EZEKELA 9:11 - Jinghpaw Common Language Bible 2009

¹¹ Dai hpang, lachyit nba lawai ai wa gaw, “Ngai gaw na a hkang da ai ga ni hpe galaw se ai,” nga nna dai Madu hpang de nhtang wa let tang madun wu ai.

Jinghpaw Hanson Version Bible

¹¹ Bai yu u, sumpan lawai nna, laika tsi ndum noi ai wa gaw, “Nang hkang da ai hte maren ngai galaw se ai,” ngu nna ga htang wu ai.

EZEKELA 9:11 ပူးပေါင်းရင်းမြစ်များ

SHAKAWN KUNGDAWN 103:20

Chyahtum Chyalai n-gun hte hpring nga nna Madu a hkang da ai ga ni hpe madat mara hkan sa let, shi tsun ai ga ni hpe madat mara nga ai lamu kasa ni e, shi hpe shakawn kungdawn nga mu.

EZEKELA 10:1

Ngai gaw hkrung kanu ni a baw ntsa na din ai lamu madin hte nila lung seng hte gaw da ai hkawhkam tingnyang zawn san ai shara lama mi hpe mada yu nngai.

EZEKELA 9:10

Rai ti mung, ngai gaw shanhte a ntsa e matsan yu dum na n rai; kaga masha ni hpe shanhte galaw ai hte maren shanhte hpe galaw dan na nngai,” ngu nna htan wu ai.

EZEKELA 9:2

Yu mu, Nawku Htingnu a dingdung maga na shinggan chyinghka lam kaw nna marai kru kalang lata rawt pru wa nhtawm shanhte langai hte langai hta hpyen laknak ni lang da nga ma ai. Shanhte hte rau lachyit nba lawai nna laika ka na matu arai lama ma lang ai wa mung lawm nga ai. Shanhte yawng sa nna magri mang hkungri e tsap nga ma ai.

SHINGRAN 16:17

Dai hpang sanit ngu na lamu kasa gaw, shi a sindawng kahtet ai hte hpring ai gawm hpe nbung hta ru gat bun dat wu ai. Shaloi, “Amu ngut mat sai!,” nga nna nawku htingnu kata na nsen kaba pru wa ai.

SHINGRAN 16:2

Shaloi, shawng na lamu kasa pru sa nna, shi a gawm hpe ga de ru bun dat wu ai. Shaloi dai matse labye a masat dingsat shakap hkrum ai ni hte shi a hkrang sumla nawku ai masha ni hta, hkrithpa hte machyi la ai hpye shanam ai ana byin pru wa ai.