EZEKELA 9:10 - Jinghpaw Common Language Bible 2009

¹⁰ Rai ti mung, ngai gaw shanhte a ntsa e matsan yu dum na n rai; kaga masha ni hpe shanhte galaw ai hte maren shanhte hpe galaw dan na nngai,” ngu nna htan wu ai.

Jinghpaw Hanson Version Bible

¹⁰ “Dai rai nna ngai mung, yu lahpawt dum na n rai; shanhte galaw ai hte maren ngai matsan mung dum na n rai; shanhte a baw ntsa de shapraw na nngai,” nga nna ngai hpe tsun ai.

EZEKELA 9:10 ပူးပေါင်းရင်းမြစ်များ

1 HKAWHKAM 8:32

O Madu e, sumsing lamu hta e madat la nna, na a shangun ma ni hpe jeyang mi. Mara kap ai wa hpe shi hkam la ging ai hte maren ari jaw u; mara n kap ai wa hpe chyawm gaw shi lu la ging ai hte maren mara dat ya u law.

2 HKAWHKAM LABAU 6:23

O Madu e, sumsing lamu hta e madat la nna na a shangun ma ni hpe jeyang mi; mara kap ai wa hpe shi hkam la ging ai hte maren ari jaw u, mara n kap ai wa hpe chyawm gaw shi hkam la ging ai hte maren mara dat ya u law.

ESAIA 13:18

Shanhte gaw shanhte a ndan pala ni hte shabrang ni hpe sat kau na mara ai. Shanhte gaw ma chyangai ni hpe matsan dum ma ai n rai, ma kaji ni a ntsa e mung n-gaw nwai ai myit rawng ai n rai.

ESAIA 65:6

“Ngai gaw shanhte hpe ari jaw na matu daw dan da chyalu rai ni ai, shanhte a ari hpe mung ka matsing da sai. Shanhte galaw kau sai amu hpe yu numtawt kau ya na nngai n rai, rai ti mung shanhte galaw shut ai yubak mara ni hte

SHARUNG SHAYAWT 1:5

Shi a gumlau hpyen ni awng padang lu ma ai; shanhte gaw shi hpe daru magam n-gun hte ka-up da ma ai. Dai Madu gaw shi a law la ai yubak ni yawng a matu shi hpe nni nkri hkrum shangun wu ai; Shi a ma kaji ni rim hkrum nna woi la hkrum nga ma ai.

EZEKELA 11:21

Rai ti mung, awu asin re ai hte matsat shabat re ai hpara sumla ni hpe nawku na myit manoi tsaw ra nga ai ni hpe chyawm gaw ngai ari jaw na nngai. Shanhte galaw lai wa sai amu hte maren, shanhte hpe ngai ari jaw na nngai,” ngu nna dai Tsaw Htum ai dai Madu nan tsun wu ai.

EZEKELA 16:43

Nang naw kaji nga yang, ngai nang hpe kade lakawn ai hpe mung nang malap kau nhtawm, nang galaw ai amu yawng hte nang ngai hpe pawt sindawng shangun nit dai. Dai lam a majaw, ngai gaw dai amu ni yawng a matu nang hpe matai htang jaw ni ai. Nang galaw ai kaga matsat shabat amu ni yawng hta ngang gayut ai nse nsa amu hpe nang hpa majaw shut hpyit nit ta?” Tsaw Htum ai dai Madu nan tsun nu ai.

EZEKELA 17:19

Tsaw Htum ai dai Madu gaw, “Ngai gaw ahkrung nga ai Karai Kasang rai nga nngai, dai majaw, shi hpe nye a mying hta agrin nga na matu shi dagam da nu ai ga shaka hpe jahten kau nu ai rai nna shi hpe ari jaw na we ai.

EZEKELA 22:31

Dai re ai majaw, ngai gaw nye a masin kahtet ai hpe shanhte a ntsa e ru bun dat nna, shanhte galaw dan sai arawn alai hte maren, shanhte hpe wan zawn shamyit kau na we ai.” Tsaw Htum ai dai Madu tsun nu ai.

EZEKELA 23:49

Ngai gaw kanau kana rai nga ai nan nau hpe nan a nse nsa ai amu hte hpara sumla ni hpe nawku ai yubak mara ni a majaw, ari jaw na made ai. Dai shaloi, ngai nan dai Tsaw Htum ai dai Madu rai nga nngai hpe nan chye wa na marin dai.”

EZEKELA 24:14

Dai Madu ngai nan dai ga hpe tsun ni ai. Dai amu galaw shadik na matu, nye a aten gaw du nga sai. Ngai gaw na a yubak mara ni hpe malap kau ya na n rai, n-gaw n wai ai myit madun dan na n rai, matsan dum la na n rai. Nang galaw dan sai arawn alai hte maren ari jaw hkrum na rai ndai.” Tsaw Htum ai dai Madu nan tsun nu ai.

