EZRA 3:5 - Jinghpaw Common Language Bible 2009

⁵ dai hta kaga, tut nawng nawng ya ai shagu hkungga ni hpe hkum ting nat na matu mung, Shata Praw e galaw ai Poi hta nawng ya na matu mung, dai Madu hpe nawku ai shara hta tut e sa zup hpawng nna dai Madu hpe tinang myit ra ai hku jaw ya ai hkungga ni yawng hpe nat nawng ya ma ai.

Jinghpaw Hanson Version Bible

⁵ dai hpang tutnawng na wan nat hkungga hpe mung, shata praw shani hte, Yehowa a chyoi pra ai poi shagu na hkungga hpe mung, Yehowa hpe myit dingsa jaw mayu ai hkungga ni hpe mung nat nawng ya mu ai.

EZRA 3:5 ပူးပေါင်းရင်းမြစ်များ

2 HKAWHKAM LABAU 31:14

Nawku Htingnu a Sinpraw Chyinghka sin ai du Lewi masha Imna a kasha Kore gaw dai Madu a matu sak jaw ai kumhpa ni hkap la nna bai garan jaw ya ai hpareng wa rai nga ai.

EZRA 3:6

Amyu masha ni dai Nawku Htingnu hpe garai n galaw hpang lu ma ti mung, shata sanit a shawng shani e, dai Madu hpe shagu hkungga nat nawng hpang wa ma ai.

NEHEMIA 10:34

Anhte mung, amyu masha ni mung, hkinjawng ni hte Lewi masha ni mung, madat da ai Tara hte maren, dai Madu anhte a Karai Kasang hpe shagu hkungga nat nawng na matu gara amyu lakung ni mahtang ju hpun shaw ang ai hpe daw dan ya na matu shaning shagu hpaida hte lata na ga ai.

YEREMIA 33:18

Ngai hpe nawku daw jau na hte wan nat hkungga, lusha hkungga hte shagu hkungga ni hpe nat nawng na matu Lewi amyu baw hta na hkinjawng ni tut nawng e anga nga na mara ai,” nga nna dai Madu ga sadi jaw wu ai.

JAW JAU 1:2

kaning rai hkan sa galaw na tara ni tsun matsun wu ai. Kadai rai ti mung yam nga hkungga nawng jau ai shaloi, dumsu langai ngai, shing n rai sagu langai ngai, shing n rai bainam langai ngai nawng ya na rai myit dai.

JAW JAU 1:3

Dai wa gaw shi a dumsu hpe wan nat hkungga nawng jau ai rai yang, ra n rawng ai usu langai la sa na rai wu ai. Dai hpe dai Madu a hpung shingkang shanu nga ai Sum a shang wa chyinghka lam hta tawn da lu na rai nga ai. Dai Madu gaw dai wa hpe hkap la na ra ai.

JAW JAU 23:2

Israela amyu masha ni nawku hpawng galaw ma ai shaloi, nawku htung hte seng ai poi ni hta hkan sa na tara ni jaw ya wu ai.

BU HKAWM 28:14

Sabyi hkungga mung usu langai mi hta sabyi ntsin palin 4, sagu la langai mi hta palin 3, sagu la kasha langai mi hta palin 2 rai na rai nga ai. Dai gaw shaning tup na shata shagu a praw shani e galaw na wan nat hkungga hte seng ai tara ni rai nga ai.

BU HKAWM 28:19

dai shani e amu bungli galaw lu na n rai. Dai Madu a matu lusha hkungga hpe mung, ra n rawng ai usu uram lahkawng, sagu la langai mi hte sagu la kasha sanit hte hpe wan nat hkungga shatai nna nawng ya na rai myit dai.

BU HKAWM 28:27

Dai Madu a matu manam pyaw ai sangau shatai na wan nat hkungga a matu ra n rawng ai usu uram lahkawng, sagu la langai mi, laning mi ladu hkrum sai sagu la kasha sanit hte hpe nawng ya na rai myit dai.

BU HKAWM 29:13

Nnan shani hta dai Madu a matu manam pyaw ai sangau shatai na lusha hkungga a matu ra n rawng ai usu uram shi masum, sagu la lahkawng hte laning mi ladu hkrum sai sagu la kasha shi mali hte hpe nawng ya na rai myit dai.

BU HKAWM 29:2

Dai Madu a matu manam pyaw ai sangau shatai na, wan nat hkungga a matu ra n rawng ai usu uram langai, sagu la langai hte laning mi ladu hkrum sai sagu la kasha sanit hte hpe sak jaw na rai nga ai.

BU HKAWM 29:39

Ndai ni gaw madat da ai poi ni hta dai Madu hpe nanhte nawng jau na wan nat hkungga, shadung hkungga, sabyi hkungga hte mahku hkungga ni hte seng ai tara ni rai nga ai. Dai ni gaw ga shaka shatup nna jau ai hte jaw mayu ai hkungga hta jan nna sak jaw ai hkungga ni rai nga ai.

BU HKAWM 29:8

Dai Madu a matu manam pyaw ai sangau shatai na wan nat hkungga a matu ra n rawng ai usu uram langai, sagu la langai hte laning mi ladu hkrum sai sagu la kasha sanit hte hpe nawng ya na rai myit dai.

TARA JAHPRANG 12:17

Nanhte a nai mam, sabyi ntsin hte tsanlun namman sau re ai ni kaw na htam shi hta na htam mi, nanhte rem ai sagu dumsu ni hta na shawng hkrat ai kasha alat, dai Madu hpe ga sadi jaw ai kumhpa, nanhte jaw mayu ai hkungga ni hte kaga hkungga ni hpe mung nanhte nga ai shara ni hta sha lu na n rai.

TARA JAHPRANG 12:6

Dai yang e, wan nat na nanhte a shagu hkungga ni hte kaga shagu hkungga ni, nanhte a htam shi hta na htam mi hte hkungga ni, dai Madu hpe ga sadi jaw ai kumhpa ni, jaw mayu ai hkungga ni hte shawng hkrat ai nanhte a sagu dumsu ni hpe mung nawng jau na rai myit dai.