EZRA 3:11 - Jinghpaw Common Language Bible 2009

¹¹ Shanhte gaw dai Madu hpe ning ngu nna kahtap tsun let shakawn kungdawn ma ai: “Dai Madu gaw mai kaja nga ai, shi a tsaw ra myit gaw Israela a ntsa e htani htana agrin nga ai.” Shing rai Nawku Htingnu a npawt nhpang gaw ai amu hpe galaw hpang da lu manu ai majaw masha shagu hte mung tinang nang a n-gun lagaw mahkra hte dai Madu hpe shakawn kungdawn let jahtau garu nga ma ai.

Jinghpaw Hanson Version Bible

¹¹ Shanhte gaw, Yehowa mai kaja nga nna, shi a chyeju Israela ntsa e htani htana anga nga ai, nga nna tsun let hpung mi hte hpung mi htingli htinglai mahkawn ma ai. Yehowa nta a npawt nhpang ni gaw da lu ai majaw, mung masha ni mahkra gaw, Yehowa hpe shakawn kungdawn let, nsen kaba hte jahtau garu nga ma ai.

EZRA 3:11 ပူးပေါင်းရင်းမြစ်များ

1 HKAWHKAM LABAU 16:34

Dai Madu gaw mai kaja nga ai rai nna, shi hpe chyeju dum mu; shi a tsaw ra myit htani htana agrin nga ai.

1 HKAWHKAM LABAU 16:41

Dai Madu a tsaw ra myit htani htana agrin nga ai majaw shi hpe mahkawn mangoi let shakawn kungdawn na matu Heman mung, Yeduhtun hte laksan lata da hkrum ai ni mung shanhte hte rau rai ma ai.

2 HKAWHKAM LABAU 7:3

Sumsing lamu na wan hkrat wa nhtawm htoi kabrim ai gaw Nawku Htingnu hta hpring nga ai hpe Israela amyu masha ni mu jang, shanhte gaw nlung nep da ai shara e myi man gum dagup let Karai Kasang hpe nawku nhtawm shi a mai kaja ai lam hte htani htana tsaw ra myit a majaw shi hpe shakawn kungdawn nga ma ai.

NEHEMIA 12:24

Hashabia, Sherebia, Yeshua, Binui hte Kadmiela ni lam madun matsun ai npu hta taw let, Lewi masha ni hpe hpung hpaw da nga ai. Dai rai nna Karai Kasang a masha, Hkawhkam Dawi jaw da ai sharin matsun ga ni hte maren, aten mi hta hpung lahkawng gaw gahti galai rai Karai Kasang hpe chyeju dum shakawn kungdawn nga ma ai.

NEHEMIA 12:40

Dai rai nna, Karai Kasang hpe chyeju shakawn ai hpung lahkawng gaw Nawku Htingnu shara de du dep wa ma ai. Dai hta sha n-ga, ngai hte rau rai nga ai ningbaw ni hte nye a hpung hta lawm nna pahtau dum ai hkinjawng ni gaw,

SHAKAWN KUNGDAWN 100:5

Dai Madu gaw mai kaja nga ai rai nna, shi a tsaw ra myit htani htana anga nga ai, shi a sadi sahka gaw prat mi hte prat mi agrin nga ai law.

SHAKAWN KUNGDAWN 103:17

Rai ti mung, Madu hpe shagrau sha-a nga ai ni a ntsa e, shi a tsaw ra myit htani htana agrin nga ai,

SHAKAWN KUNGDAWN 106:1

Dai Madu hpe shakawn nga mu! Shi mai kaja nga ai majaw, dai Madu hpe chyeju dum mu; shi a tsaw ra myit mung htani htana prat ting agrin nga ai.

SHAKAWN KUNGDAWN 107:1

“Madu gaw mai kaja nga nna, shi a tsaw ra myit htani htana agrin nga ai majaw, shi hpe chyeju shakawn mu!”

SHAKAWN KUNGDAWN 118:1

Dai Madu gaw mai kaja nga ai majaw, shi hpe chyeju dum mu; shi a tsaw ra myit htani htana agrin nga ai.

SHAKAWN KUNGDAWN 131:1

Madu e, ngai gaw nye a gumrawng gumtawng ai myit hpe kau da ni ai; nye a myit tsaw myit dap rawng ai akyang kaw nna mung kayin kau da ni ai. Ngai gaw kaba la ai amu ni hta na mung, nye a matu chye na na, nau wa yak la ai amu lamang ni hpe mung ngai myit n lawm nga nngai.

SHAKAWN KUNGDAWN 135:3

Shi mai kaja nga ai majaw, dai Madu hpe shakawn mu; shi matsan dum nga ai majaw, shi a mying nsang hpe mahkawn shakawn nga mu.

SHAKAWN KUNGDAWN 47:1

Masha amyu yawng hte e, kabu gara ai hte lahpawk dum mu! Nsen sharawt ai mahkawn mangoi ga ni hte Karai Kasang hpe shakawn mu!

