EZRA 10:2 - Jinghpaw Common Language Bible 2009

² Dai hpang Elam amyu lakung na Yehiela a kasha Shehkania gaw Ezra hpe, “Anhte gaw maigan numsha ni hpe hkungran la ai hte Karai Kasang hta kam sham nga ai lam hpe jahten sharun kau saga ai; rai ti mung Israela a matu myit mada shara naw nga nga ai.

Jinghpaw Hanson Version Bible

² Shaloi Elam a dap lakung na, Yehiela kasha Shehkania gaw Ezra hpe, “Anhte gaw ndai mung na maigan amyu ni a shayi sha ni hpe hkungran la ai hte, anhte a Karai Kasang hpe shut kau sagaw ai: rai timung, ndai amu hta, Israela masha ni a matu myit mada shara naw nga ai.

EZRA 10:2 ပူးပေါင်းရင်းမြစ်များ

EZRA 10:26

Elam a lakung: Matania, Zehkaria, Yehiela, Abdi, Yeremot, hte Elia ni rai nga ai.

EZRA 9:1

Ndai amu ni galaw ngut ai hpang, Israela amyu masha ni a ningbaw nkau mi ngai kaw sa nna, amyu masha ni, hkinjawng ni hte Lewi masha ni nan htingbu mungdan ni rai nga ai Amon, Moba, hte Egutu, shing n rai Hkanani, Hiti, Perizi, Yebusi hte Amori masha ni hte shanhte nan n daw n hka ai sha nga nga ma ai rai nna, dai masha ni galaw ai matsat shabat amu ni hte maren shanhte hkan galaw nga ma ai lam tsun dan mi ai.

EZRA 9:2

Yuda lasha ni mung maigan numsha ni hpe hkungran la ma ai majaw Karai Kasang a chyoi pra ai amyu masha ni awu asin tai mat wa masai. Ningbaw ni hte du salang ni grau nna shut hpyit nga ma ai.

NEHEMIA 13:27

Anhte gaw nanhte a kasi hkan let anhte a Karai Kasang a ga hpe n madat ai sha maigan numsha ni hpe hkungran la mai nga ga ni?,” ngu nna tsun wu ai.

NEHEMIA 3:29

Imera a kasha Zadok gaw dai hte yep rai nga ai shi a nta man e galaw nga ai. Sinpraw Chyinghka sin ai wa Shehkania a kasha Shemaia gaw dai hte htep rai nga ai daw hpe galaw nga ai.

PRU MAT 34:12

Nang sa du na mung na masha ni hte jinghku ga shaka hpa mung hkum tawn et; hpa majaw nga yang, dai gaw na a matu si shangun lu ai mahkam tai na ra ai.

GA SHAGAWP 28:13

Na a yubak mara ni hpe ip da na, nang shakut ai rai yang, asak hkrun lam hta, nang galoi mung awng dang na n rai; mara hpe yin la nna tawn kau jang, Karai Kasang nang hpe matsan dum ai myit madun dan na ra ai.

YAKU 2:9

Rai ti mung nanhte gaw masha ni hpe shanhte a shinggan lam hku mu lu ai hta hkan nna hkap la kanawn mazum myit yang gaw, nanhte mara lu myit dai rai nna Tara tawt lai ai masha langai mi hku nna dai tara gaw nanhte hpe jeyang daw dan hkrum na myit dai.