EZEKELA 9:9 - Jinghpaw Common Language Bible 2009

⁹ Karai Kasang gaw, “Israela hte Yuda amyu masha ni gaw hkrit hpa yubak hte shut hpyit ai mara lu nga ma ai. Shanhte gaw mungdan ting hta sai kap amu shut hpyit kau manu ai hte Yerusalem mung ru hka amu ni hte hpring chyat nga sai. Dai Madu ngai nan shanhte a mungdan hpe kau da nna, shanhte hpe n mu lu sai, nga nna shanhte tsun shajang ma ai.

Jinghpaw Hanson Version Bible

⁹ Shaloi shi gaw, “Israela hte Yuda dap ni shut hpyit ai gaw, nachying kaba la nga ai; mungdan gaw sai hte hpring chyat nga nna, mare gaw gumlu gumlang hte hpring nga ai: kaning rai nme law, shanhte gaw, Yehowa nan mungdan hpe kau da nna, shi mu lu ai, n rai,” nga nna tsun shajang ma ai.

EZEKELA 9:9 ပူးပေါင်းရင်းမြစ်များ

2 HKAWHKAM 21:16

Manashe gaw mara n kap ai amyu masha law law hte hpe sat kau wu ai majaw Yerusalem nmaw lam hkan sai hka lwi nga ai. Yuda amyu masha ni hpe hpara sumla nawku ai lai de woi sa wa nna dai Madu hpe shut kau na lam shanhte hpe jat nna shi woi galaw nga ai.

YOBA 22:13

Rai tim, nang mahtang, “Karai Kasang hpa chye a ta? Shi gaw sumwi hta makoi rawng nga ai majaw, anhte hpe shi kaning rai tara jeyang lu na rai ta?,” ngu nna san ndai.

SHAKAWN KUNGDAWN 10:11

Tara n lang ai wa gaw, “Karai Kasang nga ai n rai! Shi gaw shi a myi ni hpe di da nu ai hte, ngai hpe galoi mung mu na ra ai n rai,” nga nna shi hkum shi tsun nga ai.

SHAKAWN KUNGDAWN 94:7

Shanhte gaw, “Madu anhte hpe n mu nga ai; Israela a Karai Kasang mung n yu nga ai,” nga nna tsun ma ai.

ESAIA 1:4

Nanhte gaw dingnye lu myit dai, nanhte gaw yubak kap ai amyu baw rai nga myit dai, nanhte gaw matsat shabat re ai hte n hkru ai amyu masha ni rai nga myit hka! Nanhte a yubak ni gaw nanhte hpe gang kadawng kau nga manit hka! Nanhte gaw dai Madu chyoi pra ai Israela a Karai Kasang hpe ningdang kau nna shingdu kayin kau manit dai.

ESAIA 29:15

Dai Madu n mu lu hkra nga, shanhte a maw mawn ai lam ni hpe makoi shakut ai ni gaw dingnye hkrum nga ma ai! Shanhte gaw shanhte a da da ai amu ni hpe mayun galaw ai hte dai amu hpe kadai mung n mu, shanhte hpa galaw nga ma ai hpe n chye ma ai ngu, myit nawn ma ai.

ESAIA 47:10

“Nang gaw na a n hkru ai amu hta nang nan myit machyu nga ndai; kadai mung nang hpe n mu lu ma ai ngu, nang myit nawn la nga ndai. Na a hpaji byeng-ya hte machye machyang gaw nang hpe lam woi shadam kau nga sai. nang gaw na a kraw kata hta, ‘Ngai gaw Karai Kasang rai nga nngai, ngai hte bung ai mi kadai n nga nga ai,’ nga nna tsun ndai.

