EZRA 10:18 - Jinghpaw Common Language Bible 2009

¹⁸ Ndai gaw maigan madu jan lu ai lasha ni a jahpan rai nga ai: Yehozadak a shadang sha ni rai nga ai Yawshu hte shi a kahpu kanau ni a lakung: Masea, Elieza, Yarib hte Gedalia hte rai ma ai.

Jinghpaw Hanson Version Bible

¹⁸ Ya, hkinjawng kashu kasha ni hta, maigan num la ai ni gaw, Yeshua dap na Yozadak a kasha hte shi a kanau ni Maseia, Elieze, Yarib, Gedalia hte rai ma ai.

EZRA 10:18 ပူးပေါင်းရင်းမြစ်များ

EZRA 10:17

shata masum laman hta maigan num lu ai lasha ni yawng a amu ni hpe shanhte sawk sagawn la lu ma ai.

EZRA 2:2

Shanhte a ningbaw ni gaw Zerubabela, Yawshu, Nehemia, Seraia, Relaia, Mordehkai, Bilshan, Mispa, Bigawai, Rehum hte Bana hte rai ma ai. Ndai gaw bawng dung ai kaw nna nhtang wa ai Israela lakung lama shagu a jahpan rai nga ai:

EZRA 2:36

Ndai gaw bawng dung ai kaw nna nhtang wa sai hkinjawng amyu lakung ni a jahpan rai nga ai: Yedaia (Yeshua a amyu matu) - 973 Imera - 1,052 Pashura - 1,247 Harim - 1,017

EZRA 3:2

Yehozadak a kasha Yawshu, shi a hkinjawng manang ni, Shelatila a kasha Zerubabela hte rau shi a kahpu kanau jinghku ni gaw Israela a Karai Kasang a tawn hkungri bai galaw ma ai rai nna, Karai Kasang a masha Mawshe a Tara Laika hta ka matsun da ai hte maren, tawn hkungri ntsa e shagu hkungga ni nat ma ai.

EZRA 3:8

Dai rai nna, Yerusalem mare na Nawku Htingnu shara de shanhte bai nhtang wa ai lahkawng ning a shata lahkawng hta shanhte amu galaw hpang wa nga masai. Zerubabela, Yawshu hte naw ngam nga ai shanhte a hpu nau ni, hkinjawng ni hte Lewi masha ni, dik dik Yerusalem mare de nhtang wa ai bawng dung masha ni yawng du hkra shang galaw karum ma ai. Asak hkun ning hte dai hta kaba sai Lewi masha ni yawng gaw dai Nawku Htingnu bai gaw gap ai amu hpe woi hpareng na matu san tawn da hkrum ma ai.

EZRA 5:2

Shelatila a kasha Zerubabela hte Yehozadak a kasha Yawshu yan gaw shan a mungga na jang, Yerusalem na Nawku Htingnu hpe bai galaw hpang wa ma ai rai nna, myihtoi lahkawng yan mung shan hpe karum lawm ma ai.

EZRA 9:1

Ndai amu ni galaw ngut ai hpang, Israela amyu masha ni a ningbaw nkau mi ngai kaw sa nna, amyu masha ni, hkinjawng ni hte Lewi masha ni nan htingbu mungdan ni rai nga ai Amon, Moba, hte Egutu, shing n rai Hkanani, Hiti, Perizi, Yebusi hte Amori masha ni hte shanhte nan n daw n hka ai sha nga nga ma ai rai nna, dai masha ni galaw ai matsat shabat amu ni hte maren shanhte hkan galaw nga ma ai lam tsun dan mi ai.

EZRA 9:2

Yuda lasha ni mung maigan numsha ni hpe hkungran la ma ai majaw Karai Kasang a chyoi pra ai amyu masha ni awu asin tai mat wa masai. Ningbaw ni hte du salang ni grau nna shut hpyit nga ma ai.

NEHEMIA 12:10

Yawshu gaw Yoiakim a kawa, Yoiakim gaw Eliashib a kawa, Eliashib gaw Yoiada a kawa;

NEHEMIA 13:28

Yoiada gaw Hkinjawng Kaba Eliashib a kasha rai nga ai, rai ti mung Yoiada a shadang sha langai mi gaw Bet Horon mare na Sanbalat a shayi sha hpe hkungran la nga ai; dai rai nna ngai gaw Yoiada hpe Yerusalem kaw nna pru mat wa shangun nngai.

