EZRA 3:13 - Jinghpaw Common Language Bible 2009

¹³ Shanhte ja ja jahtau garu ai nsen a majaw kadai mung kabu gara jahtau garu ai nsen hte hkrap agru ai nsen hpe n chye ginhka lu nga ai. Dai ngoi ai nsen hpe tsan tsan kaw nna na lu nga ai.

Jinghpaw Hanson Version Bible

¹³ shing rai mung masha ni kabu gara jahtau garu ai hte, hkrap ngu hkrap ngoi wu ai nsen hpe, shanhte n chye ginhka mu ai: Kaning rai nme law, mung masha ni gaw ja ja jahtau garu nga ma ai rai nna, dai ngoi wu ai nsen gaw, tsan tsan kaw nna na ma ai.

EZRA 3:13 ပူးပေါင်းရင်းမြစ်များ

1 HKAWHKAM 1:40

Dai hpang shanhte yawng mung shi a hpang de hkan lung wa nhtawm sumpyi dum let ja ja kabu jahtau nga ma ai rai nna, lamu ga gaw shanhte a garu marawn ai a majaw kadu ashun nga ai.

1 HKAWHKAM 1:45

Shing rai Zadok hte Nahtan gaw shi hpe hkawhkam shatai na matu Gihon hka hpawk shara e shi hpe namman jaw ya mu ai. Dai hpang shanhte gaw mare kata de shang nhtawm kabu gara ai hte jahtau garu nga ma ai majaw ya amyu masha nlang mung garu kachyi rai nga masai. Ya nanhte na lu ai garu kachyi ai nsen gaw dai rai nga ai.

EZRA 3:12

Shawng galaw ai Nawku Htingnu hpe mu yu sai asak kaba ai hkinjawng ni, Lewi masha ni hte amyu lakung ni a ningbaw law law ni mahtang ndai Nawku Htingnu npawt nhpang jahkrat tawn ai hpe azi yu let ja ja jahtau hkrap nna hkrap agru nga ma ai. Rai ti mung, kaga ni chyawm gaw kabu gara jahtau garu nga ma ai.

EZRA 4:1

Yuda hte Benyamin amyu masha ni a gumlau hpyen ni gaw bawng dung ai kaw nna bai nhtang wa sai ni dai Madu Israela a Karai Kasang a Nawku Htingnu hpe bai gaw gap da nga masai shiga na ma ai.

NEHEMIA 12:43

Dai shani e, shagu hkungga law law nawng ya ma ai rai nna Karai Kasang gaw shanhte hpe kabu shangun wu ai majaw, amyu masha ni hta kabu gara ai myit hpring nga ai. Numsha ni hte ma kaji ni mung dai poi hta shang lawm nga ma ai rai nna shanhte jahtau ai nsen hpe tsan tsan kaw nna na lu nga ai.

SHAKAWN KUNGDAWN 5:11

Rai ti mung, nang hta shim lum ai lam mu tam ai ni yawng hte gaw kabu gara lu na mara ai; shanhte gaw tut nawng e, kabu gara let mahkawn shakawn lu nga ma ai. Nang hpe tsaw ra ai ni hpe makawp maga ya nga u; na majaw, shanhte teng teng kabu gara nga ma ai.

YEREMIA 33:11

nang gaw kabu gara garu jahtau nsen, mani pyaw ai nsen hte kabu gara ai hkungran poi lusha sha ai nsen ni hpe kalang mi bai na lu na rin dai. Shanhte gaw nye a Nawku Htingnu de mahku hkungga ni la sa let mahkawn shakawn ai nsen hpe nang na lu na rin dai; shanhte gaw, ‘Shi gaw mai kaja nga ai hte shi a tsaw ra myit htani htana prat dingsa agrin nga ai majaw, Chyahtum Chyalai N-gun Rawng ai dai Madu hpe chyeju dum mu,’ ngu nna tsun na mara ai. Ngai gaw ndai mungdan hpe shawng na hte maren, ngamu ngamai shangun na nngai. Dai Madu ngai nan tsun ni ai,” nga nna tsun wu ai.

YEREMIA 50:4

Dai Madu gaw, “Dai aten du ai shaloi, Israela hte Yuda masha ni gaw hkrap ngu hkrap ngoi ai hte wa nna shanhte a Karai Kasang rai nga ai ngai hpe wa tam na mara ai.

ZEHKARIA 4:7

Bum ni zawn sumpum ai dingbai dingna ni gaw na a man kaw nna hkoi mat wa na ra ai. Nang gaw Nawku Htingnu hpe bai gaw gap ai shaloi magum nlung mara da na rai ndai; amyu masha ni mung, ‘Tsawm htap ai, tsawm htap ai!,’ nga nna jahtau tsun na mara ai.

TARA AGYI 2:5

dai rai nna shara dai hpe Bohkim ngu nna shamying ma ai. Shanhte gaw dai yang e dai Madu hpe shagu hkungga ni nawng ya ma ai.

1 SAMUELA 4:5

Dai Ga Shaka Sumpu du jang, Israela amyu masha ni gaw ginding aga ashun hkra kabu gara ai hte ja ja jahtau garu nga ma ai.