EZRA 5:8 - Jinghpaw Common Language Bible 2009

⁸ “Anhte gaw Yuda mungdaw de sa nna galu kaba ai Karai Kasang a Nawku Htingnu galaw nga ai nlung tawng kaba ni hte bunghku hpunngau ni hte bai gaw da nga ma ai hpe mu saga ai. Dai amu hpe sadi sahka myit hte galaw nna angwi ngwi sha kaba wa nga sai gaw madu hkawhkam chye ang nga ndai.

Jinghpaw Hanson Version Bible

⁸ Anhte gaw Yuda mungdaw na galu kaba re ai Karai Kasang a nta de du nna, ndai nta hpe nlung kaba hte gaw da nna, bunghku ni hta ngau mung mara da nga ai: dai amu hta shanhte shakut sharang nna, dai gaw shanhte a lata hta kaba wa nga ai gaw, hkawhkam wa chye matsing u ga.

EZRA 5:8 ပူးပေါင်းရင်းမြစ်များ

EZRA 2:1

Bawng dung ai masha law law hte gaw Babelon mungdaw hta na pru wa nhtawm Yerusalem mare hte Yuda mung de nhtang wa nna tinang nang a mare de wa shajang ma ai. Shanhte a dinghku ni gaw Hkawhkam Nebuhkadneza shanhte hpe bawng masha ni hpe zawn rim mat wa ai shani kaw nna, Babelon mung e bawng dung hkrum let nga nga sai ni rai ma ai.

EZRA 5:7

“De, Hkawseng Dari, nang gaw ngwi pyaw sim sa ai hte up nga u ga law.

EZRA 5:9

“Nawku Htingnu bai gaw gap na hte dai hpe jahting na matu shanhte hpe ahkaw ahkang kadai jaw ya ai lam anhte hpe tsun dan na matu amyu masha ni a ningbaw ni hpe san yu saga ai.

EZRA 6:10

Ndai hku galaw na lam rai nga ai, shaloi Sumsing Lamu a Karai Kasang hkap la lu ai shagu hkungga ni hpe shanhte nawng ya lu nna, nye a ntsa e mung, nye a kasha ni a ntsa e mung shi a shaman chyeju hkam la lu na matu mung akyu hpyi ya lu na rai ma ai.

EZRA 6:4

Nlung lam masum shagu a ntsa e hpunngau langai ngai bang nhtawm shakum ni hpe gaw na rai nga ai. Hkrat ang ai yawng hpe hkawhkam sut dek kaw na jaw na rai nga ai.

EZRA 7:23

Nang gaw Sumsing Lamu a Karai Kasang hkang dat ai hte maren, shi a Nawku Htingnu a matu ra ai lam magup hpe sadi sahka hte jaw ya lu na rai ndai; shaloi, shi gaw ngai hte nye a hpang hkaw dung ai ni hpe teng teng galoi mung masin pawt na wu ai n rai.

NEHEMIA 11:3

Kaga mare kahtawng hkan nga ai Israela amyu masha ni, hkinjawng ni, Lewi masha ni, Nawku Htingnu amu galaw ai ni, Shawlumon a shangun ma ni a amyu matu ni chyawm gaw shanhte a sut gan shanhte a mare ni hta nga nga ma ai. Ndai gaw Yuda mungdaw Yerusalem mare hta nga ai woi awn myit su ni a jahpan rai nga ai. Zehkaria a kashu, Uzia a kasha Ahtaia. Kaga shi a kaji kawa ni rai nga ai Amaria, Shehpatia, Mahalalela, hte Yuda a kasha Peret a amyu matu ni lawm ma ai.

NEHEMIA 7:6

Bawng dung hkrum ai masha law law hte gaw Babelon mungdaw kaw nna pru wa nhtawm Yerusalem hte Yuda mung na tinang nang a mare de nhtang wa ma ai. Shanhte a dinghku ni gaw Hkawhkam Nebuhkadneza shanhte hpe bawng masha hku rim woi mat wa ai shani kaw nna Babelon mung e bawng dung hkrum let nga nga sai ni rai ma ai.

ESHTA 1:1

Hkawhkam Ahasuru gaw Persi mung a mare daju Susa hta nga ai shi a hkawhkam tingnyang ntsa e hkaw dung let India mung kaw nna Ehtiopi mung du hkra, mungdaw 127 hpe up hkang nga ai.

ESHTA 1:22

Madu wa shagu gaw tinang a dum nta a madu tai nna hpang jahtum ahkang aya hte tsun nga na matu mungdaw langai hte langai tsun ai ga hte dai mungdaw hta ka ai lai masa laika mungga hpe hkawhkam mungdaw shagu de shabra dat wu ai.

SHAKAWN KUNGDAWN 145:3

Madu gaw galu kaba nga ai majaw, nachying shakawn ging ai wa rai nga ai; shi a galu kaba ai lam hpe n dang chye lu nga ai.

Daniela 2:47

Hkawhkam wa gaw, “Na a Karai Kasang gaw karai ni yawng hta galu kaba htum ai wa rai nna, hkawhkam ni a madu, makoi magap da ai amu ni hpe shadan dan ai wa rai nga ai. Ndai makoi magap ai amu hpe nang tsun shaleng dan lu nit dai majaw ndai lam ngai chye ni ai,” ngu nna tsun wu ai.

Daniela 3:26

Dai rai nna Nebuhkadneza gaw grung nga ai wan htung chyinghka lam de sa wa nhtawm, “Shadrak! Meshak! Abednego! Tsaw Htum ai Karai Kasang a shangun ma ni e, pru wa marit!,” ngu nna jahtau tsun wu ai. Shanhte mung kalang lata pru wa ma ai.

Daniela 4:2

Tsaw Htum ai Karai Kasang gaw ngai hpe madun dan sai mauhpa amu hte lamik kumla ni a lam madat yu mu.

Daniela 6:26

Nye a mungdan ting hta nga nga ai masha shagu hte gaw Daniela a Karai Kasang hpe hkrit kamyin ai hte hkungga lara ang nga ai ngu, ngai hkang da nngai. “Shi gaw ahkrung nga ai Karai Kasang rai nga ai, shi gaw htani htana up hkang na ra ai. Shi a mungdan galoi mung hten run mat na ra ai n rai, shi a daru magam n-gun galoi mung htum mat na ra ai n rai.

TARA JAHPRANG 10:17

Dai Madu nanhte a Karai Kasang gaw Karai ni yawng hta daru magam n-gun tsaw htum ai wa rai nga ai. Shi gaw galu kaba nna chyalai n-gun hte hpring nga ai majaw hkrit kang mai nga ai. Shi gaw masha a myi man hpe tau ai n rai, mayun kumhpa hkap la ai n rai.

TARA JAHPRANG 32:31

Shanhte a gumlau hpyen ni nan, shanhte a hpara ni n-gun kya nga ma ai hpe mung, Israela Karai Kasang zawn chyalai n-gun n rawng nga ai hpe mung shanhte chye ma ai.