EZEKELA 9:1 - Jinghpaw Common Language Bible 2009

¹ Dai hpang, ngai gaw, “Ndai mare hpe ari jaw hkyen nga ai masha ni e, ndai shara de sit sa wa mi. Nanhte a laknak ni hpe nanhte hte rau lang sa wa mi,” nga nna Karai Kasang jahtau tsun ai nsen hpe na nngai.

Jinghpaw Hanson Version Bible

¹ Shaloi shi gaw, “Ndai mare hpe up hkang ai ni, sit sa marit; langai hte langai jahten shabyak chye ai ri nhtu lang mu,” nga nna aja awa jahtau ai hpe ngai na nngai.

EZEKELA 9:1 ပူးပေါင်းရင်းမြစ်များ

2 HKAWHKAM 10:24

Dai hpang Bala hpe shagu hkungga nawng ya na matu mung, wan nat hkungga nawng ya na matu mung shi hte Yonadab shang mat wa ma ai. Shi gaw Bala htingnu shinggan e marai matsat shi hpe tawn da nna shanhte hpe ning ngu hkang da wu ai: “Ndai masha ni yawng hpe nanhte sat kau na rai myit dai; shanhte hta na langai ngai hpe shalawt kau dat ai wa kadai hpe mung shi a asak a matu tinang a asak jaw ra na rai myit dai!”

1 HKAWHKAM LABAU 21:15

Dai hpang Yerusalem mare hpe jahten kau na matu lamu kasa langai hpe shi shangun dat wu ai; rai ti mung shi a myit galai mat nhtawm dai lamu kasa hpe, “Hkring sanu! Ram sai!,” ngu nna tsun wu ai. Shaloi dai lamu kasa gaw Yebusi masha Arauna a mam chyarang makau e tsap nga ai.

PRU MAT 12:23

Dai Madu gaw Egutu masha ni hpe sat na nga, Egutu mung de dinghkren hkawm mat wa ai shaloi, chyinghka hkadun hte hkanoi ni hta arut shakap da sai asai hpe mu jang, Si Du a lamu kasa hpe nanhte a nta de shang nna nanhte hpe sat kau shangun na nngai n rai.

ESAIA 6:8

Dai hpang Madu gaw, “Ngai kadai hpe shangun dat na i? Kadai wa anhte a shiga htawn ai wa tai na kun?,” ngu nna tsun ai ga hpe ngai na nngai. Ngai mahtang, “Ngai sa na nngai! Ngai hpe shangun dat e!,” ngu nna htan we ai.

YEREMIA 4:6

Ziun de hkrang ai lam madun dat mu! Shim lum lam a matu kagat mu! Hkum kanung nga myit! Dai Madu gaw tsin-yam tsindam hte hten byak lam kaba hpe dingdung maga kaw nna woi sa wa nga ai.

EZEKELA 43:3

Ndai shingran gaw Yerusalem hpe jahten kau na matu Karai Kasang yu sa ai shaloi ngai mu ai shingran hte Hkebara hka kau e ngai mu yu sai zawn rai nga ai. Dai rai nna ngai gaw ga de gum dagup mat nngai.

SHINGRAN 14:7

Dai lamu kasa gaw, “Shinggyim masha amyu baw shagu hpe tara dara na aten du ra ai. Dai majaw, Karai Kasang hpe hkrit hkungga mu! Shi a htani htana galu kaba ai hpung shingkang hpe shagrau sha-a mu! Sumsing lamu hte ginding aga, panglai hte hka hpawk ni hpe hpan tawn da ai wa hpe nawku nga mu!,” nga nna nsen kaba hte tsun nga ai.