hte Yido a kasha Zehkaria yan gaw, Yuda mung hte Yerusalem e nga ai Yuda masha ni hpe Israela a Karai Kasang a mying ningsang hta ga tsun hpang ma ai.

EZRA 5:13

Dai hpang, Babelon a hkawseng Hkawhkam Kuru hkaw dung ai shawng shaning hta Nawku Htingnu hpe bai gaw gap da na matu hkang da wu ai.

EZRA 5:2

Shelatila a kasha Zerubabela hte Yehozadak a kasha Yawshu yan gaw shan a mungga na jang, Yerusalem na Nawku Htingnu hpe bai galaw hpang wa ma ai rai nna, myihtoi lahkawng yan mung shan hpe karum lawm ma ai.

EZRA 6:3

“Hkawseng Kuru hkaw dung hpang ai shaning hta, shagu hkungga hte wan nat hkungga ni hpe nat nawng ai shara hta Yerusalem Nawku Htingnu bai gaw gap na matu hkang dat wu ai. Dai Nawku Htingnu gaw tsaw de pe jahku shi, nda de pe jahku shi rai na rai nga ai.

EZRA 6:8

Dai hpe bai gaw gap ai amu hta shanhte hpe karum na matu mung ngai nanhte hpe hkang dat made ai. Magam bungli galaw dingyang rai nga lu mu ga, shanhte jai lang ra ai gumhpraw kalang lata jaw lu hkra, Uhprat a Sinna maga de na hkanse ngu ai hkawhkam sut rai hpe lahkawn la lu na rai myit dai.

EZRA 7:1

Shaning ram ram na mat wa ai hpang, Persi Hkawseng Artazazi hkaw dung nga yang, Ezra mying ai masha langai nga nga ai. Shi a kaji kawa ni a labau lasang hpe nhtang gawn yu yang, Hkinjawng Agyi Arun kaw nna ning rai gawn da nga ai. Ezra gaw Seraia a kasha, Seraia gaw Azaria a kasha, Azaria gaw Hilkia a kasha,

EZRA 9:9

Anhte gaw mayam ni rai nga ga tim, nang gaw anhte hpe mayam amu hta kau da nga ndai n rai. Yuda mung hte Yerusalem mare hta shim lum ai lam mu tam la nhtawm matut nna shanu nga lu na ahkang mung, hten run mat sai na a Nawku Htingnu hpe bai gaw gap na matu mung, Persi hkawseng a jaw e nang anhte hpe myi man pa shangun nga nit dai.

NEHEMIA 6:15

Bungli galaw ai nhtoi manga shi lahkawng ya na ai hpang, bunghku mahkra hpe Elula shata hkun manga ya shani e shangut da lu sai.

ESAIA 44:28

Ngai gaw Kuru hkawhkam wa hpe, ‘Nang gaw nye a matu up hkang ai wa tai na rin dai; ngai nang hpe galaw shangun mayu ai amu hpe nang galaw na rai ndai: Yerusalem gaw bai de da na lam mung, Nawku Htingnu a npawt nhpang ni hpe jahkrat tawn na lam hpe mung, nang tara shapraw na rai ndai,’” ngu nna tsun ai.

HAGI 1:1

Persi Hkawseng Dari hkaw dung ai lahkawng ning a shata kru a langai ya shani hta dai Madu gaw myihtoi Hagi hku nna ga shaga wu ai. Dai mungga gaw Shelatila a kasha Yuda munggyi Zerubabela hte Yehozadak a kasha Hkinjawng Kaba Yawshu a matu rai nga ai.

HAGI 1:8

Ya chyawm gaw kawng ni de lung nna hpunngau shaw wa marit. Nawku Htingnu bai gaw gap mu; dai hpang ngai mung awng sharawng wa nna ngai hpe nanhte nawku wa na marin dai.

ZEHKARIA 1:1

Persi hkawseng Dari hkaw dung ai lahkawng ning a shata matsat hta e, dai Madu gaw Ido a kashu, Berehkia a kasha myihtoi Zehkaria hpe ndai mungga jaw wu ai.

ZEHKARIA 1:16

Dai rai nna, ngai gaw mare hpe matsan dum ai myit madun dan na matu Yerusalem de nhtang wa ni ai. Nye a Nawku Htingnu hpe bai galaw da nna mare hpe mung bai de da na we ai.

ZEHKARIA 4:9

Shi gaw, “Zerubabela gaw Nawku Htingnu a npawt nhpang jahkrat da nu ai; dai Htingnu hpe shi shangut na ra ai. Ndai lam byin wa ai shaloi, shanhte hpang de ngai nang hpe shangun dat ai hpe nye a amyu masha ni chye lu na mara ai.

ZEHKARIA 8:9

“Nden marai shaja mu! Nye a Nawku Htingnu hpe bai gaw gap na matu npawt nhpang jahkrat hpang ai aten e myihtoi ni tsun ai ga hpe sha, ya nanhte na nga myit dai.