EZEKELA 43:3

Ndai shingran gaw Yerusalem hpe jahten kau na matu Karai Kasang yu sa ai shaloi ngai mu ai shingran hte Hkebara hka kau e ngai mu yu sai zawn rai nga ai. Dai rai nna ngai gaw ga de gum dagup mat nngai.

EZEKELA 5:11

“Dai re ai majaw, Ngai gaw ahkrung nga ai Karai Kasang rai nga nngai, dai re ai majaw, ndai gaw Tsaw Htum ai dai Madu a mungga rai nga ai. Nang gaw nye a Nawku Htingnu hpe nang galaw ai n hkru ai amu yawng, matsat shabat re ai amu ni hte awu asin di kau nit dai majaw ngai gaw matsan dum ai myit n rawng ai sha nang hpe kran kadang kau na nngai.

EZEKELA 7:3

“Israela e, jahtum ai gaw du nit dai. Nang galaw dan sai amu hte maren ngai nang hpe tara jeyang nga nngai majaw nang gaw nye a sindawng kahtet ai hpe hkam sha na rai ndai. Ngai gaw nang galaw ai matsat shabat amu yawng a matu nang hpe htang jaw na nngai.

EZEKELA 7:4

Ngai gaw nang hpe lahpawt dum na n rai, matsan dum ai lam loi mi mung madun na nngai n rai. Nang galaw shapraw dan sai matsat shabat re ai arawn alai ni a majaw, ngai nang hpe ari jaw na nngai, shaloi ngai nan dai Madu rai nga nngai hpe nang chye wa na rai ndai.”

EZEKELA 8:18

Shanhte gaw nye a sindawng kahtet ai n-gun yawng hpe hkam sha na mara ai. Ngai gaw shanhte hpe jahkrung da na n rai; ngai shanhte hpe matsan dum na n rai. Shanhte gaw ngai hpe marawn jahtau lu ai daram hpyi jahtau ma ti mung, shanhte a hpyi jahtau ai nsen hpe ngai madat ya na n rai,” ngu nna tsun wu ai.

EZEKELA 9:11

Dai hpang, lachyit nba lawai ai wa gaw, “Ngai gaw na a hkang da ai ga ni hpe galaw se ai,” nga nna dai Madu hpang de nhtang wa let tang madun wu ai.

EZEKELA 9:5

Karai Kasang gaw kaga masha ni hpe, “Shi a hpang hkan nhtawm mare ting hta dinghkren hkawm let kahtam sat kau mu. Langai mi hpe mung asak a hkyamsa lam hkum jaw myit; kade a ntsa e mung matsan hkum yu dum myit.

HOSEA 9:7

Ari jaw na aten du sai, amyu masha ni galaw ai hte maren shanhte hkam la na aten du ra ai. Dai lam byin jang, Israela gaw de a lam chye lu na mara ai! Nanhte gaw, “Ndai myihtoi wa gaw mana ai wa she rai nga a hka! Ndai wenyi n-gun rawng ai wa gaw sai n gring sam ai,” nga nna tsun myit dai. Nanhte ngai hpe grai wa n ju nga myit dai majaw nanhte a yubak gaw grai kaba nga malit dai.

YOELA 3:4

“Turu, Sidon hte Hpilisti ginwang ni yawng hte e, nanhte ngai hpe hpa galaw mayu nga myit ni? Nanhte gaw lam lama ma a majaw ngai hpe matai htang mayu myit ni? Dai zawn galaw mayu ai rai yang, ngai nanhte hpe alawan matai htang na made ai!

ZEHKARIA 11:6

(Dai Madu gaw, “Ngai gaw ginding aga ntsa na masha kadai hpe mung galoi mung n matsan dum na nngai. Ngai nan amyu masha ni hpe shanhte a mung up du ni a lata hta ap kau na mawe ai. dai mung up du ni gaw ginding aga hpe jahten shaza kau na mara ai; shanhte a lata kaw na ngai hkye hkrang la na nngai n rai,”) ngu nna tsun wu ai.

TARA JAHPRANG 32:41

tu ala ai nye a nhtu hpe ngai galaw garang nna, teng man rap ra ai amu galaw nga sai hpe mu na mara ai. Nye a gumlau hpyen ni hpe ngai matai htang nna, ngai hpe n ju n dawng ai ni hpe ari jaw na mawe ai.

HEBRE 10:30

Hpa majaw nga yang, “Ngai matai htang na mawe ai, nga nna mung, yubak a shabrai hpe ngai hteng ya na nngai,” nga nna mung, bai dai Madu gaw shi a amyu masha ni hpe tara daw dan na ra ai, nga nna mung, tsun ai wa gaw kadai re ai hpe anhte chye ga ai.