EZRA 10:14 - Jinghpaw Common Language Bible 2009

¹⁴ Anhte a du salang ni hpe Yerusalem e nga shangun nhtawm ndai amu ni hpe hparan shangun mi. Shaloi maigan num lu ai wa kadai mung madat da ai aten hta ningbaw ni hte mare tara agyi ni hte rau sa du shangun mu. Ndai lam a majaw, Karai Kasang a masin pawt ai gaw kawp mat wa na ra ai.

Jinghpaw Hanson Version Bible

¹⁴ Dai re ai majaw, amyu ting a matu, anhte a du ni hpe lata san da nna, tinang a mare kahtawng shagu hta maigan num la ai ni gaw, madat da ai aten hta, mare kahtawng na agyi salang ni hte tara agyi ni hte rau sa du nna, anhte a Karai Kasang a pawt sindawng ai myit hpe shakawp ya ai du hkra, shanhte gaw dai amu hpe dawdan mu ga,” ngu mu ai.

EZRA 10:14 ပူးပေါင်းရင်းမြစ်များ

2 HKAWHKAM 23:26

Rai ti mung Hkawhkam Manashe galaw shut hpyit kau ai amu a majaw Yuda amyu masha ni a ntsa dai Madu a masin kahtet nga ai rai nna ya e pyi dai kawp lu nga ai n rai.

2 HKAWHKAM LABAU 28:11

Nye a ga madat mu! Ndai bawng masha ni gaw nanhte a kahpu kanau ni hte kajan ni rai ma ai. Shanhte hpe wa kau shangun mu, shing n rai yang dai Madu masin kahtet nna nanhte hpe ari jaw na ra ai,” ngu nna tsun wu ai.

2 HKAWHKAM LABAU 29:10

“Ya ngai gaw dai Madu Israela a Karai Kasang hte ga shaka tawn da na myit daw dan da ni ai; shi anhte hpe galoi mung pawt na ra ai n rai.

2 HKAWHKAM LABAU 30:8

Shanhte zawn myit hkum ja nga myit; dai Madu a ga hpe madat mara nga mu. Dai Madu nanhte a Karai Kasang gaw htani htana a matu shachyoi shapra da ai Yerusalem mare na Nawku Htingnu de sa nhtawm shi hpe nawku mu, shaloi shi nanhte hpe galoi mung pawt bu na ra ai n rai.

EZRA 10:13

Rai ti mung shanhte chyawm gaw, “Shawa hpawng nau wa chyat ai hte marang mung laja lana htu nga ai. Ndai zawn rai nna shinggan e anhte n tsap lu ga ai. Anhte law law wa ndai yubak mara shut hpyit ai hta lawm nga ga ai majaw, dai amu gaw langai ya, lahkawng ya hte sha ngut wa lu na n rai.

EZRA 10:15

Meshulam hte Lewi masha Shabehtai yan a madi shadaw ai hpe hkam la lu ai Asahela a kasha Yonahtan hte Tikwa a kasha Yazeia yan hta lai nna kaga kadai mung dai zawn yaw shada ai amu hpe ningdang nga ai n rai.

SHAKAWN KUNGDAWN 78:38

Rai ti mung, Karai Kasang gaw shi a amyu masha ni hpe matsan dum nga ai; shi shanhte hpe n shamyit kau ai sha, shanhte a yubak hpe raw dat kau ya nu ai. Shi gaw shi a masin kahtet ai lam hpe law law lang shakawp da nna; shi a pawt sindawng ai hpe hkum shadang da nga ai.

ESAIA 12:1

Amyu masha ni gaw, “Madu e, ngai nang hpe shakawn kungdawn nngai! Nang gaw ngai hpe pawt sindawng nit dai, rai ti mung ya chyawm gaw nang ngai hpe shalan shabran ai hte galoi mung pawt bu na n rai nga ndai.

BU HKAWM 25:4

Mawshe hpe, “Israela ningbaw ni yawng hpe shaga la nna nye a ga madat let jan mai ai shara hta shanhte hpe sat kau na rai ndai; ngai mung amyu masha ni a ntsa masin kawp lu na nngai,” ngu nna tsun wu ai.

TARA JAHPRANG 13:17

Shing rai yang jahten sharun kau na matu daw dan da sai mare na arai hpa hpe mung nanhte a matu hkum mazing la nga myit. Shaloi dai Madu gaw masin kawp nna matsan dum ai myit nanhte hpe madun dan na ra ai. Dai ni ngai nanhte hpe jaw made ai shi a hkang da ai ga ni yawng hpe madat mara hkan sa nna shi hpyi ai hte maren galaw ai rai yang, shi gaw nanhte a nji nwa ni hpe ga sadi tawn da nu ai hte maren nanhte hpe matsan dum nna law htam ai amyu masha shatai na rai wu ai.

TARA JAHPRANG 17:9

Lewi hkinjawng ni hte dai aten rung hta tara agyi galaw nga ai wa dai amu hpe daw dan ya u ga, na a amu shawn na rai ndai.

YAWSHU 7:26

Shanhte gaw shi a ntsa e nlung sumpum kaba kawng da ya ma ai rai nna dai ni du hkra dai yang e nga nga ai. Dai hkan nna shara dai hpe Tsin-Yam Tsindam Kadit ngu nna naw shamying da ma ai. Dai hpang dai Madu gaw masin kawp mat wu ai.