NEHEMIA 8:4

Ezra mung lak san galaw shachyaw da ai hpun pinra ntsa e rawt tsap nga ai. Ndai masha ni gaw shi a hkra maga de tsap ma ai; dai ni gaw Matihtia, Shema, Anaia, Uria, Hilkia hte Masea hte rai ma ai. Pai maga de mahtang Pedaia, Mishaela, Malhkiya, Hashum, Hashbadana, Zehkaria hte Meshulam ni rai ma ai.

NEHEMIA 8:7

Dai hpang shanhte gaw shanhte a shara ni hta rawt tsap nga ma yang, ndai Lewi masha ni rai nga ai Yeshua, Bani, Sherebia, Yamin, Akub, Shabehtai, Hodia, Masea, Kelita, Azaria, Yozabad, Haman, Pelaia hte gaw Tara a lam shanhte hpe tsun shaleng dan ma ai.

YEREMIA 23:10

Mungdan gaw dai Madu hta sadi n dung ai amyu masha ni hte hpring nga ai; shanhte gaw n hkru ai asak hkrun lam hta hkawm sa nna shanhte a daru magam n-gun hpe n sawn n ang ai hku lang nga ma ai. Dai Madu a dagam ga a majaw mungdan gaw yawn madai ai hte udat shara ni ahkun ahkraw rai nga ai.

YEREMIA 23:11

Dai Madu gaw, “Myihtoi ni hte hkinjawng ni gaw karai kata ni rai ma ai; Ngai gaw Nawku Htingnu kata hta nan n hkru ai amu galaw nga ai shanhte hpe rim kau se ai.

YEREMIA 23:14

Rai ti mung, shanhte hta grau sawng ai Yerusalem mare na myihtoi ni hpe ngai mu se ai: shanhte gaw num shaw la shaw amu shut hpyit nhtawm masu magaw ga ni tsun ma ai; shanhte gaw amyu masha ni hpe shut ai amu galaw na karum ya ma ai, shaloi, n hkru ai amu galaw nga ai hpe kadai mung jahkring da lu na ra ai n rai. Shanhte yawng gaw nye a man e n hkru ai Sodom hte Gomora mare masha ni zawn rai ma ai.

EZEKELA 44:22

Kadai hkinjawng wa mung madu wa jahka kau sai num la lu na n rai; shi gaw Israela amyu na hkawn sek shing n rai kaga hkinjawng gaida hpe la mai nga ai.

JAW JAU 21:7

Hkinjawng wa gaw chyoi pra nga ai majaw shawa num tai yu sai num hpe mung, mahkawn n jet ai num hpe mung, jahka kau sai num hpe mung la lu na n rai.

HAGI 1:1

Persi Hkawseng Dari hkaw dung ai lahkawng ning a shata kru a langai ya shani hta dai Madu gaw myihtoi Hagi hku nna ga shaga wu ai. Dai mungga gaw Shelatila a kasha Yuda munggyi Zerubabela hte Yehozadak a kasha Hkinjawng Kaba Yawshu a matu rai nga ai.

HAGI 1:12

Dai hpang, Zerubabela hte Yawshu, Babelon mung e bawng dung hkrum ai kaw na nhtang wa ai amyu masha mahkra hte gaw dai Madu shanhte a Karai Kasang shanhte hpe hkan galaw na matu hkang dat ai ga hkan galaw ma ai. Shanhte gaw hkrit gari nga ma ai rai nna dai Madu a kasa myihtoi Hagi a ga hpe madat nga ma ai.

HAGI 2:4

Rai ti mung, ya chyawm gaw nanhte myit n-gun hkum daw myit. Amu galaw mu, hpa majaw nga yang ngai gaw nanhte hte rau anga nga nngai.

ZEHKARIA 3:1

Dai Madu gaw ngai hpe kaga shingran hta Hkinjawng Kaba Yawshu dai Madu a lamu kasa a man e tsap nga ai hpe madun dan nga ai. Yawshu a makau e, shi hpe mara shagun na matu Satan wa tsap nga ai.

ZEHKARIA 6:11

Shanhte jaw da masai aja gumhpraw la nna janmau galaw u; dai hpang, Yehozadak a kasha Hkinjawng Kaba Yawshu a baw hta gup ya u.

1 TIMOHTI 3:11

Shanhte a madu jan ni mung arawn alai kaja ai ni rai nna shatan nhkan ga tsun n lem ai ni n re ai sha, sari sadang hte hpring nna lam shagu hta myit matu ding ai ni rai lu na rai.