EZRA 5:1 - Jinghpaw Common Language Bible 2009

¹ Dai aten hta, myihtoi lahkawng rai nga ai Hagi hte Yido a kasha Zehkaria yan gaw, Yuda mung hte Yerusalem e nga ai Yuda masha ni hpe Israela a Karai Kasang a mying ningsang hta ga tsun hpang ma ai.

Jinghpaw Hanson Version Bible

¹ Dai shaloi e myihtoi Hagi yan Yido a kasha Zehkaria gaw Yuda mung hte Yerusalem mare e nga ai Yuda masha ni hpe htoi ya mu ai rai nna, Israela Karai Kasang a ahkang hte shanhte hpe hkaw dan mu ai.

EZRA 5:1 ပူးပေါင်းရင်းမြစ်များ

EZRA 4:24

Persi Hkawseng Dari hkaw dung ai lahkawng ning du hkra Nawku Htingnu gaw gap ai amu hpe dai hku naw jahkring tawn da ma ai.

EZRA 6:14

Yuda ningbaw ni mung myihtoi Hagi hte Zehkaria yan n-gun jaw ya ma ai majaw dai Nawku Htingnu hpe kaja rawt jat galu kaba ai hku galaw da nga ma ai. Shanhte gaw dai Nawku Htingnu hpe Israela Karai Kasang hkang da ai ga hte mung, Persi Hkawseng Kuru, Dari hte Artazazi ni hkang dat ai hte mung galaw shangut da lu manu ai.

MIHKA 5:4

Shi du sa ai shaloi, shi gaw dai Madu kaw nna n-gun atsam hte Madu Karai Kasang shi hkum nan a daru magam hpung shingkang hte shi a amyu masha ni hpe up hkang wa na ra ai. Shi a amyu masha ni mung shim lum ai hte nga lu na mara ai; hpa majaw nga yang, aga ting na masha ni yawng shi a galu kaba ai magam amu hpe yin la na mara ai,

HAGI 1:1

Persi Hkawseng Dari hkaw dung ai lahkawng ning a shata kru a langai ya shani hta dai Madu gaw myihtoi Hagi hku nna ga shaga wu ai. Dai mungga gaw Shelatila a kasha Yuda munggyi Zerubabela hte Yehozadak a kasha Hkinjawng Kaba Yawshu a matu rai nga ai.

HAGI 1:3

Dai hpang, dai Madu gaw ndai mungga hpe myihtoi Hagi hku nna amyu masha ni hpe jaw wu ai:

HAGI 2:18

Dai ni shata jahku a hkun mali ya shani gaw Nawku Htingnu a npawt nhpang jahkrat ai shani rai nga ai. Dai ni kaw nna hpa byin wa na lam yu mu.

ZEHKARIA 8:9

“Nden marai shaja mu! Nye a Nawku Htingnu hpe bai gaw gap na matu npawt nhpang jahkrat hpang ai aten e myihtoi ni tsun ai ga hpe sha, ya nanhte na nga myit dai.