EZRA 4:7 - Jinghpaw Common Language Bible 2009

⁷ Persi Hkawseng Artazazi hkaw bai dung ai aten hta Bishlam, Mitredat, Tabela hte shanhte a kanawn manang ni gaw hkawseng wa hpang de laika langai ka dat ma ai. Hti ai shaloi ga gale la lu na matu, laika dai hpe Aramik ga hte ka da nga ai.

Jinghpaw Hanson Version Bible

⁷ Ya Artahkere a prat e Bishlam, Mihtredat, Tabela hte shi a kanawn manang kaga hte gaw, Persi hkawhkam Artahkere hpang de laika ka dat mu ai; dai laika gaw Suri ga kanu hte Suri ga hku ka da nga ai:

EZRA 4:7 ပူးပေါင်းရင်းမြစ်များ

2 HKAWHKAM 18:26

Dai hpang Eliakim, Shebna, hte Yoa ni gaw dai du salang wa hpe, “Madu e, anhte hpe Aramik ga shaga mi. Anhte ga dai hpe chye na ga ai. Hebre ga hte hkum shaga et; bunghku ntsa hku nga nga ai ni yawng madat nga ma ai,” ngu nna tsun mu ai.

EZRA 4:1

Yuda hte Benyamin amyu masha ni a gumlau hpyen ni gaw bawng dung ai kaw nna bai nhtang wa sai ni dai Madu Israela a Karai Kasang a Nawku Htingnu hpe bai gaw gap da nga masai shiga na ma ai.

EZRA 4:17

Hkawseng wa gaw ndai mahtai jaw wu ai: “De, munggyi Rehum, mungdaw amu madu Shimshai hte Samari mare, Uhprat a Sinna maga de naw nga nga ai shan a manaw manang ni hpang de shakram let htang dat ai.

EZRA 4:8

Munggyi Rehum hte mungdaw amu madu Shimshai yan gaw Yerusalem mare hte seng nna Artazazi hpang de ning ngu nna laika ka dat ma ai:

EZRA 4:9

“Munggyi Rehum, mungdaw amu madu Shimshai yan hte shan a manaw manang ni, tara agyi ni hte Erek, Babelon hte Elam mung na Susa mare kaw na ru di hkrat wa ai kaga du salang ni yawng hte rau,

EZRA 5:6

Ndai gaw hkawseng wa hpang de shanhte ka shagun dat ai lam rai nga ai:

EZRA 7:1

Shaning ram ram na mat wa ai hpang, Persi Hkawseng Artazazi hkaw dung nga yang, Ezra mying ai masha langai nga nga ai. Shi a kaji kawa ni a labau lasang hpe nhtang gawn yu yang, Hkinjawng Agyi Arun kaw nna ning rai gawn da nga ai. Ezra gaw Seraia a kasha, Seraia gaw Azaria a kasha, Azaria gaw Hilkia a kasha,

EZRA 8:36

Shanhte gaw hkawseng wa shanhte hpe jaw dat ai aming laika hpe mung la nhtawm, munggyi ni hte Uhprat a Sinna maga na mungdaw a du salang ni hpe ap ya ma ai rai nna, dai amyu masha ni hte Nawku Htingnu e nawku ai amu ni hpe shanhte karum ya ma ai.

NEHEMIA 2:1

Shata mali lai ai hpang, lani mi na nhtoi e, Hkawseng Artazazi shana de na lusha sha nga yang, ngai gaw shi hpang de sabyi la sa ya nngai. Shi chyawm gaw shawng de nye a yawn ai myi man hpe galoi mung n mu yu wu ai.

ESAIA 36:11

Dai hpang Eliakim, Shebna hte Yoa ni gaw hpyen du wa hpe, “Anhte hpe Aramik ga hte shaga mi. Anhte dai ga chye na ga ai. Hebre ga hte hkum shaga mi; bunghku ntsa e nga nga ai ni yawng madat nga ma ai,” ngu nna tsun ma ai.

Daniela 11:2

Ya nang hpe ngai tsun dan na lam gaw teng man nga ai,” ngu nna tsun wu ai. Lamu kasa gaw, “Persi mung hta e hkawhkam masum naw up na mara ai; mali ngu na gaw kaga ni yawng hta grau nna sut su na ra ai. Shi a daru magam n-gun hte sut gan tsaw lung wa ai aten hta, shi gaw Grik mungdan hpe dakat na ra ai.

Daniela 2:4

Shanhte gaw hkawhkam wa hpe, “Madu hkawhkam gaw htani htana hkrung nga u ga law! Anhte hpe na a yup mang tsun dan mi, anhte nang hpe htai dan na ga ai,” ngu nna Aramik ga hte tsun ma ai.