EZRA 4:4 - Jinghpaw Common Language Bible 2009

⁴ Dai hpang, dai mung hta nga nga masai masha ni gaw dai hpe n gap lu hkra nga, Yuda masha ni hpe n-gun shadaw ya ai hte jahkrit shatsang nga ma ai.

Jinghpaw Hanson Version Bible

⁴ Dai rai nna mung masha ni gaw, Yuda masha ni hpe hkap shatsang nna, galaw ai amu hta n-gun yawm shangun mu ai:

EZRA 4:4 ပူးပေါင်းရင်းမြစ်များ

2 SAMUELA 4:1

Shawlu a kasha Ishboshet gaw Hebron mare e Abna sat kau hkrum sai lam hpe na ai shaloi, shi hkrit nga ai; Israela amyu masha ni yawng mung hkrit kajawng nga ma ai.

EZRA 3:3

Bai nhtang wa sai bawng dung masha ni gaw dai mung e nga nga la ai amyu masha ni hpe hkrit nga ma ti mung, shanhte gaw mi na shara hta nan tawn hkungri bai galaw nna, jahpawt shana de a ntsa e shagu hkungga ni bai nat ma ai.

EZRA 4:5

Shanhte gaw dai amu hpe n galaw lu hkra, Persi asuya du salang ni hpe mayun kumhpa jaw ma ai. Dai hpe Hkawseng Kuru a prat kaw nna Dari hkaw dung ai prat dingyang hpaji daw nna gunjang ma ai.

NEHEMIA 4:11

Anhte a gumlau hpyen ni mung, anhte hpa byin nga sai hpe n mu, n chye nga ai laman, shanhte anhte hpang de sa nna, anhte hpe sat kau nhtawm anhte a amu hpe jahtum kau shangun lu na re zawn myit nawn da ma ai.

NEHEMIA 4:2

Shi gaw shi a manaw manang ni hte Samari hpyen hpung ni hpe, “Ndai matsan mayan re ai Yuda masha ni shanhte galaw nga ai amu hpe hpa baw zawn nawn nga ma ai kun? Shanhte gaw mare bai gaw gap na matu yaw ma ai kun? Shanhte gaw shagu hkungga ni hpe nawng ya let lani jan hta sha galaw shangut lu na zawn myit nawn da nga ma ai kun? Shanhte gaw hkru mat sai nlung shingyun sumpum ni hta na nlung ni hte kaning rai gaw gap lu na rai ma ta?,” ngu nna tsun wu ai.

NEHEMIA 6:9

Shanhte chyawm gaw bungli jahkring kau ya na matu anhte hpe jahkrit maw nga ma ai. Ngai gaw, “Karai Kasang e, ya rai tim, ngai hpe n-gun shaja ya e law!,” ngu nna hpyi we ai.

YEREMIA 38:4

Dai hpang, du salang ni gaw hkawhkam wa hpang de sa nna, “Ndai masha wa gaw si ging nga ai. Shi gaw dai zawn nga ai ga tsun shaga ai majaw mare kata na hpyenla ni hpe shanhte a n-gun marai shadaw kau ya nu ai; shi gaw ndai mare hta naw ngam nga ai masha shagu hte hpe karum na matu, shakut ai wa n rai, shanhte hpe nchyi nmu machyi shangun na ra sharawng ai wa sha rai nga ai,” ngu nna tsun dan ma ai.

Daniela 10:13

Persi mungdan hpe makawp maga ya ai dai lamu kasa hkawhkam kasha gaw hkun langai ya tup ngai hpe hkap shingdang da nga ai. Dai hpang lamu kasa ni a agyi Mihkaela gaw Persi mung e ngai chyu sha hti ngam nga ai majaw ngai hpe sa karum la nga ai.

Daniela 10:20

Shi mahtang, “Ngai nang hpang de hpa majaw sa ai lam nang chye nga n ni? Ngai gaw nang hpe Teng Man Ai Laika hta hpa baw ka da ai lam tsun dan na nngai. Ya chyawm gaw ngai naw nhtang wa nna Persi sin langa lamu kasa hpe gasat na nngai. Dai hpang Grik sin langa lamu kasa paw pru na ra ai. Israela a sin langa lamu kasa Mihkaela hta kaga kadai mung ngai hpe karum la nga ai n rai.