EZRA 3:10 - Jinghpaw Common Language Bible 2009

¹⁰ Htingnu gaw gap masha ni Nawku Htingnu npawt nhpang jahkrat hpang wa ma ai shaloi, hkinjawng ni gaw shanhte a palawng galu hpun nna lata hta pahtau lang let shara la shajang ma ai; Asap amyu lakung na Lewi masha ni mung shup sheng lang let dai yang e tsap nga ma ai. Shanhte gaw Hkawhkam Dawi a prat kaw nna hkang da ai matsun madun ga ni hte maren, dai Madu hpe shakawn kungdawn ma ai.

Jinghpaw Hanson Version Bible

¹⁰ Amu galaw ai ni gaw, Yehowa a nawku Htingnu hpe gaw da hpang yang, Israela hkawhkam Dawi hkang da ai hte maren, Yehowa hpe shakawn kungdawn na matu, pahtau lang nna hkinjawng hpun palawng bu hpun ai hkinjawng ni hte, shupsheng lang ai Lewi amyu na Asap a kashu kasha ni hpe, tinang a shara hta tawn da mu ai.

EZRA 3:10 ပူးပေါင်းရင်းမြစ်များ

1 HKAWHKAM LABAU 15:27

Dawi gaw mani tsawm ai lachyit sumpan hte chywi ai ntsa palawng langai hpun wu ai rai nna mahkawn mangoi ai ni mung, mahkawn mangoi woi awn ai ningbaw Hkenania mung, Sumpu hpai ai Lewi masha ni mung hpun ma ai. Dawi gaw lachyit hpahkai lawng hpe mung kahtap hpun da wu ai.

1 HKAWHKAM LABAU 16:37

Hkawhkam Dawi gaw Ga Shaka Sumpu tawn da ai shara hta tut nawng nawku woi na matu Asap hte shi a hpu nau Lewi masha ni hpe mung san tawn da nga ai. Shanhte gaw dai yang e lani hte lani shanhte gun hpai ang ai lit ni hpe galaw nga ma ai.

1 HKAWHKAM LABAU 16:42

Mahkawn mangoi let shakawn kungdawn nga ma yang, Heman hte Yeduhtun yan mung pahke hte shupsheng ni hpe mung, kaga madum sumpyi ni hpe mung woi awn dum ma ai. Yeduhtun a amyu lakung ni chyawm gaw chyinghka ni hpe sin nga ma ai.

1 HKAWHKAM LABAU 23:5

sin langa amu galaw na matu masha hkying mali hte ndai amu a matu hkawhkam wa shatawng shada let jaw ya ai madum sumpyi arung arai ni hpe lang nna dai Madu hpe shakawn kungdawn na masha hkying mali hte hpe san tawn da wu ai.

2 HKAWHKAM LABAU 35:14

Shing re ai amu galaw ngut jang, Lewi masha ni gaw shanhte hte Arun matu mara kaw na hkinjawng ni a matu shan lusha lajang tawn da ma ai; hpa majaw nga yang, hkinjawng ni mahtang yam nga ni hpe shana de du hkra hkum ting nat nawng ai amu hte shagu hkungga sau man ni hpe nat ai amu ni hta kyin nga ma ai.

2 HKAWHKAM LABAU 35:15

Asap amyu lakung na Lewi mahkawn mangoi hpung ni gaw Hkawhkam Dawi a tsun matsun ai ga hte maren, shanhte hpe masat da ya ai shara ni hta nga nga ma ai; Asap, Heman hte hkawhkam wa a myihtoi Yeduhtun ni rai ma ai. Nawku Htingnu chyinghka sin ai sin langa ni gaw shanhte a shara ni kaw nna n pru sa ra ma ai, hpa majaw nga yang kaga Lewi masha ni mahtang dai ni a matu Shalai Wa Ai Poi hkyen shachyip da ya nga ma ai.

EZRA 5:16

Dai rai nna, Shebaza mung de a npawt nhpang hpe sa jahkrat bang wu ai; dai aten kaw nna ya du hkra gaw gap ai amu matut galaw nga ti mung, Nawku Htingnu gaw ya du hkra garai n shangut da lu nga ai.’

SHAKAWN KUNGDAWN 150:5

Shup sheng ni hte shi hpe shakawn kungdawn mu. Grau ngoi gara ai shup sheng ni hte shi hpe shakawn mu.

HAGI 2:15

Dai Madu gaw, “Nanhte hta hpa byin nga sai hpe n mu myit ni? Nanhte ndai Nawku Htingnu garai n gaw gap hpang wa myit yang,

ZEHKARIA 4:6

Dai lamu kasa gaw Madu kaw na pru ai ndai mungga Zerubabela hpe jaw ya na matu ngai hpe ning nga nna tsun ai: “Nang gaw hpyen dap n-gun hte mung n rai, na a n-gun atsam hte mung n rai; rai ti mung nye a wenyi hte sha awng dang lu na rai ndai.

ZEHKARIA 4:7

Bum ni zawn sumpum ai dingbai dingna ni gaw na a man kaw nna hkoi mat wa na ra ai. Nang gaw Nawku Htingnu hpe bai gaw gap ai shaloi magum nlung mara da na rai ndai; amyu masha ni mung, ‘Tsawm htap ai, tsawm htap ai!,’ nga nna jahtau tsun na mara ai.

ZEHKARIA 6:12

Chyahtum Chyalai N-gun rawng ai dai Madu gaw shi hpe, ‘Lakung ngu shaga hkrum ai wa gaw shi nga ai shara hta galu kaba ringchying wa nna dai Madu a Nawku Htingnu hpe gaw gap na ra ai.

ZEHKARIA 7:3

hkinjawng ni hte myihtoi ni hpe, “Anhte gaw nde nlaw ning na hkra anhte galaw nga saga ai hte maren shata manga hta lusha gam let Nawku Htingnu hten run mat ai majaw, anhte naw sharung shayawt ang na ga ni?,” ngu ai ga san hpe san yu na matu mung shangun dat mu ai.

1 SAMUELA 22:18

Dai rai nna Shawlu gaw Doeg hpe, “Shanhte hpe sat kau u,” ngu nna tsun dat wu yang, Doeg mung shanhte yawng hpe sat kau wu ai. Dai shani e, atsam rawng nna hpa hkai lawng hpun ai hkinjawng matsat shi manga hpe sat kau wu ai.