EZRA 2:68 - Jinghpaw Common Language Bible 2009

⁶⁸ Ya bawng dung ai masha ni Yerusalem na dai Madu a Nawku Htingnu de du shang wa ma yang, amyu lakung ni a ningbaw nkau mi gaw mi na shara dingsa hta Nawku Htingnu bai gaw gap karum na matu, tinang jaw mayu ai hkungga ni sak jaw ma ai.

Jinghpaw Hanson Version Bible

⁶⁸ Ya, kaji kawa ni a dap lakung ni a agyi nkau mi gaw, Yerusalem mare e nga ai Yehowa a nta de du ma yang, tinang a shara hta e Karai Kasang nta hpe bai de da na matu, myit dingsa kumhpa sak jaw mu ai:

EZRA 2:68 ပူးပေါင်းရင်းမြစ်များ

1 HKAWHKAM LABAU 21:18

Arauna a chyarang pa e dai Madu a matu tawn hkungri langai galaw na lam, Dawi hpe hkang da na, dai Madu a lamu kasa gaw Gad hpe tsun wu ai.

1 HKAWHKAM LABAU 22:1

Dai rai nna Dawi gaw, “Ndai shara gaw Madu Karai Kasang a Nawku Htingnu gap na shara tai na ra ai. Tawn hkungri nga ai ndai yang gaw Israela amyu masha ni wan nat hkungga nawng ya na shara tai na ra ai,” ngu nna tsun wu ai.

2 HKAWHKAM LABAU 3:1

Shawlumon a kawa Hkawhkam Dawi chyawm gaw Nawku Htingnu gap na shara hkyen lajang da sanu ai. Dai gaw dai Madu Dawi hpe shadan dan sai Yerusalem mare na Moria Bum ntsa ngu na Yebusi masha Arauna lang yu sai chyarang pa hta rai nga ai.

EZRA 2:69

Shanhte gaw dai amu a matu dang lu ai made shaw mu ai rai nna, aja pawng 1,030, gumhpraw pawng 5,740 hte hkinjawng ni a matu palawng galu 100 lu la nga ai.

EZRA 3:3

Bai nhtang wa sai bawng dung masha ni gaw dai mung e nga nga la ai amyu masha ni hpe hkrit nga ma ti mung, shanhte gaw mi na shara hta nan tawn hkungri bai galaw nna, jahpawt shana de a ntsa e shagu hkungga ni bai nat ma ai.

EZRA 9:9

Anhte gaw mayam ni rai nga ga tim, nang gaw anhte hpe mayam amu hta kau da nga ndai n rai. Yuda mung hte Yerusalem mare hta shim lum ai lam mu tam la nhtawm matut nna shanu nga lu na ahkang mung, hten run mat sai na a Nawku Htingnu hpe bai gaw gap na matu mung, Persi hkawseng a jaw e nang anhte hpe myi man pa shangun nga nit dai.

SHAKAWN KUNGDAWN 110:3

Na gumlau hpyen ni hpe nang htim gasat ai shani e, na a amyu masha ni gaw madu myit hte shang karum wa na mara ai. Jahpawt manap jau jau e, hkrat ai mari zawn, na a brang ram ni nang shanu nga ai chyoi pra ai bum ni de du sa wa na mara ai.

PRU MAT 25:2

“Ngai hpe kumhpa nawng ya na matu, Israela amyu masha ni hpe tsun u. Jaw ya mayu ai masha shagu hta na kumhpa ni hpe hkap la da na rai myit dai.

PRU MAT 35:21

dai Madu a hpung shingkang shanu nga ai Sum galaw na matu sharawng awng ai ni kadai mung dai Madu hpang de kumhpa la sa na rai ma ai. Shanhte gaw nawku daw jau na amu hta lang ra ai arai shagu hpe mung, hkinjawng bu hpun palawng ni hpe mung galaw na matu la sa shajang ma ai.

PRU MAT 35:29

Dai Madu Mawshe hpe hkang dat ai amu lam shagu a matu Israela amyu masha ni yawng hta kam jaw ai shawang myit rawng ai ni gaw shanhte a hkungga kumhpa ni la sa shajang nga ma ai.

PRU MAT 36:3

Shanhte gaw dai Chyoi Pra ai Sum hpe gaw gap na matu Israela amyu masha ni la sa ai alu arai yawng hpe Mawshe a lata kaw na hkap la ma ai. Rai ti mung, dai hta kaga Israela amyu masha ni gaw shanhte a alu arai ni hpe Mawshe hpang de jahpawt shagu naw la sa nga ma ai.

2 KORINHTU 8:12

Nanhte hta jaw ya mayu ai shawang myit rawng ai rai yang, Karai Kasang gaw nanhte a rai lu ai made jaw ya ai kumhpa hpe hkap la na ra ai. Nanhte n rai lu ai hpe Karai Kasang hpyi na n rai.

2 KORINHTU 8:3

Dai hpung ni gaw, shanhte hta rai lu ai made jaw ya ma ai lam ngai nanhte hpe hkrak sha sakse hkam nga nngai.

2 KORINHTU 9:7

Lahpawt ai myit hte mung n rai, jaw ra ai lit a majaw sha mung n re ai sha, langai hte langai gaw tinang a kraw lawang e myit da ai hte maren jaw u ga; hpa majaw nga yang, Karai Kasang gaw kabu gara ai myit hte jaw ya ai wa hpe tsaw ra nga ai.