EZRA 1:8 - Jinghpaw Common Language Bible 2009

⁸ Shi gaw dai arai ni hpe hkawhkam sut sin hpareng Mitredat a lata de ap ya wu ai rai nna dai ni hpe jahpan galaw nhtawm Yuda mung gyi Shebaza hpe ndai jahpan hte maren ap ya wu ai;

Jinghpaw Hanson Version Bible

⁸ Persi hkawhkam Kuru gaw sutdek up ai Mitreda lata hte shaw la nna, hti yu nhtawm, Yuda agyi wa Shebaza hpe ap ya wu ai.

EZRA 1:8 ပူးပေါင်းရင်းမြစ်များ

EZRA 1:11

Shebaza hte kaga bawng masha ni Babelon mare kaw nna Yerusalem de wa yang shi hte rau la shalawm wa ai arai ni yawng gaw aja hte gumhpraw ban 5,400 hte kaga arung arai ni rai nga ai.

EZRA 2:2

Shanhte a ningbaw ni gaw Zerubabela, Yawshu, Nehemia, Seraia, Relaia, Mordehkai, Bilshan, Mispa, Bigawai, Rehum hte Bana hte rai ma ai. Ndai gaw bawng dung ai kaw nna nhtang wa ai Israela lakung lama shagu a jahpan rai nga ai:

EZRA 5:14

Shi gaw Yerusalem Nawku Htingnu kaw na Nebuhkadneza magawn mat wa nhtawm Babelon mare na htingnu hta wa tawn da ai aja, gumhpraw hte htingnu hkinghku ni hpe bai nhtang jaw wu ai. Shing rai Kuru gaw Yuda munggyi shatai da ai Shebaza mying ai wa a lata de ndai hkinghku arung arai ni hpe ap ya wu ai.

EZRA 5:16

Dai rai nna, Shebaza mung de a npawt nhpang hpe sa jahkrat bang wu ai; dai aten kaw nna ya du hkra gaw gap ai amu matut galaw nga ti mung, Nawku Htingnu gaw ya du hkra garai n shangut da lu nga ai.’

EZRA 5:2

Shelatila a kasha Zerubabela hte Yehozadak a kasha Yawshu yan gaw shan a mungga na jang, Yerusalem na Nawku Htingnu hpe bai galaw hpang wa ma ai rai nna, myihtoi lahkawng yan mung shan hpe karum lawm ma ai.

YEREMIA 51:44

Ngai gaw Babelon hpara ngu ai Bela hpara hpe ari jaw na nngai, shi lagu tawn da ai arung arai ni hpe nhtang ap shangun na nngai. Masha amyu baw ni gaw dai hpara hpe htawm hpang de galoi mung nawku na mara ai n rai. “Babelon mare bunghku ni kadawng mat masai.

HAGI 1:1

Persi Hkawseng Dari hkaw dung ai lahkawng ning a shata kru a langai ya shani hta dai Madu gaw myihtoi Hagi hku nna ga shaga wu ai. Dai mungga gaw Shelatila a kasha Yuda munggyi Zerubabela hte Yehozadak a kasha Hkinjawng Kaba Yawshu a matu rai nga ai.

HAGI 1:14

Dai Madu gaw masha shagu Nawku Htingnu amu galaw na matu Yuda mungdu Zerubabela; Hkinjawng Kaba Yawshu hte bawng dung ai kaw na nhtang wa sai amyu masha ni yawng hpe jasu ya wu ai. Shanhte gaw Chyahtum Chyalai N-gun rawng ai dai Madu shanhte a Karai Kasang a Nawku Htingnu hpe