SHAKAWN KUNGDAWN 47:5

Karai Kasang gaw shi a tingnyang de lung nga ai. Dai Madu lung wa yang, kabu gara jahtau garu ai nsen hte pahtau dum ai nsen ni hpe na lu nga ai.

PRU MAT 15:21

Miriam gaw shanhte hpe woi awn let ning ngu mahkawn wu ai: “Dai Madu hpe mahkawn mangoi mu, hpa majaw nga yang, shi gaw hpung shingkang hte hpring ai awng padang hpe ninglaw nu ai; shi gaw gumra ni hte dai hta jawn ai ni hpe panglai hta kabai gumpye bang kau nu ai.”

ESAIA 12:6

Ziun e nga ai masha shagu hte gaw marawn jahtau ai hte mahkawn mangoi nga mu ga! Israela a chyoi pra ai Karai Kasang gaw galu kaba nga ai, shi gaw shi a amyu masha ni a lapran e nga nga ai,” ngu nna mahkawn mangoi ai nhtoi du wa nga sai.

ESAIA 44:23

Sumsing lamu ni e, kabu gara jahtau mu! Ginding aga a sung ai shara ni e, jahtau mu! Bum ni hte nam maling na hpun shagu hte e, kabu gara jahtau mu! Dai Madu gaw shi a amyu masha ni hpe hkye la ai hku, shi a galu kaba ai hpe madun dan nu ai.

ESAIA 6:3

Shanhte langai hte langai gaw ning ngu nna tsun jahtau ma ai: “Chyoi pra, chyoi pra, chyoi pra! Chyahtum Chyalai N-gun rawng ai dai Madu gaw chyoi pra nga ai! Shi a hpung shingkang gaw mungkan ga hta hpring nga ai.”

YEREMIA 33:11

nang gaw kabu gara garu jahtau nsen, mani pyaw ai nsen hte kabu gara ai hkungran poi lusha sha ai nsen ni hpe kalang mi bai na lu na rin dai. Shanhte gaw nye a Nawku Htingnu de mahku hkungga ni la sa let mahkawn shakawn ai nsen hpe nang na lu na rin dai; shanhte gaw, ‘Shi gaw mai kaja nga ai hte shi a tsaw ra myit htani htana prat dingsa agrin nga ai majaw, Chyahtum Chyalai N-gun Rawng ai dai Madu hpe chyeju dum mu,’ ngu nna tsun na mara ai. Ngai gaw ndai mungdan hpe shawng na hte maren, ngamu ngamai shangun na nngai. Dai Madu ngai nan tsun ni ai,” nga nna tsun wu ai.

HAGI 2:3

“Nanhte hta na marai langai ngai gaw Nawku Htingnu kade daram hkik hkam ai hpe naw myit dum ai ni nga nga a ni? Ya nanhte dai hpe gara hku mu mada nga myit ni? Dai gaw nanhte a matu hpa mung n re ai zawn rai nga ai.

ZEHKARIA 4:7

Bum ni zawn sumpum ai dingbai dingna ni gaw na a man kaw nna hkoi mat wa na ra ai. Nang gaw Nawku Htingnu hpe bai gaw gap ai shaloi magum nlung mara da na rai ndai; amyu masha ni mung, ‘Tsawm htap ai, tsawm htap ai!,’ nga nna jahtau tsun na mara ai.

ZEHKARIA 9:9

Ziun amyu masha ni e, kabu gara nga mu, kabu gara nga mu! Yerusalem amyu masha ni e, kabu gara jahtau garu nga mu! Yu mu, nanhte a hkawhkam wa gaw nanhte hpang de sa wa nga ai! Shi gaw padang ninglaw hte awng dang ai lam lu la nga ai, rai ti mung shagrit shanem ai myit hte lawze ntsa e jawn nga ai- lawze kasha langai a ntsa e, lawze kanu a kasha a ntsa e jawn nga ai.

LUKA 1:50

shi hpe hkrit kamyin ai ni a ntsa e, shu mashi shu masha prat du hkra matsan dum ai myit a madun nga ai.

YAWSHU 6:10

Rai ti mung Yawshu gaw shi a masha ni hpe, shi bai hkang dat ai aten du hkra n jahtau garu na matu mung, ga hkaw mi mung n shaga shapraw lu na lam hkang dat wu ai.

YAWSHU 6:16

Sanit lang bat grup ai lang hta hkinjawng ni pahtau dum garu dat hkyen yang, Yawshu gaw shi a masha ni hpe jahtau garu dat na hkang dat wu ai. Shi gaw, “Dai Madu nanhte hpe ndai mare jaw ya manit dai!,” ngu nna tsun wu ai.

YAWSHU 6:5

Dai hpang, shanhte gaw pahtau nsen galu dum dat mu ai shaloi, dai nsen na ai shaloi jang, masha nlang a nsen shaja nna jahtau dat na rai ma ai; shing rai jang mare bunghku ni daw ru mat na ra ai. Dai hpang hpyen luksuk ting gaw tinang a man ang ai hku mare kata de shang wa na rai ma ai,” ngu nna tsun wu ai.