YEREMIA 2:34

Na a hpun palawng ni gaw lagu lagut ni a asai hte n rai, matsan mayan masha ni hte mara n kap ai ni a asai hte numsha nga ai. “Rai ti mung, ndai zawn re ai amu yawng byin nga ti mung,

YEREMIA 22:17

Rai ti mung, nang gaw na a tinggyeng amyat ni hpe sha yu nna mara n kap ai masha ni hpe sat kau let na a amyu masha ni hpe laja lana dip gamyet nga ndai. Dai Madu tsun nu ai.

SHARUNG SHAYAWT 1:5

Shi a gumlau hpyen ni awng padang lu ma ai; shanhte gaw shi hpe daru magam n-gun hte ka-up da ma ai. Dai Madu gaw shi a law la ai yubak ni yawng a matu shi hpe nni nkri hkrum shangun wu ai; Shi a ma kaji ni rim hkrum nna woi la hkrum nga ma ai.

EZEKELA 7:23

“Lam shagu kashuk kashak byin nga sai-mungdan gaw masha sat ai amu ni hte hpring nga nna mare ni mung kashun kashe du daw sai hkaw amu ni hte hpring chyat nga ai.

EZEKELA 8:12

Karai Kasang gaw ngai hpe, “Si chye ai masha wa e, Israela ningbaw ni gaw machyi shim ai shara hta hpa galaw nga ma ai hpe nang mu n ni? Shanhte yawng hte gaw hpara sumla ni hte hpring nga ai gawk kata hta nawku nga ma ai. Shanhte a mara lawt ga gaw, ‘Dai Madu anhte hpe n mu ai! Shi gaw dai mungdan hpe kau da nu ai!,’” nga nna tsun ma ai.

EZEKELA 8:17

Dai Madu gaw ngai hpe, “Si chye ai masha wa e, dai amu hpe nang mu nu ni? Ndai Yuda amyu masha ni gaw ndai yang e nang mu nit dai shanhte galaw ai matsat shabat amu ni yawng hte mungdan ting hta kashun kashe du daw sai hkaw amu shachyam shabra ai hta pyi myit dik dum nga ma ai n rai. Shanhte gaw ndai Nawku Htingnu kata hta nan sa nna ngai hpe grau nna masin pawt shangun nga ma ai. Shanhte gaw ngai hpe dang lu ai made n rawn n wawm ai hku kade daram n kaw n law di ma ai hpe mada yu u!

HABAKU 1:4

Tara gaw n-gun kya mat nna akyu n jaw lu nga ai, teng man rap ra ai tara agyi ni kaw nna galoi mung n pru nga ai. N hkru ai masha ni gaw ding hpring ai masha ni hpe dang kau ma ai majaw teng man ai lam n dan dawng lu nga ai.

ZEHPANI 1:12

Dai aten e ngai gaw pyengdin lang let, Yerusalem hpe sawk yu na nngai. Dai Madu gaw lam langai hku shing n rai lam kaga hku nna mi rai rai, lama mi hpe galoi mung galaw na n rai, nga nna shanhte hkum shanhte tsun let tinang dai myit dik nga ai ni hte madu hkum madu kam hpa nga ai masha ni hpe ngai ari jaw na we ai.

LUKA 11:50

Shing rai, mungkan ga nnan lat kaw nna sat kau hkrum ai myihtoi ni yawng a bunglat hka a matu ndai prat na amyu ni mara daw dan ari hkrum lu na rai nga ai.

TARA JAHPRANG 31:29

Ngai si mat ai hpang, amyu masha ni n hkru n shawp wa nhtawm ngai shanhte hpe sharin ya sai lam ni hpe shanhte ningdang kau na ma ai. Dai Madu hkum pat da ai amu galaw let shanhte shi hpe masin pawt shangun nga ma ai majaw htawm hpang prat e ru yak tsin-yam tsindam hte hkrum kadup na rai ma ai,” ngu nna tsun dan wu ai.

TARA JAHPRANG 32:5

Rai ti mung nanhte mahtang sadi n dung, shi a amyu masha tai na n ging nga myit dai; yubak kap nna masu hkalem ai amyu rai nga myit dai.