EZRA 1:7 - Jinghpaw Common Language Bible 2009

⁷ Hkawseng Kuru gaw Hkawhkam Nebuhkadneza Yerusalem Nawku Htingnu na la mat wa nhtawm shi a karai ni a nawku nta hta wa tawn da sai ban hte gawm ni shanhte hpe nhtang ap ya wu ai.

Jinghpaw Hanson Version Bible

⁷ Dai hta kaga Nebuhkadneza gaw Yerusalem mare na magawn wa nna, shi a Hpara ni a nta hta tawn da ai, Yehowa a nta hte seng ai arai ni hpe,

EZRA 1:7 ပူးပေါင်းရင်းမြစ်များ

2 HKAWHKAM 24:13

Nawku Htingnu hte hkawhkam htingnu kata na sut rai yawng mayawng hte hpe Babelon mung de htawm mat wa wu ai. Dai Madu hkang da sai hte maren, Nawku Htingnu hta lang na matu Hkawhkam Shawlumon e ja hte galaw da ai arung arai hkinghku ni yawng hpe Nebuhkadneza agrawp jahten kau wu ai.

2 HKAWHKAM LABAU 36:10

Ya ginhtawng ta bai du jang, Nebuhkadneza gaw Yehoiahkin hpe bawng rim la nna Nawku Htingnu na sut gan arung arai ni hte hpawn, Babelon mung de woi wa wu ai. Dai hpang Nebuhkadneza gaw Yehoiahkin a kawa toi rai nga ai Zedekia hpe Yuda mung hte Yerusalem a hkawhkam shatai da wu ai.

2 HKAWHKAM LABAU 36:18

Babelon hkawhkam gaw Nawku Htingnu a sut gan arung arai hte hkawhkam hte shi a du salang ni a sut gan nlang ni hpe gasat hpya la nna Babelon mare de la wa wu ai.

2 HKAWHKAM LABAU 36:7

Nebuhkadneza gaw Nawku Htingnu na sut gan nkau mi la wa nna, Babelon mare na shi a hkawhkam htingnu hta tawn da wu ai.

EZRA 5:14

Shi gaw Yerusalem Nawku Htingnu kaw na Nebuhkadneza magawn mat wa nhtawm Babelon mare na htingnu hta wa tawn da ai aja, gumhpraw hte htingnu hkinghku ni hpe bai nhtang jaw wu ai. Shing rai Kuru gaw Yuda munggyi shatai da ai Shebaza mying ai wa a lata de ndai hkinghku arung arai ni hpe ap ya wu ai.

EZRA 6:5

Hkawhkam Nebuhkadneza gaw Yerusalem Nawku Htingnu kaw na Babelon mare de la wa ai aja gumhpraw hte Nawku Htingnu hkinghku ni hpe Yerusalem Nawku Htingnu kata tawn da ai shara de bai la wa mu ga.”

YEREMIA 51:44

Ngai gaw Babelon hpara ngu ai Bela hpara hpe ari jaw na nngai, shi lagu tawn da ai arung arai ni hpe nhtang ap shangun na nngai. Masha amyu baw ni gaw dai hpara hpe htawm hpang de galoi mung nawku na mara ai n rai. “Babelon mare bunghku ni kadawng mat masai.

Daniela 1:2

Madu gaw Hkawhkam Yehoiakim hpe rim la shangun nna, Nawku Htingnu na sut rai nkau mi hpe mazing la shangun wu ai. Shi hte rau bawng masha nkau mi hpe Babelon mung na shi a karai ni a htingnu de woi wa nhtawm lu mazing la ai sut rai ni hpe htingnu sut gawk ni hta tawn da wu ai.

Daniela 5:23

Nang gaw sumsing lamu Madu hpe ninghkap nhtawm shi a Nawku Htingnu na la wa ai gawm ni hte wan ni hpe la jashawn nga ndai. Nang mung, na a du magam ni mung, na a madu jan ni hte na a lashi num ni mung dai ni hta sabyi ntsin lu nhtawm, ja, gumhpraw, magri mang, hpri, hpun hte nlung ni hte galaw nna, myi n mu, na n na, hpa hpe mung n chye ai karai ni hpe shakawn kungdawn myit dai. Nang mahtang na a asak sumri sumdam hte nang galaw ai lam magup hpe yu hkang nga ai Karai Kasang hpe shagrau sha-a nga ndai n rai.