EZRA 1:9 - Jinghpaw Common Language Bible 2009

^9-10 dai ni gaw lawu de na hte maren rai nga ai: hkungga nawng ja ban 30 hkungga nawng gumhpraw ban 1,000 kaga ban ni 29 ja ban kaji ni 30 gumhpraw ban kaji ni 410 kaga hkinghku arai ni 1,000

Jinghpaw Hanson Version Bible

⁹ Arai ni a jahpan ndai rai nga ai: aja ban sumshi, gumhpraw ban hkying mi, nhtu hkun jahku;

EZRA 1:9 ပူးပေါင်းရင်းမြစ်များ

1 HKAWHKAM 7:50

gawm ni, wan lakap ni, hka wan ni, manam pyaw ai baw bang na ban ni, chyi nga ai wan n-ga hpai yang lang na wan ban pa ni, Chyoi Pra Htum Ai Shara a chyinghka hkanoi ni, Nawku Htingnu a shinggan chyinghka na hkanoi ni yawng hpe ja hte chya shatsawm da nga ai. Ndai shatsawm da ai arung arai ni yawng hpe ja hte galaw da nga ai.

2 HKAWHKAM 25:15

Shanhte gaw aja gumhpraw ni hte galaw da ai ban jarung ni hte grung ai wan n-ga mara lang ai ban kaji ni hte hka wan ni hpe mung la mat wa ma ai.

2 HKAWHKAM LABAU 24:14

Galaw lajang ai amu ngut jang, ngam nga ai ja gumhpraw ni hpe hkawhkam hte Yehoiada yan hpe ap ya ma ai rai nna Nawku Htingnu hta lang na ban hka wan ni hte kaga hkinghku ni galaw ai hta lang nga ma ai. Yehoiada hkrung nga dingsa Nawku Htingnu e shagu hkungga ni hpe tut nawng nawng ya nga ma ai.

2 HKAWHKAM LABAU 4:11

Huram gaw di bu, shingban hte hka wan ni hpe mung galaw wu ai. Nawku Htingnu a matu shi galaw na ngu nna Hkawhkam Shawlumon hpe shi ga sadi jaw da nu ai arai yawng hte hpe shi galaw shangut da wu ai. Dai ni gaw: Shadaw lahkawng Shadaw ntsa na hka wan zawn re ai magum ni Magum shagu a ntsa e hkri da ai Saidawng kasi Magum shagu a ntsa e grup grup de yan lahkawng grang da ai magri mang hkainu si 400 rawng nga ai. Leng shi Angdung shi Hka lawng Hka lawng hpe madi da ai usu shi lahkawng Di bu, shingban hte zun labra ni rai nga ai. Lata sama Huram gaw dai Madu a Nawku Htingnu kata hta lang na matu Hkawhkam Shawlumon shi hpe hkang da nu ai hte maren, dai arai yawng mayawng hpe magri mang jet hte galaw shatsawm da wu ai.

EZRA 8:26

Ndai gaw shanhte hpe ngai ap ya ai arai ni rai nga ai: gumhpraw - tan 25 gumhpraw hkinghku ni - pawng 150 aja - pawng 7,500 ja ban ni - awng sa 270 jet tsawm ai magri mang ban, dai gaw ja ban ni hte maren manu dan nga ai.

EZRA 8:30

Dai rai nna, hkinjawng ni hte Lewi masha ni gaw aja, gumhpraw hte hkinghku arung arai ni hpe Yerusalem Nawku Htingnu de la sa wa na matu woi lajang ma ai.

MAHTE 14:8

Numsha mung, kanu a hpaji jaw shadut ai hte maren, “Ya ndai ban hta e, Hkalup Sara Yawhan a baw bang ya rit!,” ngu wu ai.