EZRA 2:1 - Jinghpaw Common Language Bible 2009

¹ Bawng dung ai masha law law hte gaw Babelon mungdaw hta na pru wa nhtawm Yerusalem mare hte Yuda mung de nhtang wa nna tinang nang a mare de wa shajang ma ai. Shanhte a dinghku ni gaw Hkawhkam Nebuhkadneza shanhte hpe bawng masha ni hpe zawn rim mat wa ai shani kaw nna, Babelon mung e bawng dung hkrum let nga nga sai ni rai ma ai.

Jinghpaw Hanson Version Bible

¹ Da ndai gaw, Babelon hkawhkam Nebuhkadneza, Babelon mare de rim wa ai bawng dung ai ni hta na pru wa nna, Zerubabela, Yeshua, Nehemia, Seraia, Relaia, Mordehkai, Bilshan, Mispa, Biggwai, Rehum, Bana hte rau,

EZRA 2:1 ပူးပေါင်းရင်းမြစ်များ

2 HKAWHKAM 25:11

Dai hpang Nebuzaradan gaw dai mare hta ngam nga ai amyu masha ni, kung kyang ai amu galaw masha ni hte Babelon masha ni hpang de rap sa wa na ni hpe Babelon mung de woi mat wa wu ai.

1 HKAWHKAM LABAU 9:1

Israela amyu masha ni yawng hpe dinghku ni hte dinghku hku hkan nna ka da nga ai; dai hpe Israela Hkawhkam ni a Laika hta ka da nga ai. Yuda amyu masha ni chyawm gaw shanhte galaw ai yubak ari a majaw Babelon mung de bawng rim woi mat wa hkrum ma ai.

1 HKAWHKAM LABAU 9:2

Shanhte a sut gan arung arai nga ai mare ni de shawng nhtang wa ai ni hta Israela masha ni, hkinjawng ni, Lewi ni hte Nawku Htingnu gaw ai masha ni lawm ma ai.

EZRA 1:11

Shebaza hte kaga bawng masha ni Babelon mare kaw nna Yerusalem de wa yang shi hte rau la shalawm wa ai arai ni yawng gaw aja hte gumhpraw ban 5,400 hte kaga arung arai ni rai nga ai.

EZRA 2:2

Shanhte a ningbaw ni gaw Zerubabela, Yawshu, Nehemia, Seraia, Relaia, Mordehkai, Bilshan, Mispa, Bigawai, Rehum hte Bana hte rai ma ai. Ndai gaw bawng dung ai kaw nna nhtang wa ai Israela lakung lama shagu a jahpan rai nga ai:

EZRA 2:70

Hkinjawng ni, Lewi masha ni hte amyu masha nkau mi gaw Yerusalem mare hte grup yin hkan nga nga ma ai; mahkawn mangoi chye ai ni, Nawku Htingnu sin ai ni hte Nawku Htingnu amu galaw masha ni chyawm gaw mare kahtawng makau mayan hkan e nga ma ai; ngam ai Israela masha ni mahtang shanhte a kaji kawa ni nga ai mare ni hta nga nga ma ai.

EZRA 5:8

“Anhte gaw Yuda mungdaw de sa nna galu kaba ai Karai Kasang a Nawku Htingnu galaw nga ai nlung tawng kaba ni hte bunghku hpunngau ni hte bai gaw da nga ma ai hpe mu saga ai. Dai amu hpe sadi sahka myit hte galaw nna angwi ngwi sha kaba wa nga sai gaw madu hkawhkam chye ang nga ndai.

EZRA 6:2

Rai ti mung dai laika katsu hpe Medi mungdaw Akbatana mare hta mahtang mu tam la nga ma ai. Dai hta ning nga ka matsing rawng nga ai:

EZRA 8:35

Bawng dung ai kaw nna nhtang wa sai ni yawng gaw Israela Karai Kasang a matu shagu hkungga nat na nga, hkungga ni hpe la sa shajang ma ai. Shanhte gaw Israela amyu ting a matu usu 12, sagu la 96 hte sagu kasha 77 nawng ya ma ai. Shanhte gaw yubak kaw na tinang hkum hpe jasan jaseng na matu bainam 12 hpe mung nawng ya ma ai. Ndai yam nga yawng hte gaw dai Madu a matu wan nat hkungga hkrai rai nga ai.

NEHEMIA 12:1

Ndai gaw Hkinjawng Kaba Yawshu hte Shelatila a kasha Zerubabela hte rau bawng dung hkrum ai kaw nna nhtang wa ai hkinjawng ni hte Lewi masha ni a jahpan rai nga ai. Seraia, Yeremia, Ezra, Amaria, Maluk, Hatusha, Shehkania, Rehum, Meremot, Ido, Ginehtoi, Abiya, Miyamin, Madia, Bilga, Shemaia, Yoiarib, Yedaia, Salu, Amok, Hilkia, hte Yedaia ni rai nga ai. Ndai masha ni gaw Yawshu a prat hta shanhte a kahpu kanau hkinjawng ni yawng a ningbaw ni rai ma ai. Ndai ni gaw chyeju shakawn mahkawn mangoi ai amu hpareng ai ni rai ma ai. Shanhte gaw Yeshua, Binui, Kadmiela, Sherebia, Yuda hte Matania ni rai nga ai.

