EZRA 1:4 - Jinghpaw Common Language Bible 2009

⁴ Shi a amyu masha bawng dung hkrum nga ai ni kadai rai tim nhtang wa na matu karum la ra ai rai yang, shanhte a htingbu ni ndai karum la lam shanhte hpe jaw ya mu ga. Shanhte gaw dai masha ni hpe aja hte gumhpraw, arung arai ni, yam nga hpung ni hte shagu hkungga ni hpe Yerusalem na Karai Kasang a Nawku Htingnu hta sa sak jaw na rai ma ai.”

Jinghpaw Hanson Version Bible

⁴ Shara shagu hkan shingbyi nga nna, naw ngam nga ai ni gaw, Yerusalem mare na Karai Kasang a nta matu, dingsa hkungga hte hpawn, aja, gumhpraw, sut rai, yamnga hte karum dat mu ga,” ngu nna ka dat wu ai.

EZRA 1:4 ပူးပေါင်းရင်းမြစ်များ

1 HKAWHKAM LABAU 29:17

Nang gaw masha shagu hte a myit masin hpe chyam dinglik yu nna ding hpring ai myit rawng ai masha ni hpe ra sharawng nga ndai hpe ngai chye nngai. Teng man ding man ai hte ndai arai ni yawng hpe awng sharawng ai myit hte nang hpe ngai jaw ya de ai. Ndai yang e hpawng nga ai na a amyu masha ni mung na a man de hkungga ni sak jaw ai lam gade sha kabu gara nga ma ai hpe ngai mu ni ai.

1 HKAWHKAM LABAU 29:3

Karai Kasang a Nawku Htingnu hpe tsaw ra ai majaw ngai jaw ya sai ndai ni yawng hta jan nna, nye a sut gan hta na ja, gumhpraw ni hpe mung ngai ap ya se ai.

1 HKAWHKAM LABAU 29:9

Amyu masha ni gaw dai Madu hpe awng sharawng ai myit hte grau jaw ya lu manu ai majaw shanhte kabu gara shajang nga ma ai. Hkawhkam Dawi mung nachying kabu gara nga ai.

2 HKAWHKAM LABAU 31:14

Nawku Htingnu a Sinpraw Chyinghka sin ai du Lewi masha Imna a kasha Kore gaw dai Madu a matu sak jaw ai kumhpa ni hkap la nna bai garan jaw ya ai hpareng wa rai nga ai.

EZRA 1:3

Karai Kasang gaw amyu masha ni rai nga ai nanhte yawng hte rau nga nga u ga. Nanhte gaw Yerusalem de wa nhtawm Karai Kasang hpe nawku na matu, dai Madu Israela a Karai kasang a Nawku Htingnu hpe bai gaw gap na rai myit dai.

EZRA 1:5

Dai hpang, tinang myit masin hta Karai Kasang e shamu shamawt ya hkrum sai Yuda hte Benyamin amyu bawsang hta na lakung ni a ningbaw ni, hkinjawng ni hte Lewi masha ni gaw Yerusalem mare na dai Madu a Nawku Htingnu bai sa gap na matu jin jin rai ma ai.

EZRA 9:15

Madu Israela a Karai Kasang e, nang gaw teng man ai wa rai nga ndai; rai ti mung anhte hpe naw jahkrung da shangun nga ndai. Anhte gaw na a man e anhte a mara hpe yin la ga ai; anhte gaw na a man e dawng pru na ahkang lu ga ai n rai.”

PRU MAT 35:29

Dai Madu Mawshe hpe hkang dat ai amu lam shagu a matu Israela amyu masha ni yawng hta kam jaw ai shawang myit rawng ai ni gaw shanhte a hkungga kumhpa ni la sa shajang nga ma ai.

ESAIA 10:21

N law n la rai naw ngam nga ai Israela amyu masha ni gaw chyahtum chyalai n-gun rawng ai shanhte a Karai Kasang hpang de nhtang wa na mara ai.

KASA 24:17

“Shing rai Yerusalem mare kaw na pru mat wa ai tsawmra ning lai ai hpang, nye a amyu masha ni a matu alu gumhpraw la wa ya na matu dai mare de ngai wa nngai.

GALATI 6:2

Nanhte shada da a lit ni hpe gun hpai shingtau ai hte Hkristu a tara hpe shatup nga mu.