EZRA 1:6 - Jinghpaw Common Language Bible 2009

⁶ Shanhte hte ni nawn ai htingbu ni yawng mung Nawku Htingnu a matu, aja gumhpraw hte lang na hkinghku ni, arung arai ni, yam nga u hpung ni, kaga manu dan ai arai ni hte hkungga arai law law shanhte hpe jaw ya let karum ya ma ai.

Jinghpaw Hanson Version Bible

⁶ Grup yin e nga ai ni mung, dingsa jaw ai kumhpa hta kaga, aja, gumhpraw arai ni hte, sut rai, yamnga, manu hpu ai baw hte, shanhte a lata hpe n-gun sharawng ya mu ai.

EZRA 1:6 ပူးပေါင်းရင်းမြစ်များ

1 HKAWHKAM LABAU 29:9

Amyu masha ni gaw dai Madu hpe awng sharawng ai myit hte grau jaw ya lu manu ai majaw shanhte kabu gara shajang nga ma ai. Hkawhkam Dawi mung nachying kabu gara nga ai.

EZRA 1:4

Shi a amyu masha bawng dung hkrum nga ai ni kadai rai tim nhtang wa na matu karum la ra ai rai yang, shanhte a htingbu ni ndai karum la lam shanhte hpe jaw ya mu ga. Shanhte gaw dai masha ni hpe aja hte gumhpraw, arung arai ni, yam nga hpung ni hte shagu hkungga ni hpe Yerusalem na Karai Kasang a Nawku Htingnu hta sa sak jaw na rai ma ai.”

EZRA 8:33

Dai hpang, mali ya ngu na shani hta, Nawku Htingnu de anhte sa nhtawm aja, gumhpraw hte hkinghku arung arai ni hpe shen nna, Uria a kasha hkinjawng Meremot hpe ap ya ga ai. Hpineha a kasha Eleaza, Lewi masha lahkawng rai nga ai Yeshua a kasha Yozabad hte Binui a kasha Nodia ni gaw shi hte rau rai ma ai.

NEHEMIA 6:9

Shanhte chyawm gaw bungli jahkring kau ya na matu anhte hpe jahkrit maw nga ma ai. Ngai gaw, “Karai Kasang e, ya rai tim, ngai hpe n-gun shaja ya e law!,” ngu nna hpyi we ai.

SHAKAWN KUNGDAWN 106:46

Shanhte hpe zingri zingrat nga ai ni yawng a myit masin kraw lawang kata hta; shanhte hpe yu matsan dum la shangun mu ai.

SHAKAWN KUNGDAWN 110:3

Na gumlau hpyen ni hpe nang htim gasat ai shani e, na a amyu masha ni gaw madu myit hte shang karum wa na mara ai. Jahpawt manap jau jau e, hkrat ai mari zawn, na a brang ram ni nang shanu nga ai chyoi pra ai bum ni de du sa wa na mara ai.

PRU MAT 12:35

Israela amyu masha ni gaw Mawshe tsun da sai hte maren galaw ma ai rai nna, aja arai, gumhpraw arai hte hpun palawng ni hpe Egutu masha ni kaw na hpyi la ma ai.

PRU MAT 12:36

Dai Madu mung Egutu masha ni hpe dai amyu ni a man e hkrit hkungga shangun wu ai rai nna shanhte hpyi mahpyi hpe jaw ya ma ai. Ndai lam hku nna Israela amyu masha ni Egutu masha ni a sut gan hpai mat wa ma ai.

ESAIA 35:3

Atsu atsa nga ai lata ni hte n-gun kya nna gari gawa rai nga ai lahput ni hpe n-gun jaw mu.

2 KORINHTU 9:7

Lahpawt ai myit hte mung n rai, jaw ra ai lit a majaw sha mung n re ai sha, langai hte langai gaw tinang a kraw lawang e myit da ai hte maren jaw u ga; hpa majaw nga yang, Karai Kasang gaw kabu gara ai myit hte jaw ya ai wa hpe tsaw ra nga ai.