EZRA 10:1 - Jinghpaw Common Language Bible 2009

¹ Ezra gaw Nawku Htingnu ndaw e gum dagup let myi prwi pru nna dai yubak mara ni hpe yin la nhtawm akyu hpyi nga yang, Israela masha wunawng wuwa kaba rai nga ai numsha lasha ni hte ma kaji ni nye a grup grup hkan e sa hpawng nga let ahkup ahka nga hkra hkrap nga ma ai.

Jinghpaw Hanson Version Bible

¹ Ya Ezra gaw Karai Kasang a nta ndaw e, hkum dagup nna myi prwi pru let akyu hpyi tawngban nga yang, Israela masha wunawng wuwa kaba numsha, lasha, ma kaji law law wa, shi hpang de sa hpawng nna, ja ja hkrap ngu hkrap ngoi nga ma ai.

EZRA 10:1 ပူးပေါင်းရင်းမြစ်များ

1 HKAWHKAM 8:30

Nye a akyu hpyi ga ni hpe mung, ndai shara de myi man yawng nna hpyi ai na a amyu masha ni a akyu hpyi ga ni hpe mung na ya e. Sumsing lamu na na a nta hta anhte a akyu hpyi ga hpe madat ya nna anhte hpe mara dat ya mi law.

1 HKAWHKAM 9:3

Shaloi dai Madu gaw shi hpe, “Na a akyu hpyi ga hpe ngai na se ai. Ngai hpe htani htana nawku na shara hta nang gap nit dai ndai Nawku Htingnu hpe ngai shachyoi shapra se ai. Dai hpe ngai sin yu nhtawm prat dingsa makawp maga na nngai.

2 HKAWHKAM LABAU 20:13

Yuda masha ni yawng gaw shanhte a madu jan ni hte kashu kasha ni hte rau dai yang na Nawku Htingnu hta e tsap nga ma ai.

2 HKAWHKAM LABAU 20:9

Shanhte hpe hpyen majan, ana zinli hte hkuwa wa shangun ai hku ari jaw let ru yak shoihpa jahkrum yang, ndai nang hpe nawku ai Nawku Htingnu a man de shanhte sa tsap let shanhte a tsin-yam tsindam hkrum sha ai hta nang kaw akyu hpyi ma ai shaloi, shanhte a akyu hpyi ga hpe na ya nna shanhte hpe hkye mawai la na rai nga ndai.

EZRA 10:6

Dai hpang shi gaw Nawku Htingnu ndaw kaw nna Eliashib a kasha Yehohanan a nga shara nta de shang sa nhtawm bawng lawt ai ni a n kam n sham ai a majaw dai yang e shana tup yawn madai let nga shalai kau wu ai. Shi gaw hpa mung n lu n sha rai nga ai.

NEHEMIA 1:4

Ndai lam yawng hpe ngai na ai shaloi, dung let hkrap nga nngai. Ngai gaw nhtoi tsawmra mi na mat hkra sharung shayawt ai hte lusha n sha nngai. Ngai gaw Karai Kasang hpe,

NEHEMIA 1:6

Madu e, ngai hpe mada yu nna na a shangun ma ni rai nga ai Israela amyu masha ni a matu shani shana ngai hpyi ai nye a akyu hpyi ga hpe na ya e. Anhte Israela amyu masha ni mung nye a kaji kawa ni hte ngai shut kau sai yubak mara ni a matu mung ngai hpyi nem nngai.

NEHEMIA 10:28

Anhte, Israela amyu masha ni, hkinjawng ni, Lewi masha ni, Nawku Htingnu sin langa ni, Nawku Htingnu mahkawn mangoi chye ai ni, Nawku Htingnu amu galaw masha ni hte kaga Karai Kasang a Tara hpe madat mara ai ni gaw shanhte hkum nan anhte a mungdan hta nga nga ai maigan masha ni hpe jahka kau nhtawm anhte hte rau anhte a madu jan ni hte chye na ram sai anhte a kashu kasha ni yawng hte gaw

NEHEMIA 8:9

Ya amyu masha ni Tara laika ga hpa rai nga ai lam na jang, shanhte grau sit sa nna hkrap ngu hkrap ngoi hpang wa ma ai. Dai rai nna munggyi Nehemia, hkinjawng Ezra ngu ai tara sara ninghkrin hte amyu masha ni yawng hpe Tara a lam tsun shaleng dan ai Lewi masha ni gaw, “Dai ni na nhtoi gaw dai Madu nanhte a Karai Kasang a matu chyoi pra nga ai shani rai nga ai, dai rai nna nanhte gaw yawn hkyen ai hte hkrap ngu hkrap ngoi na myit dai n rai.

SHAKAWN KUNGDAWN 119:136

Masha ni na a tara hpe n madat n mara nga ma ai majaw, nye a myi prwi ni gaw hka nu zawn lwi nga li ai.

