EZRA 6:1 - Jinghpaw Common Language Bible 2009

¹ Dai rai nna hkawseng Dari hkang dat ai hte maren, Babelon mare hta kyem mazing da ai hkawhkam labau gawn ka matsing hta tam sawk yu ma ai.

Jinghpaw Hanson Version Bible

¹ Shaloi Dari hkawhkam a mungga hte shanhte gaw Babelon mare na sutdek hta bang da ai jahpan laika ni hpe sawk yu ma ai.

EZRA 6:1 ပူးပေါင်းရင်းမြစ်များ

EZRA 4:15

nang hkang dat n-ga, anhte hpaji jaw ga ai. Dai hku nang galaw ai rai yang, ndai mare gaw moi prat kaw nna tut nawng gumlau nga nna hkawhkam ni hte mungdaw up hkang du ni hpe sharu shatsang nga ai hpe mung, dai mare e nga ai masha ni hpe galoi mung up hkang yak nga ai majaw dai mare jahten sharun kau hkrum nga sai lam hpe nang mu sawk na rin dai.

EZRA 4:19

Ngai hkang dat nna labau laika hpe sawk tam yu yang, Yerusalem gaw moi prat kaw nna hkawhkam ahkang aya hpe malan gumlang nna gumlau ai hte ru yak tsin-yam tsindam galaw shapraw ai ni hte hpring nga ai hpe kaja wa mu ni ai.

EZRA 5:17

“Ya chyawm gaw, ndai Yerusalem na Nawku Htingnu bai gaw gap na matu Kuru ahkang n jaw ai hpe tam shapraw lu hkra, Babelon mare na hkawhkam labau gawn ka matsing hta tam sawk yu nna madu hkawhkam ra sharawng ai rai yang, ndai amu hta na a ra sharawng ai lam hpa rai nga ai hpe nhtang shana dat mi.”

EZRA 6:22

Shanhte gaw Matsi N Rawng ai Muk Sha Poi hpe mung kabu gara ai myit hte sanit ya tup galaw ma ai. Dai rai nna shanhte kabu gara ai myit hte hpring nga ma ai; hpa majaw nga yang, dai Madu gaw Asuri hkawseng wa hpe shanhte hpang de myi man kayin shangun nga ai rai nna Israela Karai Kasang a Nawku Htingnu bai gaw gap ai amu hta shanhte hpe karum ya nga ai.

EZRA 7:13

“Nye a hkawseng mungdan ting na Israela amyu masha ni yawng, hkinjawng ni hte Lewi masha ni nang hte rau Yerusalem mare de wa na grai sharawng ma yang, ahkang jaw ya na matu ngai hkang da nngai.

YOBA 29:16

Ngai gaw matsan mayan masha ni a matu kawa langai zawn rai nga nngai; tsin-yam hkrum ai tsasam masha ni a amu hpe ngai sawk yu nngai.

SHAKAWN KUNGDAWN 40:7

ngai gaw, “Ngai nang e, nga nga nngai; nye a matu na a sharin shaga ai ga matsun ni gaw tara laika buk hta rawng nga ai.

GA SHAGAWP 25:2

Shi makoi magap da ai majaw, anhte Karai Kasang hpe shakawn shagrau ga ai; shanhte tsun shaleng dan ai majaw, hkawhkam ni hpe anhte shagrau sha-a ga ai.

YEREMIA 36:29

Dai Madu gaw hkawhkam wa hpe tsun na matu ngai hpe ning nga nna hkang da wu ai: “Nang gaw ndai laika katsu nat kau nit dai, Babelon hkawhkam wa gaw ndai mung de du shang wa nna, mungdan hpe mung shamyit kau nga sai; dai mung na amyu masha ni hte yam nga ni hpe sat kau na ru ai nga nna shi hpa majaw ka da wu ta?, ngu nna nang Yeremia hpe san nit dai.

YEREMIA 36:32

Dai hpang, ngai gaw kaga laika katsu hpe la nna nye a amu madu Baruk a lata hta ap ya ni ai; shi gaw ngai hkai dan ai lam mahkra hpe ka tawn wu ai. Shi gaw shawng na laika katsu hta ka da ai hte ngai shi hpe hkai dan ai hte maren mungga ni hpe mung ka bang da wu ai.

EZEKELA 2:9

Ngai hpang de lata ladawn nga ai hpe ngai mu nngai, dai lata gaw laika katsu hpe lang da nga ai.

EZEKELA 3:1

Karai Kasang gaw, “Si chye ai wa e, ndai laika katsu hpe sha u; dai hpang Israela amyu masha ni hpang de sa tsun su,” ngu nna tsun wu ai.

Daniela 9:25

Dai hpe matsing da ai hte dai hpe chye tawn u. Yerusalem hpe bai gaw gap na hkang da ai ga pru wa ai aten kaw nna Karai Kasang lata la hkrum ai ningbaw du sa ai aten du hkra sanit ning sanit lang gaw lai mat wa na ra ai. Yerusalem mung mare lam ni hte ngang ai dahpran shara ni hte bai gaw gap da ai gaw shi lahkawng ning sanit lang na na rai nga ai, rai ti mung dai gaw ru yak tsin-yam tsindam hkrum ai aten rai na ra ai.

SHINGRAN 5:1

Bai, tingnyang hta dung nga ai wa a hkra lata hta, laika man kata e mung, ntsa e mung laika ni ka da nna dazik sanit hte dawk shakap tawn da ai laika shabawn langai mi hpe ngai mu nngai.