EZRA 6:10 - Jinghpaw Common Language Bible 2009

¹⁰ Ndai hku galaw na lam rai nga ai, shaloi Sumsing Lamu a Karai Kasang hkap la lu ai shagu hkungga ni hpe shanhte nawng ya lu nna, nye a ntsa e mung, nye a kasha ni a ntsa e mung shi a shaman chyeju hkam la lu na matu mung akyu hpyi ya lu na rai ma ai.

Jinghpaw Hanson Version Bible

¹⁰ sumsing lamu na Karai Kasang hpe wan nat hkungga nawng ya na matu, usu uram, sagu la, sagu kasha hpe mung; Yerusalem na hkinjawng ni hkang da ai hte maren, hkaulan mam, ajum, tsabyi jahku, asau hpe mung, shani shagu tut tut jaw ya mu ga.

EZRA 6:10 ပူးပေါင်းရင်းမြစ်များ

NINGPAWT NINGHPANG 8:21

Dai hkungga a manam pyaw ai sangau gaw dai Madu hpe awng sharawng shangun nga ai rai nna dai Madu gaw, “Shinggyim masha e galaw ai amu a majaw, ginding aga hpe ngai galoi mung dagam kau na ni ai n rai; shi a myit mang ai lam ni gaw shi naw kaji nga ai aten kaw nna n shawp nga ai hpe ngai chye nngai. Ndai lang ngai galaw kau ni ai zawn asak rawng ai hkrung mahkrung ni yawng hpe ngai galoi mung bai jahten na ni ai n rai.

EZRA 1:2

“Ndai gaw Persi Hkawseng Kuru a hkang da ai ga rai nga ai. Dai Madu sumsing lamu a Karai Kasang gaw mungkan ga ting ngai hpe up hkang shangun ni ai hte Yuda mung Yerusalem hta shi a matu Nawku Htingnu langai gap na lit ngai hpe jaw da ni ai.

EZRA 6:9

Sumsing Lamu a Karai Kasang a matu wan nat hkungga shatai na usu uram, sagu, sagu kasha ni hte hkaulan mam, jum, sabyi ntsin hte tsanlun sau re ai ra mara nanhte hpe tsun dan mu yang, dai lit ni hpe n hprai ai sha, Yerusalem mare de shani shagu sa sak jaw na rai myit dai.

EZRA 7:23

Nang gaw Sumsing Lamu a Karai Kasang hkang dat ai hte maren, shi a Nawku Htingnu a matu ra ai lam magup hpe sadi sahka hte jaw ya lu na rai ndai; shaloi, shi gaw ngai hte nye a hpang hkaw dung ai ni hpe teng teng galoi mung masin pawt na wu ai n rai.

PRU MAT 12:32

Nanhte a sagu, bainam hte dumsu yam nga hpung ni hpe la mat wa nna pru mat wa manu. Ngai hpe mung shaman ya da mi,” ngu nna tsun wu ai.

YEREMIA 29:7

Ngai nanhte hpe bawng dung shangun ai mare ni hta mai kaja ai amu magam a matu shakut shaja nga mu. Shanhte ngamu ngamai wa ai rai yang, nanhte mung ngamu ngamai na ra ai majaw, shanhte a matu ngai kaw akyu hpyi nga mu.

Daniela 2:46

Dai hpang Hkawhkam Nebuhkadneza gaw ga de gum dagup nhtawm Daniela a man e shagu hkungga hte wan nat hkungga ni nawng ya na matu hkang da wu ai.

JAW JAU 1:13

Dai wa gaw kata na pu sin hte hpang lagaw ni kashin nhtawm, hkinjawng wa gaw dai Madu hpang de shagu hkungga di na nawng jau ai hte dai ni yawng hpe tawn hkungri ntsa e mara nna nat na rai wu ai. Dai lusha a manam pyaw ai sangau hpe dai Madu awng sharawng nga ai.

JAW JAU 1:9

Dai wa gaw pu sin hte hpang lagaw ni hpe kashin nhtawm san da hkrum ai hkinjawng ni mahtang tawn hkungri ntsa e hkum ting nat nawng na rai ma ai. Dai lusha a manam pyaw ai shangau hpe dai Madu awng sharawng nga ai.

EHPESU 5:2

Hkristu gaw anhte hpe tsaw ra ai hte anhte a matu shi a hkum hpe Karai Kasang sharawng awng ai manam pyaw ai shagu hkungga shatai nna nawng kau nu ai zawn, nanhte mung tsaw ra myit e hkang ai kata hta ahkawm nga mu.