EZRA 5:16 - Jinghpaw Common Language Bible 2009

¹⁶ Dai rai nna, Shebaza mung de a npawt nhpang hpe sa jahkrat bang wu ai; dai aten kaw nna ya du hkra gaw gap ai amu matut galaw nga ti mung, Nawku Htingnu gaw ya du hkra garai n shangut da lu nga ai.’

Jinghpaw Hanson Version Bible

¹⁶ Ndai Shebaza mung sa du nna, Yerusalem mare e nga ai Karai Kasang a nta npawt nhpang ni hpe gaw da wu ai: dai aprat kaw nna ya du hkra ndai nta hpe anhte galaw timung, garai n ngut lu gaw ai, ngu nna htan mu ai.

EZRA 5:16 ပူးပေါင်းရင်းမြစ်များ

EZRA 3:10

Htingnu gaw gap masha ni Nawku Htingnu npawt nhpang jahkrat hpang wa ma ai shaloi, hkinjawng ni gaw shanhte a palawng galu hpun nna lata hta pahtau lang let shara la shajang ma ai; Asap amyu lakung na Lewi masha ni mung shup sheng lang let dai yang e tsap nga ma ai. Shanhte gaw Hkawhkam Dawi a prat kaw nna hkang da ai matsun madun ga ni hte maren, dai Madu hpe shakawn kungdawn ma ai.

EZRA 3:8

Dai rai nna, Yerusalem mare na Nawku Htingnu shara de shanhte bai nhtang wa ai lahkawng ning a shata lahkawng hta shanhte amu galaw hpang wa nga masai. Zerubabela, Yawshu hte naw ngam nga ai shanhte a hpu nau ni, hkinjawng ni hte Lewi masha ni, dik dik Yerusalem mare de nhtang wa ai bawng dung masha ni yawng du hkra shang galaw karum ma ai. Asak hkun ning hte dai hta kaba sai Lewi masha ni yawng gaw dai Nawku Htingnu bai gaw gap ai amu hpe woi hpareng na matu san tawn da hkrum ma ai.

EZRA 5:14

Shi gaw Yerusalem Nawku Htingnu kaw na Nebuhkadneza magawn mat wa nhtawm Babelon mare na htingnu hta wa tawn da ai aja, gumhpraw hte htingnu hkinghku ni hpe bai nhtang jaw wu ai. Shing rai Kuru gaw Yuda munggyi shatai da ai Shebaza mying ai wa a lata de ndai hkinghku arung arai ni hpe ap ya wu ai.

EZRA 5:15

Dai hkawseng wa mahtang dai ni hpe Yerusalem Nawku Htingnu de la nhtang mat wa nhtawm shawng de na htingra hta Nawku Htingnu bai gaw gap na matu shi hpe tsun wu ai.

EZRA 5:2

Shelatila a kasha Zerubabela hte Yehozadak a kasha Yawshu yan gaw shan a mungga na jang, Yerusalem na Nawku Htingnu hpe bai galaw hpang wa ma ai rai nna, myihtoi lahkawng yan mung shan hpe karum lawm ma ai.

EZRA 6:15

Hkawseng Dari hkaw dung ai kru ning na Adara shata masum ya shani e, shanhte dai Nawku Htingnu hpe galaw shangut da manu ai.

HAGI 2:18

Dai ni shata jahku a hkun mali ya shani gaw Nawku Htingnu a npawt nhpang jahkrat ai shani rai nga ai. Dai ni kaw nna hpa byin wa na lam yu mu.

ZEHKARIA 4:9

Shi gaw, “Zerubabela gaw Nawku Htingnu a npawt nhpang jahkrat da nu ai; dai Htingnu hpe shi shangut na ra ai. Ndai lam byin wa ai shaloi, shanhte hpang de ngai nang hpe shangun dat ai hpe nye a amyu masha ni chye lu na mara ai.

YAWHAN 2:20

Shaloi Yuda masha ni gaw, “Ndai Nawku Htingnu hpe mali shi kru ning tup galaw ai re, nang chyawm gaw masum ya laman bai gaw gap lu na n ni?,” ngu mu ai.