EZRA 10:11 - Jinghpaw Common Language Bible 2009

¹¹ Dai re ai majaw, dai Madu nanhte a kaji kawa ni a Karai Kasang hta nanhte a yubak mara ni hpe yin la nna, shi sharawng awng ai amu hkan galaw nga mu. Anhte a mungdan hta nga nga ai maigan masha ni hte nanhte kaga san san rai nga nna nanhte a maigan madu jan ni hpe yeng seng kau mu,” ngu nna tsun wu ai.

Jinghpaw Hanson Version Bible

¹¹ Dai re ai majaw, nanhte a nji nwa ni a Karai Kasang Yehowa hpe yubak tawngban nna, shi ra ai lam hkan galaw mu: dai mung na amyu ni hta, maigan amyu num ni hpe jahka kau mu,” ngu nna shanhte hpe tsun mu ai.

EZRA 10:11 ပူးပေါင်းရင်းမြစ်များ

2 HKAWHKAM LABAU 30:22

Hezekia mung dai Madu hpe nawku daw jau ai hta chye chyang kungkyang ai Lewi masha ni hpe shakawn shagrau nga wu ai. Ya shanhte gaw sanit ya tup dai Madu shanhte a kaji kawa ni a Karai Kasang hpe shakawn kungdawn let shagu hkungga ni nawng ya ngut jang,

EZRA 10:10

Hkinjawng Ezra rawt tsap nna shanhte hpe ga tsun wu ai. Shi gaw, “Nanhte gaw n kam n sham manit dai hte maigan numsha ni hpe hkungran la let Israela hta mara dun shakap da nga manit dai.

EZRA 10:12

Dai amyu masha ni gaw jahtau let, “Nang tsun ai hte maren, anhte galaw na ga ai,” ngu nna htan mu ai.

EZRA 10:3

Ya chyawm gaw, ndai numsha ni hte shanhte a kashu kasha ni hpe anhte kau tawn da na saga ai ngu, anhte a Karai Kasang hpe ga sadi langai shaka da lu na rai ga ai. Nang mung, Karai Kasang a hkang da ai ga ni hpe shagrau sha-a ai kaga masha ni mung, anhte galaw na matu hpaji jaw mi ai hte maren anhte galaw na ga ai. Karai Kasang hkang da ai Tara hte maren anhte galaw na ga ai.

EZRA 9:1

Ndai amu ni galaw ngut ai hpang, Israela amyu masha ni a ningbaw nkau mi ngai kaw sa nna, amyu masha ni, hkinjawng ni hte Lewi masha ni nan htingbu mungdan ni rai nga ai Amon, Moba, hte Egutu, shing n rai Hkanani, Hiti, Perizi, Yebusi hte Amori masha ni hte shanhte nan n daw n hka ai sha nga nga ma ai rai nna, dai masha ni galaw ai matsat shabat amu ni hte maren shanhte hkan galaw nga ma ai lam tsun dan mi ai.

NEHEMIA 13:3

Dai tara hti ai lam hpe Israela amyu masha ni na ai shaloi, maigan masha ni yawng hpe Israela hpawng kaw nna jahka kau mu ai.

SHAKAWN KUNGDAWN 32:5

Shing rai, ngai gaw nye a yubak ni hpe nang kaw yin la ni ai; nye a shut hpyit ai mara ni hpe mung ngai makoi magap da nngai n rai. Dai lam ni hpe nang kaw mara yin la na ngai daw dan ni ai; nye a yubak yawng hte hpe nang dat kau ya nit dai.

GA SHAGAWP 28:13

Na a yubak mara ni hpe ip da na, nang shakut ai rai yang, asak hkrun lam hta, nang galoi mung awng dang na n rai; mara hpe yin la nna tawn kau jang, Karai Kasang nang hpe matsan dum ai myit madun dan na ra ai.