SHAKAWN KUNGDAWN 32:5

Shing rai, ngai gaw nye a yubak ni hpe nang kaw yin la ni ai; nye a shut hpyit ai mara ni hpe mung ngai makoi magap da nngai n rai. Dai lam ni hpe nang kaw mara yin la na ngai daw dan ni ai; nye a yubak yawng hte hpe nang dat kau ya nit dai.

YEREMIA 13:17

Dai ga ni hpe nang n madat ai rai yang, na a gumrawng gumtawng ai myit a majaw, ngai gaw n dan n leng ai shara hta hkrap na nngai; Dai Madu a amyu masha ni gaw bawng dung hkrum ai ni zawn rim hkrum nga ma ai majaw, ngai gaw ahkup ahka nga hkra hkrap ai hte nye a myi prwi lwi na ra ai.

YEREMIA 9:1

Nye a baw gaw hka htung hka, nye a myi ni gaw myi prwi hka hpawk tai mat na ngai ra sharawng nngai, shaloi ngai gaw sat kau hkrum sai nye a amyu masha ni a matu shani shana hkrap lu na rai nngai.

Daniela 9:20

Ngai gaw akyu matut hpyi nga nngai rai nna, nye a yubak ni hte nye a amyu masha Israela masha ni a yubak ni hpe la let shi a chyoi pra ai Nawku Htingnu bai gram lajang gaw gap na matu dai Madu nye a Karai Kasang hpe hpyi nem nga nngai.

HOSEA 14:2

Dai Madu kaw nhtang wa mu, ndai akyu hpyi ga hte shi kaw nanhte a hkungga shatai mu: “Anhte a shut hpyit ai yubak mara mahkra mara raw dat ya mi, anhte a akyu hpyi ga hkap la ya mi, anhte ga sadi tawn da saga ai hte maren, anhte nang hpe shakawn kungdawn na ga ai.

ZEHKARIA 12:10

“Dawi a amyu matu ni hte kaga Yerusalem mare masha ni hpe matsan dum ai wenyi hte hpyi nem tawng ban ai wenyi jahpring ya na mawe ai. Shaloi shanhte gaw si hkra galun hkrum ai wa hpe mada yu nna ma shingtai a matu sharung shayawt nga ma ai zawn, shi a matu hkrap ngu hkrap ngoi na mara ai. Shanhte gaw tinang a kasha alat hpe shamat kau ai ni zawn ahkup ahka nga mat hkra sharung shayawt na mara ai.

MAHTE 3:6

Shanhte gaw tinang a yubak mara ni hpe shapraw shadan yin la ma ai majaw, Yawhan gaw shanhte hpe Yawdan hka hta hkalup jaw mu ai.

LUKA 19:41

Shi gaw Yerusalem mare hte grau ni wa nna, dai mare hpe mu mada ai shaloi, de a matu shi hkrap nna,

KASA 10:30

Korneli gaw, “Lai wa sai masum ya ngu na nhtoi hta, nye a nta e shana de daw hkying masum daram hta ngai akyu hpyi nga nngai. Dai shaloi akajawng sha tu kabrim ai hpun palawng bu hpun ai wa langai mi nye a man e tsap pru nna,

KASA 21:5

Nhtoi sanit ya lai jang, anhte bai pru wa ga ai. Shanhte mung madu jan kasha ni hte rau mare shinggan du hkra hkan sa dat ma ai rai nna, hka kau e hput di let, akyu hpyi ga ai.

ROMA 9:2

Nye amyu masha ni nye a sai daw sai chyen ni a matu nye a kraw lawang e matut manoi ngai hkam sha nga ai yawn hkyen ai hte machyi hkrum ai lam gaw ngai tsun na nga yang grai kaba la nga ai n rai ni?

TARA JAHPRANG 31:12

Lasha numsha, ma kaji ni hte nanhte a mare ni hkan nga ai maigan masha ni yawng hpe shaga jahpawng tawn myit. Shaloi dai tara ga hpe masha shagu na lu hkra dai Madu nanhte a Karai Kasang hpe shagrau sha-a let shi a sharin achyin ai ga matsun ni hpe sadi sahka hte madat mara hkan sa na matu sharin la lu na rai myit dai.

YAWSHU 7:6

Yawshu hte Israela ningbaw ni gaw lahpawt dum ai myit hte yawn hkyen let shanhte a hpun palawng ni hpe gang je kau nhtawm dai Madu a Ga Shaka Sumpu man e galeng nga nna, shanhte a baw hta nhpu hte bun nhtawm shana de du hkra yawn hkyen ai kumla madun nga ma ai.

YAWSHU 8:35

Yawshu mung Mawshe hkang da mada hpe shawa hpung ting hte shanhte hta na numsha ni hte ma kaji ni, shanhte hta hkan nang ai maigan masha ni yawng a man e hti dan wu ai.