EZRA 4:15 - Jinghpaw Common Language Bible 2009

¹⁵ nang hkang dat n-ga, anhte hpaji jaw ga ai. Dai hku nang galaw ai rai yang, ndai mare gaw moi prat kaw nna tut nawng gumlau nga nna hkawhkam ni hte mungdaw up hkang du ni hpe sharu shatsang nga ai hpe mung, dai mare e nga ai masha ni hpe galoi mung up hkang yak nga ai majaw dai mare jahten sharun kau hkrum nga sai lam hpe nang mu sawk na rin dai.

Jinghpaw Hanson Version Bible

¹⁵ Ji wa ni a jahpan laika hpe sawk yu yang, ndai mare gaw gumlau chye ai hte hkawhkam ni hte mungdan ni a akyu hpe jahten chye ai mare; moi shawng e shanhte gaw gumlau lau nna, dai mare gaw shaza kau hkrum yu ai lam nang chye lu hkra, anhte ndai lam nang hkawhkam hpe ka dat ga ai.

EZRA 4:15 ပူးပေါင်းရင်းမြစ်များ

2 HKAWHKAM 24:20

Dai Madu gaw Yerusalem mare hte Yuda amyu masha ni hpe pawt sindawng wu ai majaw shanhte hpe shi a man kaw nna gawt shapraw kau wu ai.

2 HKAWHKAM 25:4

mare bunghku ni hpe tawk waw pru wa ma ai. Babelon masha ni gaw dai mare hpe wang shinggrup da nga ma ti mung, share shagan ai hpyenla ni yawng gaw hkawhkam wa a sun makau na bunghku lahkawng a lapran na chyinghka lam hku shana e shanhte pru nhtawm Yawdan Kadit ang ang de hprawng pru mat wa ma ai.

EZRA 4:12

“Ya na a kaga lamu ga ni kaw nna ndai de pru sa wa ai Yuda masha ni gaw Yerusalem mare hta nga nga masai rai nna, n hkru n shawp ai hte gumlau ai mare hpe bai de da nga ma ai lam madu hkawhkam hpe chye shangun mayu ga ai. Shanhte gaw mare bunghku ni hpe bai galaw hpang wa masai rai nna kade n na yang, dai hpe shangut lu na rai ma ai.

EZRA 4:14

Ya chyawm gaw, madu hkawhkam a npu hta lit gunhpai nga ga ai majaw ndai amu byin wa na n yu sharawng nga ga ai; dai re ai majaw anhte gaw na a kaji kawa ni kyem da ai labau gawn ka matsing hta sawk yu na ahkang

EZRA 4:16

Dai re ai majaw, ndai mare bai de nna, mare bunghku ni hpe gaw sharawt da ngut da ai rai yang, anhte a madu hkawhkam gaw Uhprat mungdaw a sinna maga na shara hpe up lu na ahkang n lu mat na ra ai hpe anhte myit hkrang ga ai.”

NEHEMIA 2:19

Ya anhte galaw sa wa na lam hpe Sanbalat, Tobia hte Geshem mying ai Arab masha langai ni na jang, anhte hpe mani asawng let, “Hpa lam myit lu nna nanhte galaw nga myit ni? Hkawseng wa hpe nanhte gumlau nga myit ni?,” ngu nna tsun mi ai.

NEHEMIA 6:6

Dai hta ning nga nna rawng nga ai: “Nang hte Yuda amyu masha ni gumlau rawt na maw mawn nga myit dai majaw nang bunghku bai gaw gap nga ndai nga nna grup yin na masha amyu ni ashi langai pru ai lam Geshem ngai hpe tsun dan nga ai. Shi gaw nang hkum nan hkawhkam tai na maw mawn ai hte,

ESHTA 2:23

Dai lam hpe jep yu nna dai shiga teng nga ai hpe mu tam jang, dai masha lahkawng yan hpe masha noi sat ai shara hta noi sat kau ma ai. Hkawhkam wa gaw ndai lam hpe hkawseng mungdan a labau gawn ai laika hta ka matsing da na lam hkang dat wu ai.