EZRA 1:1 - Jinghpaw Common Language Bible 2009

¹ Persi hkawseng Kuru hkaw dung ai shawng shaning hta e, myihtoi Yeremia hku tsun nu ai dai Madu a mungga gaw dik wa nga sai. Shi gaw ndai hkang da ai ga hpe ning ngu ka shapraw nhtawm shi up ai mungdan shara shagu hkan hproi hkra ja ja hti ndau na matu Kuru hpe kalang lata galaw shangun wu ai:

Jinghpaw Hanson Version Bible

¹ Ya Yeremia htawn tsun ai Yehowa ga dik wa na matu, Persi hkawhkam hkaw dung ai shawng shaning hta e, Yehowa gaw shi a myit masin hpe shamu shamawt ya nna, shi gaw shi a mungdan ni mahkra hproi hkra hkang dat ai laika shabra dat nna,

EZRA 1:1 ပူးပေါင်းရင်းမြစ်များ

EZRA 1:5

Dai hpang, tinang myit masin hta Karai Kasang e shamu shamawt ya hkrum sai Yuda hte Benyamin amyu bawsang hta na lakung ni a ningbaw ni, hkinjawng ni hte Lewi masha ni gaw Yerusalem mare na dai Madu a Nawku Htingnu bai sa gap na matu jin jin rai ma ai.

EZRA 4:3

Zerubabela, Yawshu hte amyu lakung ni a ningbaw ni chyawm gaw shanhte hpe, “Anhte gaw dai Madu anhte a Karai Kasang a matu Nawku Htingnu gaw gap ai amu hta nanhte a karum la lam n ra nga ga ai. Persi Hkawseng Kuru anhte hpe hkang da mi ai hte maren, anhte hkum nan dai hpe gap na ga ai,” ngu nna tsun mu ai.

EZRA 6:14

Yuda ningbaw ni mung myihtoi Hagi hte Zehkaria yan n-gun jaw ya ma ai majaw dai Nawku Htingnu hpe kaja rawt jat galu kaba ai hku galaw da nga ma ai. Shanhte gaw dai Nawku Htingnu hpe Israela Karai Kasang hkang da ai ga hte mung, Persi Hkawseng Kuru, Dari hte Artazazi ni hkang dat ai hte mung galaw shangut da lu manu ai.

EZRA 6:22

Shanhte gaw Matsi N Rawng ai Muk Sha Poi hpe mung kabu gara ai myit hte sanit ya tup galaw ma ai. Dai rai nna shanhte kabu gara ai myit hte hpring nga ma ai; hpa majaw nga yang, dai Madu gaw Asuri hkawseng wa hpe shanhte hpang de myi man kayin shangun nga ai rai nna Israela Karai Kasang a Nawku Htingnu bai gaw gap ai amu hta shanhte hpe karum ya nga ai.

EZRA 6:3

“Hkawseng Kuru hkaw dung hpang ai shaning hta, shagu hkungga hte wan nat hkungga ni hpe nat nawng ai shara hta Yerusalem Nawku Htingnu bai gaw gap na matu hkang dat wu ai. Dai Nawku Htingnu gaw tsaw de pe jahku shi, nda de pe jahku shi rai na rai nga ai.

EZRA 7:27

Ezra gaw, “Dai Madu anhte a kaji kawa ni a Karai Kasang hpe shakawn mu! Shi gaw Yerusalem na dai Madu a Nawku Htingnu hpe ndai hku nna shagrau sha-a na matu hkawseng wa hpe myit lawm shangun nu ai.

SHAKAWN KUNGDAWN 106:46

Shanhte hpe zingri zingrat nga ai ni yawng a myit masin kraw lawang kata hta; shanhte hpe yu matsan dum la shangun mu ai.

GA SHAGAWP 21:1

Dai Madu gaw hka shi hpe de a lwi lam de, aloi sha shalen dat wu ai zawn, hkawhkam wa a myit mang ai lam hpe mung, hkang ya nga ai.

ESAIA 44:28

Ngai gaw Kuru hkawhkam wa hpe, ‘Nang gaw nye a matu up hkang ai wa tai na rin dai; ngai nang hpe galaw shangun mayu ai amu hpe nang galaw na rai ndai: Yerusalem gaw bai de da na lam mung, Nawku Htingnu a npawt nhpang ni hpe jahkrat tawn na lam hpe mung, nang tara shapraw na rai ndai,’” ngu nna tsun ai.

ESAIA 45:1

Dai Madu gaw Kuru hpe hkawhkam tai na matu lata la nu ai. Shi gaw masha amyu baw ni hpe up na matu shi hpe lit jaw nu ai; Hkawhkam ni a daru magam n-gun raw sharun ya na matu shi hpe shangun dat nga ai; dai Madu gaw shi a matu mare ni a chyinghka ni hpe hpaw malang da ya na ra ai. Dai Madu gaw Kuru hpe,

YEREMIA 1:1

Ndai laika gaw Benyamin a mungdaw na Anahtot mare e nga ai hkinjawng ni hta na Hilkia a shadang sha Yeremia tsun tawn ai myihtoi ga ni hpe ka da ai laika rai nga ai.

YEREMIA 29:10

Dai Madu gaw, ‘Babelon mung hta sanit shi ning ladu hkrum ai shaloi, nanhte a matu nye a myit tsang ai lam ngai madun dan na mawe ai; nanhte hpe dum nta de bai woi wa na ngu ai nye a ga sadi hpe shadik shatup na nngai.

EZEKELA 38:5

Persi, Ehtiopi hte Libya mung na masha ni mung shi hte rau rai nna, shanhte yawng ninggang hte hpri gupchyawp ni lu shajang nga ma ai.

Daniela 1:21

Persi hkawseng Kuru gaw Babelon mung hpe gasat dang la ai aten du hkra Daniela gaw hkawhkam wang e nga nga ai.

Daniela 2:1

Nebuhkadneza hkaw dung ai lahkawng ning hta, shi yup mang mu wu ai. Dai gaw shi hpe grai wa myit sharu shatsang ya nga ai majaw shi n lu yup nga ai,

Daniela 6:25

Dai hpang Dari hkawhkam gaw ginding aga ntsa e nga ai masha amyu ni yawng a masha ni hpe mung, amyu bawsang ni hte ga amyu myu tsun ai masha ni hpang de laika ka dat wu ai: Ngwi pyaw ai lam anga nga u ga law!

Daniela 9:2

Shi hkaw dung ai laning mi hta, chyoi pra ai laika ni hpe hti let, dai Madu gaw myihtoi Yeremia hpe tsun dan nu ai hte maren, Yerusalem hten run mat na ngu ai sanit shi ning hte seng nna myit sumru yu nga nngai.

YAWHAN 1:23

Yawhan gaw, “Ngai gaw myihtoi Esaia htawn tsun ai hte maren, ‘Dai Madu a matu shi hkawm sa na lam shading mu,’ nga nna nam e jahtau ai nsen rai nga nngai,” ngu mu ai.