ESAIA 56:4

Dai Madu gaw shing re ai lasha wa hpe, “Nang gaw nye Bansa Nhtoi hpe hkan nang ai hku nna ngai hpe shagrau sha-a ai hte mung, ngai ra sharawng ai amu hpe nang galaw ai hku nna mung, nye a ga shaka hpe sadi sahka hte shatup ai hku nna mung nang galaw ai rai yang,

YEREMIA 3:13

Nang gaw mara lu nga ndai, nang gaw dai Madu na a Karai Kasang hpe gumlau kau nit dai hpe chyu sha yin la u. Nang gaw tsit lali ai hpun npu shagu hta maigan karai ni hpe na a tsaw ra myit jaw ya nhtawm nye a hkang da ai ga ni hpe nang n madat kau sai lam ni hpe yin la u. Dai Madu ngai nan tsun ni ai.

EZEKELA 18:30

“Ya chyawm gaw, nanhte galaw dan sai arawn alai hte maren, nanhte langai hte langai hpe tara jeyang na nngai, nga nna dai Tsaw Htum ai Madu ngai nan Israela amyu masha ni hpe tsun nga nngai. Nanhte galaw shut kau ai yubak gaw nanhte hpe n jahten kau u ga, nanhte galaw shut hpyit kau ai n hkru n shawp ai amu yawng kaw nna kayin wa marit.

YAWHAN 9:24

Dai re ai majaw, dai hkritung nna myi n mu ai wa hpe lahkawng lang ngu na bai shaga la nhtawm, “Karai Kasang a man e teng man ai ga tsun na nngai ngu nna ga sadi jaw u, dai wa gaw yubak mara lu ai wa rai nga ai hpe anhte chye ga ai,” ngu nna shi hpe tsun mu ai.

ROMA 12:2

Nanhte gaw ndai dinghta mungkan a lai madang ni hpe n hkan dagraw ai sha, nanhte gaw Karai Kasang hku nna nanhte a kata lam myit masin hpe tsep kawp galai shai kau shangun mu. Dai shaloi nanhte gaw Karai Kasang a myit ra ai lam, mai kaja ai lam, shi hpe sharawng awng shangun ai lam, hkum tsup re ai lam gaw, hpa rai nga ai ngu ai hpe chye ginhka lu na marin dai.

2 KORINHTU 6:17

Dai rai nna Madu gaw, “Nanhte gaw shanhte hpe tawn kau da lu na hte shanhte kaw na kaga lak nanhte a hkum ni hpe garan jahka kau mu. Awu asin re ai hpe hpa hkum hkra mu, shaloi ngai nanhte hpe hkap la na made ai.

KOLOSE 1:10

Shing rai yang nanhte gaw, Karai Kasang a myit ra ai hku asak hkrung lu nna shi a sharawng awng ai lam hpe tut nawng e nanhte hkan sa galaw lu na marin dai. Dai shaloi nanhte a asak hkrung lam gaw mai kaja ai magam bungli shagu hta asi si wa nna, Karai Kasang hpe chye chyang ai lam hta jat galu kaba wa na marin dai.

HEBRE 13:21

Nanhte gaw shi a myit ra ai lam hkan galaw lu na matu nanhte hta ra kadawn nga ai mai kaja ai lam shagu hpe ngwi pyaw ai Karai Kasang gaw nanhte hpe jaw ya myit ga; Madu gaw shi a myit ra ai hku hte maren, Hkristu a marang e anhte hpe jahkum shatsup ya mi ai. Yesu Hkristu a marang e, shi a sharawng awng ai lam hpe anhte shabyin shatai u ga, Hkristu hta htani htana prat dingsa hpung shingkang anga nga u ga law. Amen.

YAWSHU 7:19

Yawshu gaw shi hpe, “Ngai sha e, dai Madu Israela a Karai Kasang a man, ndai yang e, teng man ai ga tsun nna mara yin la u. Nang kaning rai galaw kau nit dai lam, ya ngai hpe tsun dan e, ngai hpe dai lam ip da na hkum shakut et,” ngu nna tsun wu ai.