EZRA 10:3 - Jinghpaw Common Language Bible 2009

³ Ya chyawm gaw, ndai numsha ni hte shanhte a kashu kasha ni hpe anhte kau tawn da na saga ai ngu, anhte a Karai Kasang hpe ga sadi langai shaka da lu na rai ga ai. Nang mung, Karai Kasang a hkang da ai ga ni hpe shagrau sha-a ai kaga masha ni mung, anhte galaw na matu hpaji jaw mi ai hte maren anhte galaw na ga ai. Karai Kasang hkang da ai Tara hte maren anhte galaw na ga ai.

Jinghpaw Hanson Version Bible

³ Dai re ai majaw, nang madu mung, anhte a Karai Kasang a hkang da ai ga hpe hkrit kamyin ai ni mung, anhte hpe hpaji daw ya ai hte maren, anhte a kasha kanu ni mahkra hte shanhte shaprat ai kashu kasha ni hpe kau tawn da na matu, anhte a Karai Kasang a man e ga shaka tawn da ga: dai hpe tara hte maren galaw ga.

EZRA 10:3 ပူးပေါင်းရင်းမြစ်များ

2 HKAWHKAM 11:17

Hkinjawng Yehoiada gaw Hkawhkam Yosha hte mung masha ni hpe dai Madu a amyu masha ni tai mu ga nga, Madu hte ga shaka tawn da shangun wu ai; shi gaw hkawhkam wa hte amyu masha ni a lapran e ga shaka tawn da shangun nga ai.

2 HKAWHKAM LABAU 29:10

“Ya ngai gaw dai Madu Israela a Karai Kasang hte ga shaka tawn da na myit daw dan da ni ai; shi anhte hpe galoi mung pawt na ra ai n rai.

2 HKAWHKAM LABAU 30:12

Hkawhkam wa hte shi a du salang ni hkang dat ai ga hta hkan let, shi a myit ra hkan lu hkra nga, Karai Kasang mung Yuda mung hta amu galaw ai hte amyu masha ni hpe shanhte daw dan ai hte maren myit hkrum shinggyin da wu ai.

2 HKAWHKAM LABAU 34:21

“Nye a matu mung, Israela hte Yuda mung hta naw ngam nga ai amyu masha ni a matu mung, dai Madu hpe sa san yu mu. Ndai laika hta rawng ai sharin shaga lam ni hpe tam yu mu. Anhte a kaji kawa ni dai Madu a ga hpe n madat ai sha, ndai laika hta ka da ai hte maren galaw ra ai amu n galaw kau ma ai majaw dai Madu anhte hpe pawt nga ai.”

2 HKAWHKAM LABAU 34:27

Yerusalem mare hte dai hta nga ai amyu masha ni hpe ari jaw na matu ngai kaning rai jahkrit shama ai lam hpe nang na ndai shaloi na a hpun palawng ni hpe gang je kau nna hkrap let nye a man e myit malai ai hte nang nan shagrit shanem nga ndai. Na a hpyi nem ai nsen hpe ngai na ni ai majaw,

EZRA 10:11

Dai re ai majaw, dai Madu nanhte a kaji kawa ni a Karai Kasang hta nanhte a yubak mara ni hpe yin la nna, shi sharawng awng ai amu hkan galaw nga mu. Anhte a mungdan hta nga nga ai maigan masha ni hte nanhte kaga san san rai nga nna nanhte a maigan madu jan ni hpe yeng seng kau mu,” ngu nna tsun wu ai.

EZRA 10:44

Ndai lasha ni yawng gaw maigan num lu shajang ma ai. Shanhte gaw dai ni yawng hpe jahka kau nhtawm shanhte hte shanhte a kashu kasha ni hpe wa kau shangun ma ai.

EZRA 10:9

Masum ya laman ngu na shata jahku a hkun ya shani e, Yuda hte Benyamin lamu ga hta nga nga ai lasha ni yawng Yerusalem mare de sa nna, Nawku Htingnu a dam lada ai ndaw yang e zup hpawng ma ai. Shaloi, du hkra ladaw a majaw marang ja ja htu nga ai rai nna ahkyak ai zuphpawng hta shang lawm nga ai masha shagu hte wa gari ashun nga ma ai.

