EZEKELA 9:3 - Jinghpaw Common Language Bible 2009

³ Dai hpang, Israela a Karai Kasang a htoi tu ai hpung shingkang gaw shanu nga ai singkaw tu ai hkrung kanu ni kaw na rawt lung wa nhtawm Nawku Htingnu a chyinghka lam de sit sa wa ai. Dai Madu gaw lachyit nba lawai ai wa hpe shaga let,

Jinghpaw Hanson Version Bible

³ Shaloi Israela Karai Kasang a hpung shingkang gaw, shanu nga ai Hkerub kaw na lung wa nna, Nta chyinghka hkinbawng de du nga ai; bai shi gaw, sumpan lawai nna, laika tsi ndum noi ai wa hpe, shaga wu ai.

EZEKELA 9:3 ပူးပေါင်းရင်းမြစ်များ

EZEKELA 10:4

Dai Madu a htoi tu ai hpung shingkang gaw hkrung kanu ni kaw na rawt lung wa nhtawm, Nawku Htingnu a chyinghka lam de sit sa wa nga ai. Dai shaloi, sumwi gaw Nawku Htingnu hpe ka-up da nga ai; wang gaw htoi tu ai hpung shingkang hte dan hkung nga ai.

EZEKELA 3:23

Dai rai nna, ngai gaw kadit hkam wam de pru sa wa nhtawm dai yang e Hkebara hka kau kaw ngai mu yu sai dai Madu a hpung shingkang dan hkung nga ai hpe ngai mu nngai. Ngai gaw ga de myi man gum dagup da nngai.

EZEKELA 8:4

Ngai gaw Hkebara hka nu makau e nga nga yang, ngai mu yu sai zawn re ai Israela a Karai Kasang a hpung shingkang hpe madun dan ai htoi tu kabrim ai nhtoi hpe ngai mu nngai.

EZEKELA 9:2

Yu mu, Nawku Htingnu a dingdung maga na shinggan chyinghka lam kaw nna marai kru kalang lata rawt pru wa nhtawm shanhte langai hte langai hta hpyen laknak ni lang da nga ma ai. Shanhte hte rau lachyit nba lawai nna laika ka na matu arai lama ma lang ai wa mung lawm nga ai. Shanhte yawng sa nna magri mang hkungri e tsap nga ma ai.