EZRA 3:6 - Jinghpaw Common Language Bible 2009

⁶ Amyu masha ni dai Nawku Htingnu hpe garai n galaw hpang lu ma ti mung, shata sanit a shawng shani e, dai Madu hpe shagu hkungga nat nawng hpang wa ma ai.

Jinghpaw Hanson Version Bible

⁶ Shata sanit ngu na shawng shani kaw na, shanhte gaw Yehowa hpe wan nat hkungga nawng ya hpang mu ai: rai timung, Yehowa a nawku Htingnu hpe garai n gaw da hpang ma ai.

EZRA 3:6 ပူးပေါင်းရင်းမြစ်များ

EZRA 3:5

dai hta kaga, tut nawng nawng ya ai shagu hkungga ni hpe hkum ting nat na matu mung, Shata Praw e galaw ai Poi hta nawng ya na matu mung, dai Madu hpe nawku ai shara hta tut e sa zup hpawng nna dai Madu hpe tinang myit ra ai hku jaw ya ai hkungga ni yawng hpe nat nawng ya ma ai.

EZRA 3:7

Amyu masha ni gaw wut gaw ai ni hte lasama ni hpe gumhpraw jaw ma ai; Lebanon bum na arit hpun ni shaw ya nna panglai hkin-gau e nga ai Yopa mare de la yu wa ya ai Turu hte Sidon mare masha ni hpang de malu masha, lu hka ntsin hte tsanlun sau ni hpe shagun jaw ma ai. Ndai amu mahkra hpe Persi Hkawseng Turu a ahkang hte maren hkan galaw ma ai.

JAW JAU 23:25

Dai Madu hpe lusha hkungga sak jaw nhtawm nanhte kadai mung amu bungli galaw lu na myit dai n rai.

BU HKAWM 29:1

Shata sanit a praw langai ya shani e, nanhte gaw nawku na matu zup hpawng na rai myit dai; amu bungli galaw lu na myit dai n rai; dai shani hta pahtau dum na rai myit dai.

BU HKAWM 29:2

Dai Madu a matu manam pyaw ai sangau shatai na, wan nat hkungga a matu ra n rawng ai usu uram langai, sagu la langai hte laning mi ladu hkrum sai sagu la kasha sanit hte hpe sak jaw na rai nga ai.