EZRA 1:5 - Jinghpaw Common Language Bible 2009

⁵ Dai hpang, tinang myit masin hta Karai Kasang e shamu shamawt ya hkrum sai Yuda hte Benyamin amyu bawsang hta na lakung ni a ningbaw ni, hkinjawng ni hte Lewi masha ni gaw Yerusalem mare na dai Madu a Nawku Htingnu bai sa gap na matu jin jin rai ma ai.

Jinghpaw Hanson Version Bible

⁵ Dai rai nna, tinang a wenyi hta Karai Kasang a shamu shamawt hkrum ai Yuda amyu hte Ben-yamin amyu na dap lakung ni a agyi ni hte rau, hkinjawng ni hte Lewi masha ni nlang hte gaw, Yerusalem e nga ai Yehowa nta hpe galaw na matu rawt ma ai.

EZRA 1:5 ပူးပေါင်းရင်းမြစ်များ

2 HKAWHKAM LABAU 36:22

Persi Hkawseng Kuru hkaw dung ai shawng shaning hta myihtoi Yeremia a ga hku tsun nu ai Madu a ga gaw dik wa nga sai. Dai rai nna shi gaw ndai hkang da ai ga hpe ka shapraw nna shi up ai mungdan shara shagu hkan ja ja hti ndau na matu Kuru hpe shadut galaw shangun wu ai. Dai aming gaw ndai hku rai nga ai:

EZRA 1:1

Persi hkawseng Kuru hkaw dung ai shawng shaning hta e, myihtoi Yeremia hku tsun nu ai dai Madu a mungga gaw dik wa nga sai. Shi gaw ndai hkang da ai ga hpe ning ngu ka shapraw nhtawm shi up ai mungdan shara shagu hkan hproi hkra ja ja hti ndau na matu Kuru hpe kalang lata galaw shangun wu ai:

EZRA 1:2

“Ndai gaw Persi Hkawseng Kuru a hkang da ai ga rai nga ai. Dai Madu sumsing lamu a Karai Kasang gaw mungkan ga ting ngai hpe up hkang shangun ni ai hte Yuda mung Yerusalem hta shi a matu Nawku Htingnu langai gap na lit ngai hpe jaw da ni ai.

EZRA 1:4

Shi a amyu masha bawng dung hkrum nga ai ni kadai rai tim nhtang wa na matu karum la ra ai rai yang, shanhte a htingbu ni ndai karum la lam shanhte hpe jaw ya mu ga. Shanhte gaw dai masha ni hpe aja hte gumhpraw, arung arai ni, yam nga hpung ni hte shagu hkungga ni hpe Yerusalem na Karai Kasang a Nawku Htingnu hta sa sak jaw na rai ma ai.”

NEHEMIA 2:12

Ngai gaw Yerusalem a matu galaw na amu Karai Kasang ngai hpe kaning rai shatsam da sai lam kadai hpe mung n tsun dan nngai. Dai hpang ngai gaw shana yup tung e rawt nna, ngai hte rau nye a manaw manang nkau mi hpe woi nna pru mat wa nngai. Ngai jawn ai lawze hpe chyu sha anhte woi mat wa ga ai.

GA SHAGAWP 16:1

Anhte gaw anhte a bungli masing ni hpe galaw mai ga ai; rai ti mung hpang jahtum e, Karai Kasang a myit ra ai hku sha byin nga ai.

HAGI 1:14

Dai Madu gaw masha shagu Nawku Htingnu amu galaw na matu Yuda mungdu Zerubabela; Hkinjawng Kaba Yawshu hte bawng dung ai kaw na nhtang wa sai amyu masha ni yawng hpe jasu ya wu ai. Shanhte gaw Chyahtum Chyalai N-gun rawng ai dai Madu shanhte a Karai Kasang a Nawku Htingnu hpe

2 KORINHTU 8:16

Nanhte hpe karum madi shadaw na matu anhte hta myit rawt sharawng awng ai lam rawng ai zawn, Titu hta mung rawng shangun ai Karai Kasang a chyeju hpe gade shakawn shagrau shara rai nga a hka!

HPILIPI 2:13

Hpa majaw nga yang Karai Kasang gaw shi a myit ra yaw shada ai lam hta madat mara hkan sa mayu ai myit hte hkan sa shangun lu ai atsam nanhte lu la mu ga Karai Kasang gaw nanhte hta e shachyen shaja nga ai.

3 YAWHAN 1:11

Nye a tsaw ra ai jinghku wa e, n kaja ai lam hpe n re ai sha kaja ai lam hpe len la nga u. Kaja ai amu galaw ai wa gaw Karai Kasang hte seng nga ai; n kaja ai amu galaw ai wa chyawm gaw Karai Kasang hpe garai n mu n chye wu ai.