EZRA 9:4

Bawng dung ai kaw nna bai nhtang wa sai ni hpe yubak hte seng nna Israela a Karai Kasang tsun nu ai ga hpe hkrit kahpra nga ma ai majaw, nye a grup grup de sa shinggyin hpawng nga ma ai rai nna shagu hkungga nat nawng na shana de du hkra, dai yang e yawn let ngai dung nga nngai.

NEHEMIA 10:1

Shawng nnan lata masat shakap ai gaw Hahkalia a kasha, munggyi Nehemia rai nga ai; dai hpang Zedekia lata masat shakap ai. Ndai ni mung lata masat shakap ma ai: Seraia, Azaria, Yeremia, Pashura, Amaria, Malhkiya, Hatusha, Shebania, Maluk, Harim, Meremot, Obadia, Daniela, Ginehton, Baruk, Meshulam, Abiya, Miyamin, Mazia, Bilgai hte Shemaia ni rai nga ai. Azania a kasha Yeshua, Henadad lakung na Binui Kadmiela, Shebania, Hodia, Kelita, Pelaia, Hanan, Mihka, Rehob, Hashabia, Zahkura, Sherebia, Shebania, Hodia, Bani, hte Beninu ni rai nga ai. Parosha, Pahat Moba, Elam, Zatu, Bani, Buni, Azgad, Bebai, Adoniya, Bigwai, Adin, Atera, Hezekia, Azura, Hodia, Hashum, Bezai, Harip, Anahtot, Nebai, Magpia, Meshulam, Hezira, Meshezabela, Zadok, Yadua, Pelatia, Hanan, Anaia, Hoshea, Hanania, Hashuba, Halohesha, Pilha, Shobek, Rehum, Hashabna, Masea, Ahia, Hanan, Anan, Maluk, Harim hte Bana ni rai nga ai.

NEHEMIA 8:14

Shanhte gaw dai Madu Mawshe a lata hku jaw ya sai Tara laika hpe mu tam la manu ai rai nna, Sum poi galaw ai laman, gan gawat galaw ai sum ni hta rawng nga na matu, Israela amyu masha ni hpe hkang da ma ai.

NEHEMIA 9:38

Ndai lam yawng mayawng byin lai mat wa sai majaw, anhte Israela masha ni myit hkrum ga shaka langai ka da ga ai, anhte a ningbaw ni, anhte a Lewi masha ni, hte anhte a hkinjawng ni dai hta shanhte a dazik dawk ma ai.

SHAKAWN KUNGDAWN 119:120

Na a majaw, ngai hkrit gari nga nngai, na a tara dara ai lam ni a majaw, ngai hta hkrit kamyin ai myit hpring nga nngai.

SHAKAWN KUNGDAWN 119:59

Ngai gaw nye a asat lawat ni hpe myit sawn yu ni ai; na a ga matsun ni hpe hkan nang na matu, nang hpe ngai ga sadi jaw we ai.

ESAIA 66:2

Ngai hkum nan nga yawng danghta n-gawn tawa ting hpe hpan da ni ai! Ngai gaw shagrit shanem ai hte myit malai lu nna ngai hpe hkrit kamyin ai hte nye a ga madat mara ai ni hpe awng sharawng nga nngai.

ESAIA 8:20

Nanhte gaw shanhte hpe, “Dai Madu nanhte hpe kaning nga sharin nga ai hpe madat mu! Nat myihtoi ni tsun ai ga hpe hkum madat myit, shanhte nanhte hpe tsun ai ga gaw ru yak tsin-yam hpe yeng seng kau ya lu ai n rai,” ngu nna htan na myit dai.

EZEKELA 9:4

“Yerusalem ting de dinghkren hkawm nna, mare kata e galaw ai matsat shabat amu yawng a majaw myit ru yawn hkyen ai hte tsin-yam tsindam hkrum sha nga ai masha shagu hte a kahtan ntsa e masat shakap da u,” ngu nna tsun wu ai.

TARA JAHPRANG 29:12

Dai Madu nanhte a Karai Kasang hte nanhte galaw da nga ai ndai ga shaka hte de a amu lit ni hpe hkap la na matu dai ni, hkan shatup shaja na rai myit dai.

YAWSHU 9:6

Dai hpang shanhte gaw Gilgala e jung ai dap de sa nhtawm Yawshu hte Israela amyu masha ni hpe, “Anhte gaw sumtsan mung na du sa raga ai. Nanhte hte ga shaka tawn da na anhte ra sharawng ga ai,” ngu nna tsun mu ai.