EZRA 3:7 - Jinghpaw Common Language Bible 2009

⁷ Amyu masha ni gaw wut gaw ai ni hte lasama ni hpe gumhpraw jaw ma ai; Lebanon bum na arit hpun ni shaw ya nna panglai hkin-gau e nga ai Yopa mare de la yu wa ya ai Turu hte Sidon mare masha ni hpang de malu masha, lu hka ntsin hte tsanlun sau ni hpe shagun jaw ma ai. Ndai amu mahkra hpe Persi Hkawseng Turu a ahkang hte maren hkan galaw ma ai.

Jinghpaw Hanson Version Bible

⁷ Bai shanhte gaw, wut gaw ai ni hte lasama ni hpe gumhpraw, Persi hkawhkam Kuru a ahkang hte maren, Yopa mare danam du hkra, Lebanon bum na arit hpun hpe shaw yawng na Sidon hte Turu masha ni hpe lusha jarit hte sau ni hpe jaw mu ai.

EZRA 3:7 ပူးပေါင်းရင်းမြစ်များ

2 SAMUELA 5:11

Turu Hkawhkam Hiram gaw hpaga yumga hpung langai mi hpe Dawi hpang de shangun dat wu ai; shi gaw hkawhkam htingnu gap na matu nga nna marau hpun tawng ni, lasama ni hte nlung gaw ai ni hte hpawn Dawi hpe karum madi shadaw dat nga ai.

1 HKAWHKAM 5:6

Dai re ai majaw, arit hpun kran na matu Lebanon mung de na a masha ni hpe shangun dat u. Nye a masha ni mung shanhte hte rau amu jawm galaw na mara ai. Nang daw dan ai shabrai hte maren na a masha ni hpe ngai jahpu jaw ya na nngai. Na a masha ni galaw ai zawn nye a masha ni mailung n chye kran nga ma ai gaw, nang hkrak sha chye nga ndai.”

2 HKAWHKAM 12:10

Ya dai sumpu hta gumhpraw law law rawng jang, hkawhkam hkaw na amu madu hte Hkinjawng Kaba wa sa nna gumhpraw hpe shabyawng kau nhtawm shen da ma ai.

2 HKAWHKAM 12:13

Rai ti mung dai gumhpraw ni hte gumhpraw gawm ni, hka wan ni, pahtau ni, pyengdin hta lang ra ai arung arai ni hte aja arai, gumhpraw arai ni hpe galaw ai hta n lang ma ai.

2 HKAWHKAM LABAU 34:10

Dai gumhpraw hpe Nawku Htingnu gram lajang na hpareng marai masum a lata de ap ya wu ai. Shanhte mung dai hpe

EZRA 3:6

Amyu masha ni dai Nawku Htingnu hpe garai n galaw hpang lu ma ti mung, shata sanit a shawng shani e, dai Madu hpe shagu hkungga nat nawng hpang wa ma ai.

EZEKELA 27:17

Yuda hte Israela mung gaw na a gun rai ni hte galai la na matu hkaulan mam, lagat ntsin, tsanlun sau hte namji namya ni la sa ma ai.

YONA 1:3

Yona gaw gara hku mi rai tim, dai Madu a man kaw na hprawng mat wa lu na matu kaga shara de sa mat wa wu ai. Shi gaw Yopa de sa wa nna dai shara e Spain mung de sa wa hkyen ai sanghpaw li langai sa mu wu ai. Shi gaw Karai Kasang a man kaw na hprawng mat wa na nga li jahpu jaw nna Spain mung de sa mat wa na matu sanghpaw masha ni hte rau sanghpaw li ntsa de shang mat wa wu ai.

KASA 12:20

Herod gaw Turu hte Sidon masha ni hpe grai pawt bu da wu ai. Dai rai nna dai mare masha ni gaw myit hkrum ai masha wuhpung langai mi hku nna shi kaw shang sa ma ai. Shawng nnan Blastu ngu ai Hkawhkam htingnu ting hpe up ai wa hpe chye na shangun nhtawm, shi a karum ai hte Herod kaw simsa na lam hpyi htinglu ma ai; hpa majaw nga yang, shanhte a mung gaw Hkawhkam a mung na malu masha lu la nga ai.

KASA 9:36

Ya, Yopa mare hta Tabihta mying ai kam sham ai; numsha langai mi nga ai. (Shi a mying hpe Grik ga hku Dorka ngu ai rai nna de a lachyum “Chyahkyi” ngu ai re.) Shi gaw shi a aten hpe kaja ai amu bungli galaw nna matsan mayan ni hpe karum madi shadaw alu jaw ai lam hta jai lang nga ai.

KASA 9:38

Yopa mare gaw Luda mare hte nau wa n tsan nga ai rai nna, Petru dai yang e nga nga ai lam kam sham ai ni na ma yang shanhte masha marai lahkawng hpe, “Anhte hpang de alawan sa wa rit,” ngu nna Petru hpe sa tsun na matu dat dat mu ai.

KASA 9:43

Shing rai Petru gaw, Simun ngu ai shanhpyi sama wa hte rau nhtoi tsawmra na hkra Yopa mare hta nga nga ai.