EZEKELA 9:2 - Jinghpaw Common Language Bible 2009

² Yu mu, Nawku Htingnu a dingdung maga na shinggan chyinghka lam kaw nna marai kru kalang lata rawt pru wa nhtawm shanhte langai hte langai hta hpyen laknak ni lang da nga ma ai. Shanhte hte rau lachyit nba lawai nna laika ka na matu arai lama ma lang ai wa mung lawm nga ai. Shanhte yawng sa nna magri mang hkungri e tsap nga ma ai.

Jinghpaw Hanson Version Bible

² Shaloi, yu mu, dingdung maga ang ai, lahta chyinghka lam kaw na, marai kru pru nna, langai hte langai tinang a hpyen gasat nwa lang ma ai; shanhte a ka-ang e, lachyit nba lawai nna, laika tsi ndum nshang e noi ai wa, pru wa ai. Shanhte shang nna, magri hkungri makau e tsap nga ma ai.

EZEKELA 9:2 ပူးပေါင်းရင်းမြစ်များ

2 HKAWHKAM 15:35

Rai ti mung tara maigan masha ni a nawku shara ni hpe n jahten sharun kau ya wu ai rai nna amyu masha ni dai shara ni hkan e shagu hkungga ni hpe matut nawng jau let, manam pyaw ai baw hpe nat nga ma ai. Shi gaw Nawku Htingnu a Dingdung Chyinghka hpe galaw da wu ai.

2 HKAWHKAM LABAU 27:3

Yohtam gaw Nawku Htingnu a Dingdung Chyinghka hpe galaw ai hte Yerusalem mare na Ohpela mying ai mare bunghku hpe mung gaw kahtap wu ai.

2 HKAWHKAM LABAU 4:1

Hkawhkam Shawlumon gaw pe 30 kaba ai man bung hte pe 15 tsaw ai magri mang tawn hkungri langai galaw wu ai.

PRU MAT 40:29

dai chyinghka grang a man e wan nat hkungga galaw ai tawn hkungri hpe tawn da wu ai. Dai Madu hkang da sai hte maren, dai tawn hkungri a ntsa e wan nat hkungga hte shadung hkungga ni nawng jau ya wu ai.

YEREMIA 1:15

hpa majaw nga yang, ngai gaw dingdung maga de nga ai masha amyu baw ni yawng sa du na matu shaga dat nngai. Shanhte a hkawhkam ni gaw shanhte a tingnyang ni hpe Yerusalem a chyinghka lam ni hte de a bunghku grup yin hkan e mung, Yuda mung na kaga mare ni a grup yin hkan mung sharawt da na mara ai.

YEREMIA 25:9

‘Ngai gaw dingdung maga de na amyu masha ni yawng hte hpe nye a shangun ma Babelon Hkawhkam Nebuhkadneza a matu shangun dat ya na nngai. Ngai gaw Yuda mung hte de a mung masha ni mahkra hte grup yin e nga ai amyu baw ni mahkra hpe mung, gasat kau na matu shanhte hpe woi sa wa na nngai. Shing rai ngai gaw ndai amyu masha ni hte makau grup yin na amyu baw ni hpe lung gasat kau ai hte dai shara ni gaw prat dingsa katsi katsang shara, hkrit hpa hte yu kajawng mat na zawn re ai shara shatai kau na nngai. Dai Madu ngai nan tsun ni ai.

YEREMIA 26:10

Yuda ningbaw ni gaw byin lai wa sai lam hpe na ma ai shaloi, shanhte gaw hkawhkam htingnu kaw nna dai Madu a Nawku Htingnu de tin tin sa wa nhtawm Chyinghka Ningnan hta shanhte wa nga nga ma ai.

YEREMIA 4:6

Ziun de hkrang ai lam madun dat mu! Shim lum lam a matu kagat mu! Hkum kanung nga myit! Dai Madu gaw tsin-yam tsindam hte hten byak lam kaba hpe dingdung maga kaw nna woi sa wa nga ai.

EZEKELA 10:2

Karai Kasang gaw lachyit nba lawai da ai wa hpe, “Leng dingsen ni a lapran na hkrung kanu ni a npu de sa shang nna grung ai wan n-ga ni hpe na a lata hte magawn la nhtawm dai hpe mare ntsa de gat dat u,” ngu nna tsun wu ai. Ngai gaw shi shang sa wa ai hpe azi yu nga nngai.

EZEKELA 8:3

Shi gaw lata hkrang zawn re ai hpe ladawn dat ai hte nye a kara hpe magra jum da wu ai. Shaloi ndai shingran hta, Karai Kasang a wenyi gaw ngai hpe ntsa de pawn shalun la nhtawm Yerusalem de woi sa nga ai. Shi gaw ngai hpe Nawku Htingnu a dingdung chyinghka a kata shang wa lam de woi sa nga ai; dai shara gaw Karai Kasang hpe nchyi nmu byin shangun ai nsu nnawn hpara sumla langai mi hpe shadun da ai shara mung rai nga ai.

EZEKELA 9:11

Dai hpang, lachyit nba lawai ai wa gaw, “Ngai gaw na a hkang da ai ga ni hpe galaw se ai,” nga nna dai Madu hpang de nhtang wa let tang madun wu ai.

EZEKELA 9:3

Dai hpang, Israela a Karai Kasang a htoi tu ai hpung shingkang gaw shanu nga ai singkaw tu ai hkrung kanu ni kaw na rawt lung wa nhtawm Nawku Htingnu a chyinghka lam de sit sa wa ai. Dai Madu gaw lachyit nba lawai ai wa hpe shaga let,

Daniela 10:5

Ngai sharawt mada dat yu we yang, lachyit nba bu hpun nna, jet ai ja shingkyit kyit da nga ai masha langai hpe mu nngai.

Daniela 12:6

Shan hta na langai mi gaw hka hku maga de tsap nga ai lamu kasa hpe, “Ndai mauhpa amu ni htum mat ai aten du hkra kade na na rai ta?,” ngu nna san wu ai.

JAW JAU 16:4

Dai hpang dai Madu gaw hkan sa na ga matsun ni jaw ya wu ai. Arun gaw dai Chyoi Pra Htum ai Shara de garai n shang yang hka shin nna hkinjawng hpun palawng bu hpun let lachyit palawng galu, labu kadun, shingkyit hte bunghkaw ni sumraw bu hpun na rai wu ai.

AMO LAIKA (AMOS) 9:1

Ngai gaw tawn hkungri makau e tsap nga ai Madu hpe mu nngai. Shi gaw ndai hkang da ai ga jaw wu ai: “Nawku Htingnu shadaw ni a pungding ni hpe agrawp shadaw kau mu, shaloi grai ja ai npawt nhpang gaw gari ashun wa na ra ai. Dai ni hpe agrawp daw ai hte amyu masha ni a ntsa de hkrat shangun u. Ngai gaw ngam nga ai amyu masha ni hpe majan hta sat kau na we ai. Kadai mung hprawng lu na n rai; langai mi mung lawt lu na ra ai n rai.

SHINGRAN 15:6

Dai nawku htingnu kaw na ana zinli sanit lang ai lamu kasa sanit pru sa wa ma ai; shanhte gaw htoi tu san pra ai lachyit sumpan hpun palawng bu hpun nna, tinang a sinda e ja shingkyit ni kyit da ma ai.