EZRA 10:6 - Jinghpaw Common Language Bible 2009

⁶ Dai hpang shi gaw Nawku Htingnu ndaw kaw nna Eliashib a kasha Yehohanan a nga shara nta de shang sa nhtawm bawng lawt ai ni a n kam n sham ai a majaw dai yang e shana tup yawn madai let nga shalai kau wu ai. Shi gaw hpa mung n lu n sha rai nga ai.

Jinghpaw Hanson Version Bible

⁶ Dai hpang Ezra gaw, Karai Kasang nta ndaw na rawt nhtawm, Eliashiba kasha Yehohana gawk hta shang wa ai; dai de du jang muk mung n sha, ntsin mung n lu ai nga nga ai; kaning rai nme law, bawng lawt ai ni a shut hpyit ai a majaw shi yawn madai nga ai.

EZRA 10:6 ပူးပေါင်းရင်းမြစ်များ

EZRA 10:1

Ezra gaw Nawku Htingnu ndaw e gum dagup let myi prwi pru nna dai yubak mara ni hpe yin la nhtawm akyu hpyi nga yang, Israela masha wunawng wuwa kaba rai nga ai numsha lasha ni hte ma kaji ni nye a grup grup hkan e sa hpawng nga let ahkup ahka nga hkra hkrap nga ma ai.

EZRA 10:7

Bawng dung ai kaw nna nhtang wa sai ni yawng gaw amyu masha ni a ningbaw ni hkang dat ai hte maren, Yerusalem mare e jawm hkrum na matu Yuda mung hte Yerusalem mare hproi hkra shiga shana dat mu ai.

EZRA 9:4

Bawng dung ai kaw nna bai nhtang wa sai ni hpe yubak hte seng nna Israela a Karai Kasang tsun nu ai ga hpe hkrit kahpra nga ma ai majaw, nye a grup grup de sa shinggyin hpawng nga ma ai rai nna shagu hkungga nat nawng na shana de du hkra, dai yang e yawn let ngai dung nga nngai.

NEHEMIA 12:10

Yawshu gaw Yoiakim a kawa, Yoiakim gaw Eliashib a kawa, Eliashib gaw Yoiada a kawa;

NEHEMIA 12:22

Ndai Hkinjawng Kaba ni a prat hta Lewi hte hkinjawng dinghku ni a ningbaw ni a lam ka mazing da ai jahpan rai nga ai, dai Hkinjawng Kaba ni gaw Eliashib, Yoiada, Yonahtan, hte Yadua hte rai ma ai. Ndai jahpan hpe Persi mung e Dari hkawseng naw galaw nga yang shangut da nga masai.

NEHEMIA 13:28

Yoiada gaw Hkinjawng Kaba Eliashib a kasha rai nga ai, rai ti mung Yoiada a shadang sha langai mi gaw Bet Horon mare na Sanbalat a shayi sha hpe hkungran la nga ai; dai rai nna ngai gaw Yoiada hpe Yerusalem kaw nna pru mat wa shangun nngai.

NEHEMIA 13:5

Shi gaw Tobia hpe Nawku Htingnu hta lang ai nsi naisi hkungga, manam pyaw ai baw hte arung arai hpe mung, hkinjawng ni a matu hkungga ni hpe mung, Lewi masha ni, Nawku Htingnu na mahkawn mangoi chye ai ni hte Nawku Htingnu sin ai ni hpe jaw ya ai htam shi hta na htam mi re ai nai mam nsi naisi, sabyi ntsin hte tsanlun sau re ai ni hpe tawn da na matu shatawng shada da ai gawk kaba langai mi lang na ahkang jaw ya wu ai.

NEHEMIA 3:1

Da ndai gaw mare bunghku hpe kaning rai bai galaw da ai lam rai nga ai. Hkinjawng Kaba Eliashib hte shi a hkinjawng manang ni Sagu Chyinghka hpe bai galaw nna dai hpe ap nawng nhtawm de a shara hta chyinghka ni hpe shakap tawn ma ai. Shanhte gaw Latsa Langchyi hte Hananela Langchyi du hkra shangut da lu ai bunghku hpe ap nawng ma ai.

NEHEMIA 3:20

Zabai a kasha Baruk gaw dai hte yep kaw nna Hkinjawng Kaba Eliashib a nta de shang wa ai chyinghka lam de du hkra galaw wu ai;

YOBA 23:12

Karai Kasang hkang da ai lam hpe ngai tut nawng galaw nngai; nye a myit ra ai hku n rai, shi a myit ra ai hku ngai hkan nang nngai.

SHAKAWN KUNGDAWN 102:4

Ngai gaw tsingdu jahkraw zawn kabye dip da ai hkrum nna; lusha sha mayu ai myit pyi n rawng mat nga li ai.

PRU MAT 34:28

Mawshe gaw dai yang e shat mung n sha, ntsin mung n lu ai mali shi ya, mali shi na tup dai Madu hte rau nga nga wu ai. Dai lungpa yan hta ga shaka ngu na Tara Kanu Shi hpe ka da wu ai.

ESAIA 22:12

Chyahtum Chyalai N-gun rawng ai Tsaw Htum ai dai Madu gaw nang hpe hkrap ngu hkrap ngoi ai, sharung shayawt ai, na a baw shangun na hte lachyit nba hpun na matu htet da nga ai.

Daniela 9:3

Ngai gaw lusha gam let lachyit nba bu hpun nhtawm wan dap galu ai hte Madu Karai Kasang kaw akroi anoi akyu hpyi let hpyi nem nngai.

TARA JAHPRANG 9:18

Dai hpang dai Madu a man e lang mi bai nhtoi mali shi ya mali shi na tup hpa mung n lu, n sha ai sha gum dagup let nga nga nngai. Nanhte gaw dai Madu hpe shut kau nna shi hpe masin pawt shangun manit dai majaw ndai amu hpe ngai galaw ni ai.