ESHTA 1:1

Hkawhkam Ahasuru gaw Persi mung a mare daju Susa hta nga ai shi a hkawhkam tingnyang ntsa e hkaw dung let India mung kaw nna Ehtiopi mung du hkra, mungdaw 127 hpe up hkang nga ai.

ESHTA 1:11

Shi gaw shanhte hpe hkawhkam jan Washti hkawhkam janmau gup let shi hpang de jashawn la na matu hkang dat wu ai. Hkawhkam jan gaw ahpraw tsawm ai num rai nna shi a du salang ni hte saw shaga da ai manam ni yawng a man e shi a tsawm htap ai ahpraw hpe madun dan na hkawhkam wa ra sharawng nga ai.

ESHTA 1:3

Shi hkaw dung ai masum ning hta shi a du salang ni hte up hkang hpareng ni yawng a matu lusha poi langai galaw nga ai. Persi, Medi hpyen hpung ni mung kaga mungdaw munggyi ni hte arawng lu ai du magam ni mung nga nga ma ai.

ESHTA 1:8

Hkawhkam wa gaw langai hte langai tinang ra ai made lu lu na lam hkawhkam htingnu kata na shangun ma ni hpe hkang da nu ai rai nna sabyi lu ai hta shadaw shadang hpa mung n nga nga ai.

ESHTA 8:9

Ndai lam gaw shata masum ngu na Siwan shata hkun masum ya shani e byin nga sai. Mordehkai gaw hkawhkam wa a amu madu ni hpe shaga la nhtawm laika ni ka la ai hte India mungdan kaw nna Hkusha mung du hkra rai nga ai mungdaw latsa e hkun sanit hta de nga ai Yuda masha ni, munggyi ni, up hkang ai ni hte du salang ni yawng hpang de, mungdaw langai hte langai tinang a ga hte laika ka ai hku Yuda masha ni hpang de mung, shanhte shaga ai ga hte laika ka ai hku hkan nna shabra dat ma ai.

ESAIA 48:20

Babelon mung kaw na pru wa mu, ndut ndang pru wa mu! “Dai Madu gaw shi a shangun ma Israela hpe hkye la nu ai!,” ngu nna dai hpe mungkan shara shagu hkan tsun shabra mu; dai shiga hpe kabu gara jahtau tsun mu.

YEREMIA 50:19

Ngai gaw Israela amyu masha ni hpe shanhte a mungdan de nhtang wa shangun na nngai; shanhte gaw Hkarmela bum ntsa hte Bashan ginwang hkan tu ai namlaw namlap lusha ni sha nna, Ehprim hte Gilead mungdaw hkan shanhte ra ai made tu ai nsi naisi ni sha lu na mara ai.

SHARUNG SHAYAWT 1:3

Yuda amyu masha ni gaw matsan mayan hkrum ai mayam ni rai nna, nta kaw na maja e gawt shapraw kau hkrum ma ai, Shanhte gaw shanhte a lamu ga ngu nna tsun na shara hpa mung n nga ai, Gumlau hpyen ni wang da hkrum nna hprawng lawt lam n nga ai tsasam mungdan ni hkan nga nga ma ai.

SHARUNG SHAYAWT 1:5

Shi a gumlau hpyen ni awng padang lu ma ai; shanhte gaw shi hpe daru magam n-gun hte ka-up da ma ai. Dai Madu gaw shi a law la ai yubak ni yawng a matu shi hpe nni nkri hkrum shangun wu ai; Shi a ma kaji ni rim hkrum nna woi la hkrum nga ma ai.

SHARUNG SHAYAWT 4:22

Ziun gaw shi shut hpyit ai yubak a matu shabrai lu nu ai; Dai Madu gaw anhte hpe galoi mung bawng dung shangun sana n rai. Rai ti mung, Edom e, dai Madu gaw nang hpe ari jaw na ra ai; shi gaw na a shut hpyit ai arawn alai ni hpe shadan dan na ra ai.

ZEHPANI 2:7

Naw ngam nga ai Yuda amyu masha ni gaw nanhte a lamu ga hpe madu la kau ya na mara ai. Shanhte gaw shanhte a sagu hpung ni hpe ushat shayaw nna Ashkelon mare na nta ni hta yup na mara ai. Dai Madu shanhte a Karai Kasang gaw shanhte hte rau nga nga nna shanhte hpe kalang mi bai ngamu ngamai shangun na ra ai.

KASA 23:34

Munggyi gaw dai laika hti ngut jang, Pawlu hpe, “Nang gara mung na rai n ta?,” ngu nna san wu ai; Kiliki mung na re ai chye jang,