EZRA 3:4 - Jinghpaw Common Language Bible 2009

⁴ Hkan sa na tara ni hte maren, Sum Poi hpe mung shanhte galaw ma ai rai nna dai shani na matu nawng ya ang ai shagu hkungga ni hpe hpyi ai hte maren lani hte lani nawng ya ma ai;

Jinghpaw Hanson Version Bible

⁴ Bai, ka da nga ai hte maren, shanhte gaw sumpoi hpe mung galaw nna, wan nat hkungga a nambat shatup let, lani hte lani na hkungga nawng ya mu ai:

EZRA 3:4 ပူးပေါင်းရင်းမြစ်များ

1 HKAWHKAM LABAU 16:37

Hkawhkam Dawi gaw Ga Shaka Sumpu tawn da ai shara hta tut nawng nawku woi na matu Asap hte shi a hpu nau Lewi masha ni hpe mung san tawn da nga ai. Shanhte gaw dai yang e lani hte lani shanhte gun hpai ang ai lit ni hpe galaw nga ma ai.

2 HKAWHKAM LABAU 31:16

Shanhte gaw madang hta hkan nna Nawku Htingnu kata shani shagu gun hpai nga ai asak sumshi ning hte dai hta lai sai lasha ni yawng hpe mung gambum langai jaw ma ai.

PRU MAT 23:16

“Nanhte nsi naisi shu hpang wa ai shaloi, Nlung Nnan Poi galaw na rai myit dai. Nanhte a sabyi sun hte namsi namsaw sun ni kaw na namsi namsaw shinggyin la ai mangai aten hta Nmut Shinggyin Poi mung galaw lu na rai myit dai.

PRU MAT 29:38

“Laning mi ladu hkrum sai sagu kasha lahkawng hpe tawn hkungri ntsa e shani shagu nawng jau nga lu na rai ndai.

PRU MAT 5:13

Mayam hpareng ni mung shanhte hpe yihku jaw yang na galaw shapraw ai shadang hte maren shani shagu galaw na matu hkan shadut reng nga ma ai.

YEREMIA 52:34

Shi hkrung nga ai prat dingsa e, shani shagu na shi a ra kadawn ai lam hpe man man garan jaw ya hkrum nga wu ai.

JAW JAU 23:33

Ndai Sum Poi hpe shata sanit a nhtoi shi manga ya shani hta galaw hpang nna sanit ya matut galaw ai poi rai nga ai.

BU HKAWM 29:39

Ndai ni gaw madat da ai poi ni hta dai Madu hpe nanhte nawng jau na wan nat hkungga, shadung hkungga, sabyi hkungga hte mahku hkungga ni hte seng ai tara ni rai nga ai. Dai ni gaw ga shaka shatup nna jau ai hte jaw mayu ai hkungga hta jan nna sak jaw ai hkungga ni rai nga ai.

YAWHAN 7:2

Yuda amyu masha ni a Sum Poi Dai nsi naisi shu la ai mangai Sum Poi galaw ai aten ni wa ra ai.

YAWHAN 7:37

Shaloi dai poi a jahtum shani ngu ai ahkyak dik ai nhtoi kaba hta Yesu gaw tsap da nna, “Hpang gara ai wa kadai mung ngai hpang de sa lu rit.